ເຂດ​ປອດ​ການ​ທະຫານ ໄດ້​ຮັບ​ການ​ສ້າງ​ຂຶ້ນ​ໃນ​ແຂວງ​ອິດ​ລິບ ຂອງ​ຊີ​ຣີ

80 12 ຕ.ລ. 2018 ຂ່າວຕ່າງປະເທດ
ເຂດ​ປອດ​ການ​ທະຫານ ໄດ້​ຮັບ​ການ​ສ້າງ​ຂຶ້ນ​ໃນ​ແຂວງ​ອິດ​ລິບ ຂອງ​ຊີ​ຣີ

    ກະຊວງ​ປ້ອງ​ກັນ​ປະເທດ​ຂອງ​ຕວກ​ກີ ແຈ້ງ​ໃຫ້​ຮູ້ເມື່ອ​ວັນ​ທີ 10 ຕຸລາ​ນີ້​ວ່າ ເຂດ​ປອດ​ການ​ທະຫານ ຢູ່​ໃນ​ແຂວງ​ອິດ​ລິບ ຂອງ​ຊີ​ຣີ ໄດ້​ຮັບ​ການ​ສ້າງ​ຂຶ້ນ​ແລ້ວ ແລະ​ວ່າ​ອາວຸດ​ຂະໜາດ​ໜັກ ໄດ້​ຖືກ​ຖອນ​ອອກ​ໄປ ຫຼັງ​ຈາກ​ມີ​ຄວາມ​ເຫັນ​ດີ​ເປັນ​ເອກະສັນ​ກັນ ຢູ່​ໃນ​ຂໍ້​ຕົກລົງ​ສະບັບ​ໜຶ່ງ​ຂອງ​ການ​ນຳ ຣັດ​ເຊຍ-ຕວກ​ກີ ຊຶ່ງ​ມີ​ຂຶ້ນ​ທີ່​ນະຄອນ​ໂຊ​ຈີ (ຣັດ​ເຊຍ) ເມື່ອ​ເດືອນ​ທີ່​ຜ່ານ​ມາ.

    ຂໍ້​ຕົກລົງ​ດັ່ງກ່າວ ລະບຸ​ວ່າ ອາວຸດ​ຂະໜາດ​ໜັກ ລົດ​ຖັງ ລະບົບ​ຈະ​ຫຼວດ ແລະ ​ປືນ​ຄົກ ຂອງ​ບັນດາ​ກຸ່ມ​ຝ່າຍ​ຄ້ານ ຈະ​ໄດ້​ຖອນ​ອອກ​ໄປ​ຈາກ​ເຂດ​ດັ່ງກ່າວ ຊ້າ​ສຸດ​ແມ່ນ​ໃນ​ວັນ​ທີ 10 ຕຸລາ​ນີ້ ແລະ​ ເຂດ​ປອດ​ການ​ທະຫານ ຈະ​ໄດ້​ຮັບ​ການ​ຕິດຕາມ​ກວດກາ​ປະສົມ​ປະສານ​ກັນ ໂດຍ​ບັນດາ​ກົມ​ກອງ ເວນຍາມ​ຂອງ​​ຣັດຊຍ ແລະ ​ຕວກ​ກີ.

    ກ່ອນ​ໜ້າ​ນັ້ນ ສຳນັກ​ຂ່າວສານ Anadolu ຂອງ​ຕວ​ກີ ກໍ​ລາຍ​ງານ​ເມື່ອ​ວັນ​ທີ 8 ຕຸລາ ທີ່​ຜ່ານ​ມາ​ວ່າ ບັນດາ​ກຸ່ມ​ປະກອບ​ອາວຸດ​ລຸກ​ຮື​ຂຶ້ນ ຈະ​ສຳເລັດ​ຖານ​ຖອນ​ອາວຸດ​ຂະໜາດ​ໜັກ ອອກ​ໄປ​ຈາກ​ເຂດ ປອດ​ທະຫານ ຊຶ່ງ​ຕວກ​ກີ ແລະ ຣັດ​ເຊຍ ເຫັນ​ດີ​ນຳ​ກັນ​ສ້າງ​ຂຶ້ນ​ມາ​ຢູ່​ໃນ​ເຂວງ​ອິດ​ລິບ (ທິດຕາເວັນອອກ​ສ່ຽງ​ເໜືອ​ຂອງ​ຊີ​ຣີ).

 

ຂ່າວທີ່ກ່ຽວຂ້ອງ