ຂ່າວຫຼ້າສຸດ

ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ຣັດ​ເຊຍ ແລະ ປາ​ປົວ ນີວ ກີ​ເນ

152 12 ຕ.ລ. 2018 ຂ່າວຕ່າງປະເທດ
ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ຣັດ​ເຊຍ ແລະ ປາ​ປົວ ນີວ ກີ​ເນ

     ສຳນັກ​ຂ່າວສານ RT ຂອງ​ຣັດ​ເຊຍ ລາຍ​ງານ​ວ່າ ໄດ້​ເກີດ​ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັ່ນ​ສະເທືອນ​ໄດ້ 6,3 ອົງສາ​ຣິກ​ເຕີ ຊຶ່ງ​ເກີດ​ຂຶ້ນ​ເມື່ອ​ຕອນ​ເຊົ້າ​ຂອງ​ວັນ​ທີ 11 ຕຸລາ​ນີ້   ທີ່​ເຂດ​ທິດໃຕ້​ໝູ່​ເກາະ​ກູ​ຣິ​​ລ ໃນ​ເຂດ​ຕາ​ເວັນ​​ອກ​ໄກ​ຂອງ​ຣັດ​ເຊຍ.

    ອົງການ​ສຳ​ຫຼວດ​ທໍລະນີ​ສາດ​ຂອງ ສ ອາ​ເມ​ຣິ​ກາ (USGS) ໃຫ້​ຮູ້​ວ່າ ຈຸດ​ສູນ​ກາງ ຂອງ​ແຜ່ນດິນ​ໄຫວ​ດັ່ງກ່າວ ຢູ່​ເລິກ​ລົງ​ໄປ​ໃຕ້​ດິນ 17,5​ກມ ແລະ​ຢູ່​​ຫ່ງ​ຈາກ​ເມືອງ ເຊ​ເວ​ໂຣ-ກູ​ຣິ​​ລສກ໌ (ມີ​ປະຊາກອນ​ອາ​ໃສ​ຢູ່​ປະມານ 2.500 ຄົນ) ປະມານ 151 ​ກມ ໄປ​ທາງ​ທິດໃຕ້.

   ໃນ​ວັນ​ດຽວ​ກັນ ທີ່​ເກາະ New Britian ຊຶ່ງ​ຂຶ້ນ​ກັບ ປາ​ປົວ ນີວ ກີ​ເນ ກໍ​ເກີດ​ແຮງ​ສັ່ນ​ສະເທືອນ​ຢ່າງ​ແຮງ ຈາກ​ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັ່ນ​ສະ​ເທື່ອນ​ໄດ້ 7,0 ອົງສາ​ຣິກ​ເຕີ. USGS ໃຫ້​ຮູ້​ວ່າ ຈຸດ​ສູນ​ກາງຂອງ​ແຜ່ນດິນ​ໄຫວ​ເທື່ອ​ນີ້ ຢູ່​ໃນ​ລະດັບ​ເລິກ 40​ ກມ ແລະ ​ສູນ​ແຈ້ງ​ເຕືອນ​ສຶ​ນາ​ມິ ຢູ່​ໃນ​ມະຫາ​ສະໝຸດ​ປາ​ຊີ​ຟິກ ໄດ້​ແຈ້ງ​ເຕືອນ​ເຖິງ​ຄວາມ​ສ່ຽງ​ເກີດ​ສຶ​ນາ​ມິ ຢູ່​ໃນ​ເຂດ​ນັ້ນ ແຕ່​ໃນ​ເວລາ​ຕໍ່​ມາ ເຈົ້າ​ໜ້າທີ່​ຢືນຢັນ​ວ່າ ຄວາມ​ສ່ຽງ​ເກີດ​ສຶ​ນາ​ມິ​ໄດ້​ຜ່ານ​ພົ້ນ​ໄປ.

 

ຂ່າວທີ່ກ່ຽວຂ້ອງ