ມອບ-ຮັບໜ້າທີ່ເຈົ້າເມືອງຫາດຊາຍຟອງ

137 11 ຕ.ລ. 2018 ຂ່າວໜ້າ​ໜຶ່ງ

    ພິ­ທີ​ມອບ-ຮັບ​ໜ້າ­ທີ່​ເຈົ້າ­ເມືອງ​ຫາດ​ຊາຍ​ຟອງ ລະ­ຫວ່າງ​ທ່ານ ແກ່ນ ວໍ­ລະ​ສານ ຮັກ­ສາ​ການ​ເລ­ຂາ​ພັກ​ວ່າ­ການ​ເຈົ້າ­ເມືອງ​ຫາດ​ຊາຍ​ຟອງ​ຜູ້​ເກົ່າ ແລະ ທ່ານ ວົງ​ເດືອນ ບຸນ​ຍະ​ແສງ ກຳ­ມະ­ການ​ພັກ​ນະ­ຄອນ­ຫຼວງ ເລ­ຂາ​ພັກ​ເຈົ້າ­ເມືອງ​ປາກ​ງື່ມ ຈັດ​ຂຶ້ນ​ວັນ​ທີ 9 ຕຸ­ລາ 2018 ຢູ່​ເມືອງ​ຫາດ​ຊາຍ​ຟອງ ໂດຍ​ການ​ເຂົ້າ​ຮ່ວມ​ຂອງ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ.

    ການ​ມອບ-ຮັບ​ໜ້າ­ທີ່​ເຈົ້າ­ເມືອງ​ຄັ້ງ​ນີ້ ແມ່ນ​ປະ­ຕິ­ບັດ​ຕາມ​ມະ­ຕິ​ຕົກ­ລົງ​ຂອງ​ຄະ­ນະ​ປະ­ຈຳ​ພັກ​ນະ­ຄອນ­ຫຼວງ​ວຽງ ຍົກ­ຍ້າຍ​ທ່ານ ວົງ​ເດືອນ ບຸນ​ຍະ​ແສງ ກຳ­ມະ­ການ​ພັກ​ນະ­ຄອນ­ຫຼວງ ເລ­ຂາ​ພັກ ເຈົ້າ­ເມືອງ​ປາກ​ງື່ມ ເປັນ​ເຈົ້າ­ເມືອງ​ຫາດ​ຊາຍ​ຟອງ ຜູ້​ໃໝ່ ເພື່ອ​ສືບ­ຕໍ່​ເຮັດ​ໜ້າ­ທີ່​ການ­ເມືອງ​ທີ່​ພັກ-ລັດ​ມອບ​ໝາຍ​ໃຫ້ ແລະ ສຸມ​ໃສ່​ຊີ້​ນຳ​ນຳ­ພາ​ວຽກ​ງານ​ພັດ­ທະ­ນາ​ເສດ­ຖະ­ກິດ ຊີ­ວິດ​ການ​ເປັນ​ຢູ່​ຂອງ​ປະ​ຊົນ​ພາຍ​ໃນ​ເມືອງ​ຫາດ​ຊາຍ​ຟອງ ໃຫ້​ປະ­ສົບ​ຜົນ­ສຳ­ເລັດ​ຕາມ​ຄາດ­ໝາຍ​ທີ່​ວາງ​ໄວ້ ແລະ ທັງ​ເປັນ​ການ​ກະ­ກຽມ​ໃຫ້​ແກ່​ກອງ​ປະ­ຊຸມ​ໃຫຍ່ 3 ຂັ້ນ​ຕ່າງໆ​ຂອງ​ພັກ-ລັດ ຕື່ມ​ອີກ.

ຂ່າວທີ່ກ່ຽວຂ້ອງ