ຂ່າວຫຼ້າສຸດ

ປະຫວັດສາດ ກີລາຍົກນ້ຳໜັກ ເອຊຽນພາຣາເກມ 2018

364 09 ຕ.ລ. 2018 ວົງຈອນກີລາ
ປະຫວັດສາດ ກີລາຍົກນ້ຳໜັກ ເອຊຽນພາຣາເກມ 2018

    ທ້າວ ເປ້ຍ ເຫຼົາ​ພັກ­ດີ ນັກ­ກີ­ລາ​ຍົກ​ນ້ຳ­ໜັກ​ຄົນ​ພິ­ການ​ທີມ​ຊາດ​ລາວ ຮຸ່ນ​ນ້ຳ­ໜັກ 49 ກິ​ໂລ ລົງ​ແຂ່ງ­ຂັນ​ໃນ​ວັນ​ທີ 7 ຕຸ­ລາ 2018 ສ້າງ​ປະ­ຫວັດ­ສາດ​ໜ້າ​ໃໝ່ ດ້ວຍ​ການ​ຍາດ​ມາ​ໄດ້​ຫຼຽນ​ຄຳ ໃນ​ງານ​ມະ​ຫະ​ກຳ​ກີ­ລາ​ເອ​ຊຽນ​ພາ​ຣາ​ເກມ 2018 ຄັ້ງ​ທີ XII ທີ່​ນະ­ຄອນ­ຫຼວງ​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ລະ­ຫວ່າງ​ວັນ​ທີ 6-13 ຕຸ­ລາ 2018.

    ທ້າວ ເປ້ຍ ເຫຼົາ​ພັກ­ດີ ສາ­ມາດ​ຍົກ​ໄດ້​ເຖິງ 133 ກິ​ໂລ ເອົາ​ຊະ­ນະ​ນັກ­ກີ­ລາ​ຈາກ​ປະ­ເທດ​ອິນ​ເດຍ ທີ່​ຍົກ​ໄດ້ 128 kg ແລະ ອັນ​ດັບ 3 ນັກ­ກີ­ລາ​ຈາກ​ອິນ​ເດຍ ຍົກ​ໄດ້ 127 kg ຄວ້າ​ຫຼຽນ​ຄຳ​ປະ­ຫວັດ­ສາດ ແລະ ເປັນ​ຫຼຽນ​ຄຳ​ທຳ​ອິດ​ຂອງ​ທັບ​ນັກ­ກີ­ລາ​ລາວ ໃນ​ເອ​ຊຽນ​ພາ​ຣາ​ເກມ ຄັ້ງ​ນີ້.

    ສຳ­ລັບ​ການ​ຮ່ວມ​ງານ​ມະ​ຫະ​ກຳ​ກີ­ລາ​ເອ​ຊຽນ​ພາ​ຣາ​ເກມ 2018 ຄັ້ງ​ນີ້ ລາວ​ເຮົາ​ແມ່ນ​ເຂົ້າ​ຮ່ວມ​ທັງ​ໝົດ 4 ປະ­ເພດ​ກີ­ລາ ປະ­ກອບ​ມີ: ກີ­ລາ​ແລ່ນ-ລານ ກີ­ລາ​ລອຍ­ນ້ຳ ກີ­ລາ​ໂກນ​ບານ ແລະ ກີ­ລາ​ຍົກ​ນ້ຳ­ໜັກ ເຊິ່ງ 4 ປະ­ເພດ​ທີ່​ຈະ​ສົ່ງ​ແຂ່ງ­ຂັນ​ມີ​ທັງ​ໝົດ 8 ລາຍ­ການ ປະ­ກອບ​ມີ ແລ່ນ-ລານ (ຍິງ-ຊາຍ) ມີ​ລາຍ­ການ​ແລ່ນ 100 ແມັດ 200 ແມັດ ແລະ 400 ແມັດ ລອຍ­ນ້ຳ (ຍິງ-ຊາຍ) ມີ​ລາຍ­ການ​ທ່າ​ທຳ​ມະ​ດາ 50 ແມັດ ລາຍ­ການ​ທ່າ​ທຳ​ມະ​ດາ 100 ແມັດ ແລະ ລາຍ­ການ​ທ່າ​ກົບ 100 ແມັດ ຍົກ​ນ້ຳ­ໜັກ​ຊາຍ ລາຍ­ການ​ຮຸ່ນ 49 ກິ​ໂລ ແລະ ໂກນ​ບານ​ລາຍ­ການ​ທີມ​ຍິງ.

ຂ່າວທີ່ກ່ຽວຂ້ອງ