ມອບອຸປະກອນກີລາໃຫ້ໂຮງຮຽນມັດທະຍົມສົມບູນ ເຈົ້າອານຸວົງ

81 12 ຕ.ລ. 2018 ວົງຈອນກີລາ
ມອບອຸປະກອນກີລາໃຫ້ໂຮງຮຽນມັດທະຍົມສົມບູນ ເຈົ້າອານຸວົງ

    ທ່ານ ທອງ​ດີ ສຸ­ວັນ​ທອງ ຮອງ​ຫົວ­ໜ້າ​ໂຄງ­ການ​ພັດ­ທະ­ນາ​ຄວາມ​ອາດ ສາ­ມາດ​ດ້ານ​ການ​ຄຸ້ມ​ຄອງ​ໃຫ້​ແກ່​ຂະ­ແໜງ​ນ້ຳ​ປະ­ປາ ນຳ​ເອົາ​ອຸ­ປະ­ກອນ​ກີ­ລາ (ບານ​ຕີ 2 ໜ່ວຍ ບານ­ເຕະ 2 ໜ່ວຍ ກະ­ຕໍ້ 2 ໜ່ວຍ ຕາ​ໜ່າງ​ບານ​ຕີ 1 ອັນ ແລະ ຖົງ­ມື​ບານ­ເຕະ 1 ຄູ່ ພ້ອມ​ນ້ຳ​ດື່ມ 40 ແພັກ ມອບ​ໃຫ້​ໂຮງ­ຮຽນ​ມັດ­ທະ­ຍົມ​ສົມ­ບູນ​ເຈົ້າ​ອາ​ນຸ​ວົງ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ເພື່ອ​ສົ່ງ­ເສີມ​ໃຫ້​ນັກ­ຮຽນ​ໄດ້​ຫຼິ້ນ​ກີ­ລາ​ອອກ­ກຳ­ລັງ​ກາຍ​ເພື່ອ​ສຸ­ຂະ­ພາບ ແລະ ໃຊ້​ເວ­ລາ​ຫວ່າງ​ໃຫ້​ເປັນ​ປະ­ໂຫຍດ.

    ພິ­ທີ​ມອບ-ຮັບ​ອຸ­ປະ­ກອນ​ດັ່ງ­ກ່າວ ຈັດ​ຂຶ້ນ​ວັນ​ທີ 10 ຕຸ­ລາ 2018 ຢູ່​ໂຮງ­ງານ​ຜະ­ລິດ​ນ້ຳ​ປະ­ປາ​ຈີ່­ນາຍ​ໂມ້ ໃນ​ໂອ­ກາດ​ການ​ລົງ​ທັດ­ສະ­ນະ​ສຶກ​ສາ​ຂອງ​ນັກ­ຮຽນ​ໂຮງ­ຮຽນ​ມັດ­ທະ­ຍົມ​ສົມ­ບູນ​ເຈົ້າ​ອາ​ນຸ​ວົງ​ຢູ່​ໂຮງ­ງານ​ດັ່ງ­ກ່າວ ເຊິ່ງ​ມອບ​ໂດຍ​ທ່ານ ທອງ​ດີ ສຸ­ວັນ​ທອງ ແລະ ຮັບ​ໂດຍ​ທ່ານ​ນາງ ວຽງ​ນາ­ລີ ຈັນ­ທະ​ມາ­ລີ ຄະ­ນະ​ຜູ້­ອຳ­ນວຍ­ການ​ໂຮງ­ຮຽນ​ມັດ­ທະ­ຍົມ​ສົມ­ບູນ ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