ຂ່າວຫຼ້າສຸດ

ນິດສັນເອັກສເທວ 2018 ລົດອະເນກປະສົງ ສຳລັບຄອບຄົວ-ການປະຈົນໄພ

144 09 ຕ.ລ. 2018 ຫົວຂໍ້ຂ່າວອື່ນໆ
ນິດສັນເອັກສເທວ 2018 ລົດອະເນກປະສົງ ສຳລັບຄອບຄົວ-ການປະຈົນໄພ

    ນິດ​ສັນ​ເອັກ​ສ​ເທວ 2018 ນຳ​ເຂົ້າ​ຈາກ​ຍີ່­ປຸ່ນ ແມ່ນ​ມີ​ຮູບ​ຮ່າງ​ທີ່​ງາມ ແລະ ເບິ່ງ​ທັນ​ສະ­ໄໝ​ກວ່າ ດ້ວຍ​ໄຟ LED ໃນ​ຍາມ​ກາງ­ເວັນ (Daytime Running light) ຮູບ­ຊົງ​ບູມ​ເບີ​ແລງ ທີ່​ຈະ​ເຮັດ​ໃຫ້​ລົດ​ຂອງ​ທ່ານ​ເປັນ​ທີ່​ສົນ­ໃຈ​ຂອງ​ຄົນ​ອ້ອມ​ຂ້າງ ມັງ​ໃນ​ຍາມ​ຟ້າ​ແຈ້ງ ແລະ ເວ­ລາ​ມີ​ໝອກ. ໄຟ​ແອວ​ອີ​ດີ ຮູບ­ຊົງ​ສັນ­ຍາ​ລັກ​ບູມ​ເບີ​ແລງ​ຍັງ​ສະ­ທ້ອນ​ໃຫ້​ເຫັນ​ໄຟ​ດ້ານ​ຫຼັງ ເຊິ່ງ​ຈະ​ເຮັດ​ໃຫ້​ຍານ­ພາ­ຫະ­ນະ​ມີ​ຮູບ­ຊົງ​ສວຍ​ງາມ ແລະ ຄວາມ​ຮູ້­ສຶກ​ທີ່​ສົມ­ບູນ​ແບບ ເສົາ​ອາ­ກາດ​ໃນ​ຮູບ­ຊົງ​ຄີ​ປາ​ສະ­ຫຼາມ ແລະ ກັນ​ຊົນ​ທ້າຍ​ດ້ວຍ​ປາຍ​ທໍ່​ອາຍ​ເສຍ​ແບບ​ໂຄ​ມ້ຽມ ແລະ ໄຟ​ສະ­ທ້ອນ ຍັງ​ຈະ​ຊ່ວຍ​ເພີ່ມ​ຮູບ​ລັກ​ອັນ​ທັນ​ສະ­ໄໝ​ເບິ່ງ​ສະ­ຫງ່າ​ງາມ.

