Driven ລົດຖີບ​ໄຮ້​ໂສ້ ປະຕິວັດ​ວົງ​ການ​ດ້ວຍ​ລະບົບ​ຂັບ​ເຄື່ອນ​ທີ່ “ມີ​ປະສິດທິພາບ​ຫຼາຍ​ທີ່​ສຸດ​ໃນ​ໂລກ”!!

105 11 ຕ.ລ. 2018 ຫົວຂໍ້ຂ່າວອື່ນໆ
Driven ລົດຖີບ​ໄຮ້​ໂສ້ ປະຕິວັດ​ວົງ​ການ​ດ້ວຍ​ລະບົບ​ຂັບ​ເຄື່ອນ​ທີ່ “ມີ​ປະສິດທິພາບ​ຫຼາຍ​ທີ່​ສຸດ​ໃນ​ໂລກ”!!

      ພວກ​ເຮົາ​ທຸກ​ຄົນ​ຄົງ​ຊິນ​ເຄີຍ​ກັບ​ການ​ຂີ່​ລົດຖີບ​ແບບ​ມີ “ໂສ້” ໄວ້​ສຳລັບ​ການ​ຂັບ​ເຄື່ອນ​ໃຫ້​ລໍ້​ຫຼັງ​ໝູນ​ໄປ​ຕາມ​ແຮງ​ຖີບ​ຂອງ​ເຮົາ.

     ແຕ່​ລົດຖີບ​ຄັນ​ນີ້ ຈະ​ລຶບ​ທຸກ​ພາບ​ລົດຖີບ​ຄັນ​ອື່ນໆ​ທີ່​ເຮົາ​ເຄີຍ​ເຫັນ​ກັນ​ມາ​ກ່ອນ ເພາະ​ມັນ​ຄື​ລົດຖີບ​ທີ່​ສາມາດ​ຂັບ​ເຄື່ອນ​ໄດ້​ແບບ​ບໍ່​ມີ​ໂສ້ !! ຈົນ​ຂຶ້ນ​ຊື່ວ່າ​ເປັນ “ລະບົບ​ຂັບ​ເຄື່ອນ​ທີ່​ມີ​ປະສິດທິພາບ​ຫຼາຍ​ທີ່​ສຸດ​ໃນ​ໂລກ”!!

ມາ​ຮູ້ຈັກ​ກັບ Driven ລົດຖີບ​ທີ່​ມີ​ລະບົບ​ຂັບ​ເຄື່ອນ​ແບບ​ໄຮ້​ໂສ້.

    Driven ຖືກ​ຜະລິດ​ຂຶ້ນ​ໂດຍ​ບໍລິສັດ Ceramic Speed ໂດຍ​ລະບົບ​ການ​ຂັບ​ເຄື່ອນ​ແນວ​ໃໝ່​ນີ້ ເກີດ​ຈາກ​ການ​ຮ່ວມ​ກັນ​ຄິດ​ຄົ້ນ​ກັບ​ຝ່າຍ​ວິສະວະກຳ​ເຄື່ອງ​ກົນ ມະຫາວິທະຍາໄລ​ໂຄ​ໂລ​ຣາ​ໂດ ປະເທດ​ສະຫະລັດ​ອາ​ເມ​ຣິ​ກາ.

ພວກ​ເຂົາ​ບອກ​ວ່າ ໂສ້​ຄື​ສິ່ງ​ທີ່​ເຮັດ​ໃຫ້​ເກີດ​ແຮງ​ສຽດ​ທານ​ເກີນ​ຄວາມ​ຈຳເປັນ ເຮັດ​ໃຫ້​ປະສິດທິພາບ​ໃນ​ການ​ຖີບ​ລົດ​ຍັງ​ບໍ່​ເຖິງ​ຈຸດ​ທີ່​ຄາດ​ຫວັງ​ເອົາ​ໄວ້.

