ຂ່າວຫຼ້າສຸດ

ຫວຽດນາມ​ສົ່ງ​ອອກ​ເຂົ້າ​ເກືອບ 5 ລ້ານ​ໂຕນ ພາຍ​ໃນ 9 ເດືອນ​ຜ່ານ​ມາ

134 12 ຕ.ລ. 2018 ຂ່າວຕ່າງປະເທດ
ຫວຽດນາມ​ສົ່ງ​ອອກ​ເຂົ້າ​ເກືອບ 5 ລ້ານ​ໂຕນ ພາຍ​ໃນ 9  ເດືອນ​ຜ່ານ​ມາ

    ກົມ​ການ​ປຸງ​ແຕ່ງ ແລະ​ພັດທະນາ​ຕະຫຼາດ​ຜະລິດ​ຕະ​ພັນ​ກະສິກຳ ກະຊວງ​ກະສິກຳ ແລະ​ ພັດທະນາ​ຊົນນະບົດ​ຂອງ​ຫວຽດນາມ ໃຫ້​ຮູ້​ວ່າ ປະລິມານ​ເຂົ້າສານ​ສົ່ງ​ອອກ​ຂອງ​ຫວຽດນາມ ໃນ​ເດືອນ​ກັນຍາ​ປີ 2018 ບັນລຸ 443.000 ໂຕນ ແລະ​ບັນລຸ​ມູນ​ຄ່າ 212 ລ້ານ​ໂດ​ລາ​ສະຫະລັດ.

    ຕົວ​ເລກ​ດັ່ງກ່າວ ໄດ້​ເຮັດ​ໃຫ້​ປະລິມານ​ການ​ສົ່ງ​ອອກ​ເຂົ້າຂອງ​ຫວຽດນາມ ໃນ 9 ເດືອນ​ທີ່​ຜ່ານ​ມາ ບັນລຸ​ເກືອບ 5 ລ້ານ​ໂຕນ ແລະ ​ບັນລຸ​ມູນ​ຄ່າ 2,5 ຕື້​ໂດ​ລາ​ສະຫະລັດ ເພີ່ມ​ຂຶ້ນ 8,5% ໃນ​ດ້ານ​ບໍ​ລິ​ມາດ ແລະ​ເພີ່ມ​ຂຶ້ນ 23,2% ໃນ​ດ້ານ​ມູນ​ຄ່າ ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ 2017.

    ຈີນ​ຍັງ​ຄົງ​ສືບຕໍ່​ຢູ່​ໃນ​ອັນ​ດັບ​ໜຶ່ງ ໃນ​ດ້ານ​ຕະຫຼາດ​ການ​ຮອງ​ຮັບ​ການ​ສົ່ງ​ອອກ​ເຂົ້າຂອງ​ຫວຽດນາມ ໂດຍ​ກວມ​ເອົາ 23,2% ສ່ວນ​ແບ່ງ​ຂອງ​ຕະຫຼາດ. ໃນ 8 ເດືອນ​ຕົ້ນ​ປີ​ນີ້ ຫວຽດນາມ ສົ່ງ​ອອກ​ເຂົ້າ​ໄປ​ຍັງ​ຕະຫຼາດ​ຈີນ ບັນລຸ 1,02 ລ້ານ​ໂຕນ ໂດຍ​ບັນລຸ​ມູນ​ຄ່າ 529,9 ລ້ານ​ໂດ​ລາ​ສະຫະລັດ ຫຼຸດ​ລົງ 34,9% ໃນ​ດ້ານ​ບໍ​ລິ​ມາດ ແລະ ຫຼຸດ​ລົງ 24,4% ໃນ​ດ້ານ​ມູນ​ຄ່າ ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ​ປີ 2017. ສ່ວນ​ລາຄາ​ເຂົ້າສານ​ຂອງ​ຫວຽດນາມ ສະເລ່ຍ​ໃນ 8 ເດືອນ ຕົ້ນ​ປີ​ນີ້ ຢູ່​ທີ່ 504 ໂດ​ລາ​ສະຫະລັດ/ໂຕນ ເພີ່ມ​ຂຶ້ນ 14,6% ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ​ປີ 2017.

 

ຂ່າວທີ່ກ່ຽວຂ້ອງ