ຂ່າວຫຼ້າສຸດ

ກະກຽມແຫຼ່ງມໍລະດົກໄຫຫີນ ເປັນມໍລະດົກໂລກ

174 12 ຕ.ລ. 2018 ຂ່າວໜ້າ​ໜຶ່ງ

    ການ​ກະ­ກຽມ​ແຫຼ່ງ​ມໍ­ລະ­ດົກ​ໄຫ​ຫີນ ແຂວງ​ຊຽງ​ຂວາງ ເປັນ​ມໍ­ລະ­ດົກ​ໂລກ ໄດ້​ສຳ­ເລັດ​ການ​ສຳ​ຫຼວດ ແລະ ຂຶ້ນ​ທະ­ບຽນ​ແຫຼ່ງ​ມໍ­ລະ­ດົກ​ໄຫ​ຫີນ 11 ແຫຼ່ງ ໃນ 4 ເມືອງ ມີ​ເມືອງ​ແປກ ຜາ​ໄຊ ພູ​ກູດ ແລະ ເມືອງ​ຄຳ ເຊິ່ງ​ແຫຼ່ງ​ມໍ­ລະ­ດົກ​ໄຫ​ຫີນ 11 ແຫຼ່ງ​ດັ່ງ­ກ່າວ ເປັນ​ຕົວ​ແທນ​ອັນ​ໂດດ​ເດັ່ນ​ໃຫ້​ແກ່​ແຫຼ່ງ​ໄຫ​ຫີນ​ທັງ​ໝົດ​ໃນ​ທົ່ວ​ແຂວງ ທີ່​ມີ​ຫຼາຍ​ກວ່າ 80 ແຫຼ່ງ ກອງ​ປະ­ຊຸມ​ລາຍ​ງານ​ຜົນ​ຄວາມ​ຄືບ​ໜ້າ ການ​ກະ­ກຽມ​ແຫຼ່ງ​ມໍ­ລະ­ດົກ​ໄຫ​ຫີນ ແຂວງ​ຊຽງ​ຂວາງ ເຂົ້າ​ເປັນ​ມໍ­ລະ­ດົກ​ໂລກ ໄດ້​ມີ​ຂຶ້ນ​ໃນ​ວັນ​ທີ 11 ຕຸ­ລາ 2018 ທີ່​ເມືອງ​ແປກ ແຂວງ​ຊຽງ​ຂວາງ.

    ໃນ​ໂອ­ກາດ​ກ່າວ​ເປີດ​ກອງ​ປະ­ຊຸມ ທ່ານ ບໍ່​ແສງ​ຄຳ ວົງ​ດາ­ລາ ກ່າວ​ວ່າ: ກອງ​ປະ­ຊຸມ​ຄັ້ງ​ນີ້ ແມ່ນ​ມີ​ຄວາມ​ໝາຍ​ສຳ­ຄັນ​ຫຼາຍ ເພາະ​ພວກ​ເຮົາ​ຈະ​ໄດ້​ພ້ອມ​ກັນ​ກວດ­ກາ​ປະ​ເມີນ​ໃນ​ດ້ານ​ຕ່າງໆ ໂດຍ​ສະ­ເພາະ ພື້ນ​ທີ່​ຂອງ​ແຫຼ່ງ​ມໍ­ລະ­ດົກ​ໄຫ​ຫີນ ທັງ 11 ແຫຼ່ງ ທີ່­ຢູ່​ໃນ 4 ເມືອງ ທີ່​ສະ­ເໜີ​ເປັນ​ມໍ­ລະ­ດົກ​ໂລກ ໃນ​ນັ້ນ ກໍ່​ຈະ​ໄດ້​ຮ່ວມ​ກັນ​ສັງ­ເກດ ແລະ ຕີ​ລາ­ຄາ​ບັນ­ດາ​ຂະ​ບວນ​ການ​ໃນ​ການ​ກະ­ກຽມ​ຄວາມ​ພ້ອມ ໂດຍ​ສະ­ເພາະ ວຽກ​ງານ​ຄຸ້ມ​ຄອງ​ບໍ­ລິ­ຫານ​ແຫຼ່ງ​ມໍ­ລະ­ດົກ​ດັ່ງ­ກ່າວ ທັງ​ຢູ່​ໃນ​ຂັ້ນ​ເມືອງ ແລະ ການ​ມີ​ສ່ວນ​ຮ່ວມ​ຂອງ​ປະ­ຊາ­ຊົນ​ຂັ້ນ​ບ້ານ ມີ​ຂໍ້​ສະ­ດວກ ຂໍ້​ຫຍຸ້ງ­ຍາກ ແລະ ສິ່ງ​ທ້າ​ທາຍ​ແນວ­ໃດ ພ້ອມ​ຊອກ​ວິ­ທີ​ທາງ​ແກ້​ໄຂ​ທີ່​ເໝາະ​ສົມ.

ຂ່າວທີ່ກ່ຽວຂ້ອງ