    ນິດ​ສັນ​ເອັກ​ສ​ເທວ 2018 ມີ​ຮູບ­ຊົງ​ກວ້າງ­ຂວາງ-ວາງ­ໃຈ​ໄດ້ ປະ­ຕູ​ຫຼັງ​ເປີດ​ກວ້າງ (77 ອົງ­ສາ) ຈະ​ເຮັດ​ໃຫ້­ການ​ເຂົ້າ-ອອກ​ບ່ອນ​ນັ່ງ​ຜູ້­ໂດຍ­ສານ​ດ້ານ​ຫຼັງ​ໄດ້​ງ່າຍ​ຂຶ້ນ ແລະ ເໝາະ​ສຳ­ລັບ​ຄອບ­ຄົວ​ຂະ­ໜາດ​ໃຫຍ່ ລະ­ບົບ​ທີ່​ນັ່ງ​ແບບ EZ Flex ນະ​ວັດ­ຕະ​ກຳ​ໃໝ່ (ບ່ອນ​ນັ່ງ 5+2) ຈະ​ເຮັດ​ໃຫ້​ບ່ອນ​ນັ່ງ​ດ້ານ​ຫລັງ ເລື່ອນ​ໄປ​ຂ້າງ​ໜ້າ ຫຼື ດ້ານ​ຫຼັງ ທີ່​ສາ­ມາດ​ພັບ​ເກັບ​ໄດ້​ງ່າຍ​ຂຶ້ນ ພ້ອມ​ນັ້ນ​ໂຄງ​ສ້າງ​ມີ​ການ​ປັບ​ປ່ຽນ​ໄດ້ ລະ­ຫວ່າງ​ກະ​ເປົ່າ​ເດີນ­ທາງ ແລະ ຈຳ­ນວນ​ຜູ້­ໂດຍ­ສານ ຖ້າ​ທ່ານ​ຕ້ອງ­ການ​ທີ່​ຫວ່າງ​ສຳ­ລັບ​ກະ­ເປົາ​ຂະ­ໜາດ​ໃຫຍ່ ບ່ອນ​ນັ່ງ​ແຖວ 2 ແລະ 3 ສາ­ມາດ​ພັບ​ເກັບ​ລົງ​ໄດ້ ເຊິ່ງ​ຈະ​ເພີ່ມ​ທີ່​ຫວ່າງ​ທັງ​ໝົດ​ຂະ­ໜາດ 1.520 ລິດ.

    ນິດ​ສັນ​ເອັກ​ສ​ເທວ 2018 ໄດ້​ນຳ​ໃຊ້​ເຕັກ​ໂນ​ໂລ​ຊີ​ຂັບ​ເຄື່ອນ​ແບບ​ອັດ​ສະ​ລິ​ຍະ​ຂອງ​ນິດ​ສັນ ເພື່ອ​ເຮັດ​ໃຫ້​ລູກ​ຄ້າ​ນິດ​ສັນ​ຮູ້­ສຶກ​ໝັ້້ນ​ໃຈ​ຫຼາຍ​ຂຶ້ນ ແລະ ມີ​ຄວາມ­ສຸກ​ໃນ​ການ​ຂັບ​ຂີ່ ຂະ­ນະ​ທີ່​ເພີ່ມ​ຄວາມ​ປອດ​ໄພ​ເທິ່ງ​ຖະ­ໜົນ ຈຸດ​ເດັ່ນ​ຄວາມ​ປອດ​ໄພ​ໃໝ່​ຂອງ​ນິດ​ສັນ​ເອັກ​ສ​ເທວ ລຸ້ນ​ປີ 2018 ລວມ​ມີ:

    • ລະ­ບົບ​ແຈ້ງ​ເຕືອນ​ຈຸດ​ທີ່​ເບິ່ງ​ບໍ່​ເຫັນ (BSW): ລະ­ບົບ​ນີ້​ຈະ​ກວດ­ເບິ່ງ​ຍານ­ພາ­ຫະ­ນະ​ຕ່າງໆ​ທີ່­ຢູ່​ໃນ​ຈຸດ​ທີ່​ເບິ່ງ​ບໍ່​ເຫັນ​ສຳ­ລັບ​ຄົນ​ຂັບ (ຊ້າຍ ແລະ ຂວາ) ລະ­ບົບ BSW ຈະ­ແຈ້ງ​ເຕືອນ​ຜູ້​ຂັບ​ຂີ່ ຜ່ານ​ໄຟ​ສະ­ແດງ​ຖາ­ນະ​ທີ່​ຈະ​ກະ​ພິບ​ເທິ່ງ​ເສົາ​ປະ­ຕູ ພ້ອມ​ກັບ​ສຽງ​ເຕືອນ

