ໄພພິບັດ​ທຳ​ມະ​ຊາດ ເຮັດ​ໃຫ້​ເສດຖະກິດ​ໂລກ​ເສຍ​ຫາຍ​ເປັນ​ມູນ​ຄ່າ 2.250 ຕື້​ໂດ​ລາ

80 12 ຕ.ລ. 2018 ຂ່າວຕ່າງປະເທດ
ໄພພິບັດ​ທຳ​ມະ​ຊາດ ເຮັດ​ໃຫ້​ເສດຖະກິດ​ໂລກ​ເສຍ​ຫາຍ​ເປັນ​ມູນ​ຄ່າ 2.250 ຕື້​ໂດ​ລາ

   ຫ້ອງການ​ສະຫະ​ປະຊາ​ຊາດ ກ່ຽວ​ກັບ​ການ​ບັນເທົາ​ຄວາມ​ສ່ຽງ​ໄພພິບັດ​ທຳ​ມະ​ຊາດ (UNISDR) ໃຫ້​ຮູ້​ວ່າ ຄວາມ​ເສຍ​ຫາຍ​ທາງ​ດ້ານ​ເສດຖະກິດ ທີ່​ເກີດ​ຈາກ​ໄພພິບັດ ຊຶ່ງ​ພົວພັນ​ເຖິງ ສະພາບ​ດິນ​ຟ້າ​ອາກາດ ພາຍ​ໃນ​ສອງ​ທົດ​ສະ​ວັດ​ທີ່​ຜ່ານ​ມາ ໄດ້​ຂຶ້ນ​ສູ່​ລະດັບ 2.250 ຕື້​ໂດ​ລາ ສະຫະລັດ  ເພີ່ມ​ຂຶ້ນ​ກວ່າ 250% ເມື່ອ​ທຽບໃສ່​ໄລຍະ 20 ປີ​ກ່ອນ​ໜ້າ​ນັ້ນ.

   ບົດ​ລາຍ​ງານ​ສະບັບ​ໜຶ່ງ ຊຶ່ງ​ປະຕິບັດ​ຮ່ວມ​ກັນ ໂດຍ​ສູນ​ຄົ້ນຄວ້າ​ກ່ຽວ​ກັບ​ພະຍາດ​ທົ່ວ​ໄປ ຂອງ​ໄພ​ທຳ​ມະ​ຊາດ (CRED) ທີ່​ຂຶ້ນ​ກັບ​ມະຫາວິທະຍາໄລ Catholique de Louvain ໃນ​ປະເທດ ແບນ​ຊິກ ແລະ UNISDR ນັ້ນ​ໃຫ້​ຮູ້​ວ່າ ຍອດ​ຄວາມ​ເສຍ​ຫາຍ​ຈາກ​ໄພພິບັດ ທີ່​ພົວພັນ​ເຖິງ ສະພາບ​ດິນ​ຟ້າ​ອາກາດ ໃນ​ໄລຍະ​ປີ  1978-1997 ຢູ່​ທີ່​ລະດັບ 895 ຕື້​ໂດ​ລາ​ສະຫະລັດ (ເທົ່າ​ກັບ 780 ຕື້​ເອີ​ໂຣ).

    ເຖິງ​ຢ່າງໃດ​ກໍ​ຕາມ ມາ​ໃນ​ໄລຍະ​ປີ 1998-2017 ຕົວ​ເລກ​ດັ່ງກ່າວ​ໄດ້​ແຕະ​ລະດັບ 2.250 ຕື້ ໂດ​ລາ​ສະຫະລັດ ໃນ​​ນັ້ັນ ສ ອາ​ເມ​ຣິ​ກາ ຈີນ ຍີ່ປຸ່ນ ແລະ​ອິນ​ເດຍ ເປັນ​ບັນດາ​ປະເທດ ທີ່​ໄດ້​ຮັບ​ຄວາມ​ເສຍ​ຫາຍ​ຫຼາຍ​ສຸດ​ໃນ​ດ້ານ​ເສດຖະກິດ.

    UNISDR ໄດ້​ລວບ​ລວມ​ສະຖິຕິ​ຈຳນວນ​ໄພພິບັດ ທີ່​ພົວພັນ​ເຖິງ​ສະພາບ​ດິນ​ຟ້າ​ອາກາດ                                                                                          ແຕ່​ປີ 1998 - 2017 ມີ​ຢູ່​ທີ່​ປະມານ 6.600 ກວ່າ​ລາຍ ໃນ​ນັ້ນ ພາຍຸ ແລະ​ນ້ຳ​ຖ້ວມ ເກີດ​ຂຶ້ນ ເປັນ​ປະຈຳ​ທີ່​ສຸດ.

 

ຂ່າວທີ່ກ່ຽວຂ້ອງ