     ພວກ​ເຂົາ​ຈຶ່ງ​ຫັນ​ມາ​ຄິດ​ຄົ້ນ​ກ້ານ​ທີ່​ປະກອບ​ດ້ວຍ​ແບ​ຣິ່ງ​ທັງ​ໝົດ 21 ອັນ ສຳລັບ​ການ​ສົ່ງ​ແຮງ​ໝູນ​ຈາກ​ຈານ​ໜ້າ​ໄປ​ຍັງ​ຟັນ​ເຟືອງ​ດ້ານ​ຫຼັງ​ທັງ​ໝົດ 13 ຊິ້ນ.

     ລະບົບ​ການ​ຂັບ​ເຄື່ອນ​ດັ່ງກ່າວ ສົ່ງ​ຜົນ​ຕໍ່​ການ​ຂັບ​ເຄື່ອນ​ທີ່​ດີ​ຫຼາຍ​ກວ່າ​ເດີມ ຫຼຸດ​ແຮງ​ສຽດ​ທານ​ອອກ​ໄປ​ໄດ້​ຫຼາຍ​ເຖິງ 49% ເມື່ອ​ທຽບ​ກັບ​ການ​ໃຊ້​ໂສ້​ເໝືອນ​ລົດຖີບ​ທົ່ວໆ​ໄປ ລວມ​ເຖິງ​ອາຍຸ​ການ​ໃຊ້​ງານ​ທີ່​ຫຼາຍ​ກວ່າ​ດ້ວຍ. .

     ນີ້​ຈຶ່ງ​ຖື​ວ່າ​ເປັນ​ນະ​ວັດຕະ​ກຳສຸດ​ລ້ຳ​ສະໄໝ​ທີ່​ຈະ​ເຂົ້າ​ມາ​ປະຕິວັດ​ລົດຖີບ​ທົ່ວໆ​ໄປ​ທີ່​ມີ​ມາ​ໃຫ້​ເຫັນ​ກັນ​ຕັ້ງແຕ່​ຍຸກ​ປີ 1920 ພວກ​ເຂົາ​ບອກ​ວ່າ​ມັນ​ຄື​ຄວາມ​ທ້າ​ທາຍ ແລະ ຄວາມ​ສຳເລັດ​ອັນ​ແສນ​ພາກພູມ​ໃຈ​ຂອງ​ບໍລິສັດ.

ດ້ວຍ​ເຫດຜົນ​ທັງ​ໝົດ​ທີ່​ວ່າ​ມາ​ນັ້ນ ຈຶ່ງ​ບໍ່​ແປກ​ທີ່​ມັນ​ຈະ​ຖືກ​ເອີ້ນ​ວ່າ​ລົດຖີບ​ທີ່​ມີ​ປະສິດທິພາບ​ຂອງ​ລະບົບ​ຂັບ​ເຄື່ອນ​ຫຼາຍ​ທີ່​ສຸດ​ໃນ​ໂລກ ຈົນ​ໄດ້​ຮັບ​ລາງວັນ The Eurobike Award ປະຈຳ​ປີ 2018.

     ປັດຈຸບັນ​ຍັງ​ບໍ່​ມີ​ການ​ຜະລິດ​ອອກ​ມາ​ວາງ​ຂາຍ​ໃນ​ທ້ອງ​ຕະຫຼາດ ແຕ່​ພວກ​ເຂົາ​ກໍ​ໄດ້​ນຳ​ມັນ​ອອກ​ມາ​ສະແດງ​ໃນ​ງານ CeramicSpeed’s Eurobike ໄປ​ຕັ້ງແຕ່​ໄລຍະ​ວັນ​ທີ 8-10 ກໍລະກົດ 2018 ທີ່​ຜ່ານ​ມາ ຈຶ່ງ​ຄາດ​ວ່າ​ອາດ​ມີ​ໃຫ້​ເຮົາ​ໄດ້​ເຫັນ​ກັນ​ຕາມ​ທ້ອງ​ຖະໜົນ​ໃນ​ບໍ່​ຊ້າ.

ຂ່າວທີ່ກ່ຽວຂ້ອງ