    • ລະ­ບົບ​ແຈ້ງ​ເຕືອນ​ການ​ຈໍ​ລະ​ຈອນ (CTA): ເມື່ອ​ທ່ານ​ຖອຍ​ອອກ​ຈາກ​ພື້ນ​ທີ່​ຈອດ ລະ­ບົບ​ຄຸນ­ສົມ­ບັດ​ນີ້​ຈະ​ກວດ­ເບິ່ງ​ຍານ­ພາ­ຫະ­ນະ ທີ່​ທ່ານ​ອາດ​ຈະ​ເບິ່ງ​ບໍ່​ເຫັນ​ໄກ​ເຖິງ 20 ແມັດ ໃນ​ຂ້າງ​ໃດ​ໜຶ່ງ ມັນ​ຈະ­ແຈ້ງ​ເຕືອນ​ຜູ້​ຂັບ​ຂີ່ ດ້ວຍ​ລະ­ບົບ​ເຕືອນ​ພາບ​ກະ​ພິບ (ໃຊ້​ລະ­ບົບ​ໄຟ​ແຈ້ງ​ເຕືອນ​ຈຸດ​ທີ່​ເບິ່ງ​ບໍ່​ເຫັນ) ແລະ ເຕືອນ​ດ້ວຍ​ສຽງ ພ້ອມ​ນັ້ນ​ຍັງ​ມີ ໜ້າ​ຈໍ​ສຳ­ຜັດ ເອວ​ຊີ​ດີ ຂະ­ໜາດ 8 ນີ້ວ ດ້ວຍ​ເຄື່ອງ​ຫຼິ້ນ DVD ບໍ່​ພຽງ​ແຕ່ ເພື່ອ​ຄວາມ​ບັນ­ເທີງ​ພາຍ​ໃນ​ລົດ​ສຳ­ລັບ​ຜູ້­ໂດຍ­ສານ ແຕ່​ໜ້າ​ຈໍ​ສຳ­ຜັດ ຍັງ​ເຮັດ​ວຽກ​ຄື​ເປັນ​ກ້ອງ​ເບິ່ງ​ຫລັງ ທີ່​ຈະ​ເຮັດ​ໃຫ້​ຜູ້​ຂັບ​ຂີ່​ເບິ່ງ​ພາບ​ດ້ານ​ຫຼັງ​ໄດ້​ຊັດ​ເຈນ​ຂຶ້ນ ບໍ່​ວ່າ​ໃນ​ເວ­ລາ​ກາງ­ເວັນ ຫຼື ກາງ­ຄືນ (ໜ້າ​ຈໍ​ຂະ­ໜາດ​ໃຫຍ່​ທີ່​ສຸດ​ໃນ​ກຸ່ມ​ລົດ​ເອ​ັສ​ຍູ​ວີ).

    • ລະ­ບົບ​ຄວບ​ຄຸມ​ການ​ຂັບ​ຂີ່​ອັດ​ສະ​ລິ​ຍະ (IRC): ເມື່ອ​ກວດ​ພົບ​ພື້ນ​ຜີວ​ຖະ­ໜົນ​ທີ່​ເປັນ​ຄື້ນ ແຮງ​ບິດ​ຂອງ​ເຄື່ອງ​ຈັກ​ຈະ​ເພີ່ມ ຫຼື ຫລຸດ​ລົງ ເພື່ອ​ເພີ່ມ​ປະ­ສິດ­ທິ­ພາບ​ການ​ຂັບ​ຂີ່​ໃຫ້​ມີ​ຄວາມ​ຄ່ອງ​ຕົວ ແລະ ມີ​ຄຸ­ນະ­ພາບ​ທີ່​ດີ​ຂຶ້ນ.

    • ລະ­ບົບ​ປ້ອງ​ກັນ​ລໍ້​ໝູນ​ອັດ​ສະ​ລິ​ຍະ (ITC): ນຳ​ໃຊ້​ແຮງ​ເບຣກ ຖ້າ​ຈຳ­ເປັນ​ເມື່ອ​ມີ​ການ​ລ້ຽວ​ລົດ.

    • ລະ­ບົບ​ຊ່ວຍ​ອອກ​ຕົວ​ເທິ່ງ​ທາງ​ຊັນ (HSA): ຊ່ວຍ​ປ້ອງ​ກັນ​ການ​ໄຫຼ​ກັບ ເມື່ອ​ຂັບ​ຂີ່​ອອກ​ຈາກ​ການ​ຫຍຸດ​ຈຶ້ງ ເທິ່ງ​ທາງ​ຊັນ.

