ສຕລ ກຽມຈັດແຂ່ງຂັນບານເຕະເຍົາວະຊົນຍິງ ຮຸ່ນບໍ່ເກີນ 18 ປີ

86 12 ຕ.ລ. 2018 ວົງຈອນກີລາ
ສຕລ ກຽມຈັດແຂ່ງຂັນບານເຕະເຍົາວະຊົນຍິງ ຮຸ່ນບໍ່ເກີນ 18 ປີ

    ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລລ) ຈະ​ຈັດ​ແຂ່ງ­ຂັນ​ບານ­ເຕະ​ລີກ​ຍິງ ຮຸ່ນ​ອາ­ຍຸ​ບໍ່​ເກີນ 18 ປີ ຫຼື LFF U-18 Women League 2018 ເພື່ອ​ສືບ­ຕໍ່​ພັດ­ທະ­ນາ​ກີ­ລາ​ບານ­ເຕະ​ຍິງ ໃຫ້​ມີ​ການ­ເຄື່ອນ­ໄຫວ​ຢ່າງ​ຕໍ່​ເນື່ອງ​ເປັນ​ປົກ­ກະ­ຕິ ກໍ່​ຄື ພັດ­ທະ­ນາ​ນັກ​ເຕະ​ເຍົາ­ວະ​ຊົນ​ໃຫ້​ກ້າວ​ສູ່​ລະ­ດັບ​ອາ­ຊີບ ກໍ່​ຄື ສາ­ກົນ.

    ການ​ແຂ່ງ­ຂັນ​ບານ­ເຕະ​ເຍົາ­ວະ​ຊົນ​ຍິງ ຮຸ່ນ​ອາ­ຍຸ​ບໍ່​ເກີນ 18 ປີ ຈະ​ເປີດ​ການ​ແຂ່ງ­ຂັນ​ວັນ​ທີ 3 ພະ­ຈິກ 2018 ສ່ວນ​ຂໍ້​ມູນ​ທີ່​ເປັນ​ເອ­ກະ­ສານ​ຕ່າງໆ​ຂອງ​ການ​ແຂ່ງ­ຂັນ​ດັ່ງ­ກ່າວ ໃຫ້​ສະ­ໂມ­ສອນ​ບານ­ເຕະ ສົ່ງ​ຕົວ​ແທນ​ມາ​ພົວ­ພັນ​ເອ­ກະ­ສານ​ເອົາ​ຢູ່​ພະ​ແນກ​ຈັດ­ການ​ແຂ່ງ­ຂັນ ສຕລ ໂດຍ​ມີ​ລາຍ​ລະ­ອຽດ ເຊັ່ນ: ເປີດ​ຮັບ​ສະ­ໝັກ ວັນ​ທີ 11 ຕຸ­ລາ 2018 ເປັນ­ຕົ້ນ​ໄປ ສ່ວນ​ໃບ​ແຈ້ງ​ຕອບ​ຮັບ​ການ​ເຂົ້າ​ຮ່ວມ​ຕ້ອງ​ເຊັນ ແລະ ປະ​ທັບ​ກາ​ໃຫ້​ຄົບ​ຖ້ວນ ແລ້ວ​ນຳ​ສົ່ງ​ພະ​ແນກ​ຈັດ­ການ​ແຂ່ງ­ຂັນ ສຕລ ກ່ອນ​ວັນ​ທີ 19 ຕຸ­ລາ 2018 ສ່ວນ​ໃບ​ລົງ­ທະ­ບຽນ ຄະ­ນະ​ນຳ ແລະ ນັກ­ກີ­ລາ ໃຫ້​ສົ່ງ​ກ່ອນ​ວັນ​ທີ 23 ຕຸ­ລາ 2018 ຖ້າ​ກາຍ​ວັນ​ເວ­ລາ​ທີ່​ກຳ­ນົດ​ໄວ້ ແມ່ນ​ຖື​ວ່າ​ສະ­ຫຼະ​ສິດ.

ຂ່າວທີ່ກ່ຽວຂ້ອງ