    ນອກ­ຈາກ​ລະ­ບົບ​ຄວາມ​ປອດ​ໄພ​ລະ­ດັບ​ສູງ​ຂ້າງ​ເທິ່ງ​ແລ້ວ ອີກ​ຈຸດ​ເດັ່ນ​ຄວາມ​ປອດ​ໄພ​ມາດ­ຕະ­ຖານ​ອື່ນໆລວມ​ມີ:ລະ­ບົບ​ປ້ອງ​ກັນ​ການ​ລື່ນ​ໄຫລ ຂະ­ນະ​ທາງ​ມື່ນ (ABLS) ລະ­ບົບ​ຄວບ​ຄຸມ​ການ​ຊົງ​ຕົວ​ອັດ­ຕະ­ໂນ­ມັດ (VDC) ຖົງ​ລົມ​ນິ­ລະ​ໄພ​ກັນ​ກະ­ທົບ​ດ້ານ​ໜ້າ ສຳ­ລັບ​ຄົນ​ຂັບ ແລະ ຜູ້­ໂດຍ­ສານ​ດ້ານ​ໜ້າ.

    ລົດ​ເອັສ​ຍູ​ວີ ທີ່​ໂດດ​ເດັ່ນ​ຄັນ​ນີ້ ແມ່ນ​ຂັບ​ເຄື່ອນ​ດ້ວຍ​ຈັກ​ແອດ​ຊັງ 2,0 ລິດ ທີ່​ໃຫ້​ກຳ­ລັງ 106 ກວ ມີ​ຄວາມ​ໄວ​ກຳ­ລັງ​ຮອບ​ສູງ​ສຸດ 6.000 ຮອບ​ຕໍ່​ນາ­ທີ ແລະ ແຮງ​ບິດ​ສູງ​ສຸດ 200 ນີ້ວ​ຕັນ​ແມັດ ຢູ່​ທີ່ 4.400 ຮອບ​ຕໍ່​ວິ­ນາ­ທີ ດ້ວຍ​ຖັງ​ເຊື້ອ​ໄຟ​ຂະ­ໜາດ 60 ລິດ ເພື່ອ​ເພີ່ມ​ໄລ­ຍະ​ການ​ຂັບ​ຂີ່​ທີ່​ດີ­ເລີດ ເຄື່ອງ​ຈັກ​ແອດ​ຊັງ​ແບບ 4 ສູບ​ມີ​ປະ­ສິດ ທິ​ພາບ ແລະ ຕອບ​ສະ­ໜອງ​ໄດ້​ດີ ໂດຍ​ແນ່​ໃສ່​ເຕັກ​ໂນ​ໂລ​ຊີ DIC (Direct Injection Gasoline) ຂອງ​ນິດ​ສັນ ແລະ ລະ­ບົບ​ຄວບ​ຄຸມ​ວາວ​ຄູ່​ແບບ​ແປ​ຜັນ ເພື່ອ​ຊ່ວຍ​ປະ­ຢັດ​ນ້ຳ­ມັນ ແລະ ໃຫ້​ແຮງ​ບິດ​ສູງ​ສຸດ.

    ນິດ​ສັນ​ເອັກ​ສ​ເທວ​ນຳ​ໃຊ້​ລະ­ບົບ​ພວງ​ມະ​ໄລ​ພາວ​ເວີ້​ໄຟ­ຟ້າ (EPS) ຊ່ວຍ​ຫຼຸດ­ຜ່ອນ​ການ​ສິ້ນ​ເປືອງ​ນ້ຳ­ມັນ ດ້ວຍ​ການ​ຫຼີກ​ລ້ຽງ​ຄວາມ​ຕ້ອງ­ການ​ໃນ​ການ​ໃຊ້​ປ້ຳ​ໄຮ​ໂດ​ຣິກ​ທີ່​ຂັບ​ເຄື່ອນ​ດ້ວຍ​ເຄື່ອງ​ຈັກ ຄວາມ​ພະ­ຍາ­ຍາມ​ໃນ​ການ​ລ້ຽວ​ແມ່ນ​ຈະ​ປ່ຽນ­ແປງ​ອັດ ຕະ​ໂນ​ມັດ ອີງ​ຕາມ​ເງື່ອນ­ໄຂ​ການ​ຂັບ​ຂີ່ ການ​ບັງ­ຄັບ​ລົດ​ທີ່​ດີ­ເລີດ ແລະ ການ​ຂັບ​ຂີ່​ທີ່​ສະ­ດວກ​ສະ­ບາຍ​ດ້ວຍ​ລະ­ບົບ​ກັນ​ສະ­ເທືອນ​ແບບ​ອິດ­ສະ­ຫລະ ແລະ ໂຄງ​ສ້າງ​ເຊື່ອມ​ຕໍ່​ທີ່​ຫຼາກ​ຫຼາຍ​ທີ່​ດ້ານ.

    ລະ­ບົບ​ເກຍ​ເອັກ​ສ​ໂທຣ​ນິກ​ຂອງ​ເອັກ​ສ​ເທວ​ຈະ​ສົ່ງ​ກຳ­ລັງ​ການ​ໂຫຼດ​ທີ່​ຕ່ຳ-ນຸ້ມ​ນວນ​ເປັນ​ພິ­ເສດ ແລະ ສະ­ມັດ­ຖະ​ນະ​ໃນ​ການ​ເລັ່ງ​ຄວາມ​ໄວ​ສູງ ນອກ­ຈາກ​ນີ້ ຍັງ​ຈະ​ເຮັດ​ໃຫ້​ຜູ້​ຂັບ​ຂີ່​ສາ­ມາດ​ຫຼິ້ນ​ໂໝດ​ເກຍ​ທຳ​ມະ​ດາ (+/-) ເພື່ອ​ຄວາມ​ມ່ວນ­ຊື່ນ ແລະ ສ້າງ​ຄວາມ​ຕື່ນ­ເຕັ້ນ.

    ລົດ​ນິດ​ສັນ​ເອັກ​ສ​ເທວ​ທຸກ​ລຸ້ນ​ທີ່​ມາ​ພ້ອມ​ກັບ​ລະ­ບົບ​ເກຍ​ເອັກ​ສ​ໂທຣ​ນິກ​ທັງ​ໝົດ​ຈະ​ມາ​ພ້ອມ​ປຸ່ມ​ກົດ​ແບບ ECO ໂໝດ ຕິດ​ຕັ້ງ​ຢູ່​ຫ້ອງ​ຄົນ​ຂັບ​ໃນ​ທີ່​ຫວ່າງ​ດ້ານ​ລຸ່ມ​ຊ້າຍ​ມື​ໃກ້​ກັບ​ພວງ​ມະ​ໄລ​ພາວ​ເວີ້ ລະ­ບົບ​ນີ້​ຈະ​ເພີ່ມ​ປະ­ສິດ­ທິ­ພາບ​ການ​ປະ​ຫຍັດ​ນ້ຳ­ມັນ​ດ້ວຍ​ການ​ຄວບ​ຄຸມ​ເຄື່ອງ​ຈັກ ແລະ ການ​ໃຊ້​ງານ​ລະ­ບົບ​ເກຍ ເພື່ອ​ຊ່ວຍ​ຫຼີກ​ລ້ຽງ​ການ​ເລັ່ງ​ລົດ​ຢ່າງ​ໄວ­ວາ​ຂອງ​ນັກ​ຂັບ​ຂີ່.

ພາຍ​ໃນ​ສວຍ​ງາມ​ມີ​ລະ­ດັບ ໜ້າ​ຈໍ​ສະ­ແດງ​ຜົນ​ຊ່ວຍ​ການ​ຂັບ​ຂີ່​ທີ່​ລ້ຳ​ໜ້າ ແບບ 3 ມິ​ຕິ TFT ຂະ­ໜາດ 5 ນີ້ວ (ດີ​ທີ່​ສຸດ​ໃນ​ລຸ້ນ) ຂອງ​ນິດ​ສັນ ຈະ​ມີ​ຕົວ​ເລືອກ​ຮອດ 7 ລາຍ­ການ ໂດຍ​ໃຊ້​ພວງ​ມະ​ໄລ​ສາ­ມາດ​ປັບ​ລະ­ດັບ​ໄດ້ ຮູບ­ຊົງ​ຕົວ D ແບບ Sport ພ້ອມ​ປຸ່ມ​ຄວບ​ຄຸມ.

    ນອກ​ນັ້ນ ຄຸນ­ສົມ­ບັດ​ຂອງ​ນິດ​ສັນ​ເອັກ​ສ​ເທວ ຍັງ​ມີ​ເບາະ​ນັ່ງ​ໄຟ­ຟ້າ 8 ທິດ​ທາງ ທີ່​ມີ​ລະ­ບົບ​ຮອງ​ຮັບ​ແອວ 2 ທິດ​ທາງ​ສຳ­ລັບ​ຜູ້​ຂັບ​ຂີ່ ຂະ­ນະ​ທີ່ ຜູ້­ໂດຍ­ສານ​ດ້ານ​ໜ້າ​ຈະ​ມີ​ເບາະ​ໜັງ​ໄຟ­ຟ້າ 4 ທິດ​ທາງ ທັງ​ສອງ​ຈະ​ເປັນ​ເບາະ​ນັ່ງ​ບໍ່​ມີ­ແຮງ​ດຶງ​ດູດ ທີ່​ໄດ້​ແຮງ​ບັນ­ດານ​ໃຈ​ຈາກ​ນັກ​ບິນ​ອາ​ວະ​ກາດ​ທີ່​ເປັນ​ສັນ­ຍາ​ລັກ​ຂອງ​ນິ​ສ​ສັນ ຈະ​ຊ່ວຍ​ໃຫ້​ຜູ້​ຂັບ​ຂີ່ ຫຼຸດ­ຜ່ອນ​ຄວາມ​ອິດ­ເມື່ອຍ ແລະ ຊ່ວຍ​ໃຫ້­ການ​ເດີນ­ທາງ​ຂັບ​ຂີ່​ສະ­ດວກ​ສະ­ບາຍ ແລະ ຍາວ​ນານ​ຍິ່ງ​ຂຶ້ນ.

    ຜູ້­ໂດຍ­ສານ​ຢູ່​ເທິ່ງ​ລົດ​ຈະ​ເພີດ­ເພີນ​ໄປ​ກັບ​ອຸນ­ຫະ­ພູມ​ທີ່​ສະ­ບາຍ ແລະ ໜ້າ​ຈໍ​ດີ​ຈິ​ຕອນ ສະ­ແດງ​ຜົນ​ທີ່​ທັນ​ສະ­ໄໝ​ຂອງ​ລະ­ບົບ​ປັບ​ອາ­ກາດ​ອັດ­ຕະ­ໂນ­ມັດ​ທີ່​ສົມ­ບູນ​ແບບ ດ້ວຍ​ລະ­ບົບ​ຄວບ​ຄຸມ​ອາ­ກາດ​ແບບ​ແຍກ​ສ່ວນ ບວກ​ກັບ​ຊ່ອງ​ອາ­ກາດ​ດ້ານ​ຫຼັງ ທີ່​ຈະ​ກະ­ຈາຍ​ອາ­ກາດ​ເຢັນ​ພາຍ​ໃນ​ຫ້ອງ​ໂດຍ­ສານ​ຂະ­ໜາດ​ໃຫຍ່.
    ທ່ານສາມາດຮ່ວມກິດຈະກຳກັບທາງນິດສັນໄດ້ທີ່ລິ້ງນີ້ https://goo.gl/forms/6WLt0X4CM5XZTjhg2

ຂ່າວທີ່ກ່ຽວຂ້ອງ