ລາວສົ່ງ 4 ປະເພດກີລາເຂົ້າຮ່ວມ ກີລາຄົນພິການເອຊຽນພາຣາເກມ

366 08 ຕ.ລ. 2018 ວົງຈອນກີລາ
ລາວສົ່ງ 4 ປະເພດກີລາເຂົ້າຮ່ວມ ກີລາຄົນພິການເອຊຽນພາຣາເກມ

    ກອງ​ປະ­ຊຸມ​ມອບ​ວຽກ​ໃຫ້​ກັບ​ຄະ­ນະ​ຮັບ­ຜິດ­ຊອບ ໃຫ້​ຄະ­ນະ​ກຳ­ມະ­ການ​ພາ​ຣາ​ແລມ​ປິກ​ແຫ່ງ​ຊາດ​ລາວ ແລະ ຜູ້​ຮັບ­ຜິດ­ຊອບ​ຂອງ​ລາວ (LO) ຈັດ​ຂຶ້ນ​ວັນ​ທີ 2 ຕຸ­ລາ 2018 ທີ່​ເຮືອນ​ພັກ​ນັກ­ກີ­ລາ ນະ­ຄອນ­ຫຼວງ​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ເພື່ອ​ຮ່ວມ​ງານ​ການ​ແຂ່ງ­ຂັນ​ກີ­ລາ​ຄົນ​ພິ­ການ​ເອ​ຊຽນ​ພາ​ຣາ​ເກມ 2018 ຄັ້ງ​ທີ XII ທີ່​ຈັດ​ຂຶ້ນ​ວັນ​ທີ 6-13 ຕຸ­ລາ 2018 ມີ​ທ່ານ ສີ­ທາດ ຈັນ­ທະ​ບູ​ລີ ຮອງ​ປະ­ທານ ແລະ ເລ­ຂາ­ທິ­ການ​ຄະ­ນະ​ກຳ­ມະ­ການ​ພາ​ຣາ​ແລມ​ປິກ​ແຫ່ງ​ຊາດ​ລາວ ຫົວ­ໜ້າ​ກົມ​ກີ­ລາ​ມວນ​ຊົນ ພ້ອມ​ດ້ວຍ​ຄະ­ນະ​ບໍ­ລິ­ຫານ​ງານ ຕາງ­ໜ້າ​ຄະ­ນະ​ຄູ​ເຝິກ 4 ປະ­ເພດ​ກີ­ລາ​ຄື: ລອຍ­ນ້ຳ ຍົກ​ນ້ຳ­ໜັກ ແລ່ນ-ລານ ແລະ ໂກນ​ບານ ຄະ­ນະ​ຮັບ­ຜິດ­ຊອບ​ຂອງ​ຄະ­ນະ​ກຳ­ມະ­ການ​ພາ​ຣາ​ແລມ​ປິກ​ແຫ່ງ​ຊາດ​ລາວ (NPC) ແລະ ຜູ້​ຮັບ­ຜິດ­ຊອບ​ຂອງ​ລາວ​ເຂົ້າ​ຮ່ວມ.

    ໂອ­ກາດ​ນີ້ ທ່ານ ສີ­ທາດ ຈັນ­ທະ​ບູ​ລີ ໄດ້​ເນັ້ນ​ໃຫ້​ຜູ້​ຮັບ­ຜິດ­ຊອບ​ເອົາ­ໃຈ­ໃສ່​ທຸກ​ດ້ານ ປະ­ກອບ​ມີ​ດ້ານ​ການ​ພົວ­ພັນ​ວຽກ​ງານ ລະ­ບຽບ​ກີ­ລາ ແລະ ຕາ­ຕະ­ລາງ​ການ​ໃຊ້​ລົດ​ປະ­ຈຳ​ວັນ ເພື່ອ​ໃຫ້​ໄປ​ຕາມ​ແຜນ­ທີ່​ໄດ້​ຕົກ­ລົງ​ກັນ​ໃນ​ກອງ​ປະ­ຊຸມ​ບໍ່​ໃຫ້​ຂ້ອງ​ຄາ ແລະ ບໍ່​ໃຫ້​ມີ​ຂໍ້​ຜິດ­ພາດ​ເກີດ​ຂຶ້ນ ຄຽງ​ຄູ່​ກັນ​ນັ້ນ ທ່ານ​ໄດ້​ເນັ້ນ​ໃຫ້​ຄະ­ນະ​ຮັບ­ຜິດ­ຊອບ​ທັງ 2 ຝ່າຍ ແລະ ຄູ​ເຝິກ​ເອົາ­ໃຈ­ໃສ່​ລະ­ບຽບ​ຕິດ­ຕາມ​ຄະ­ນະ​ນຳ ແລະ ນັກ­ກີ­ລາ​ທຸກ​ຄົນ ລວມ​ໄປ​ເຖິງ​ຂອດ​ປະ­ສານ​ງານ​ທຸກ​ດ້ານ ລວມ​ທັງ​ການ​ຕິດ­ຕໍ່​ສະ­ຖານ­ທີ່​ຕາ­ຕະ­ລາງ​ເຝິກ­ຊ້ອມ ການ​ປະ­ສານ​ງານ​ການ​ເດີນ­ທາງ​ໄປ​ເຝິກ­ຊ້ອມ ເຂົ້າ​ຮ່ວມ​ງານ​ເປີດ-ປິດ​ຂອງ​ຄະ­ນະ​ນຳ ແລະ ທັບ​ນັກ­ກີ­ລາ​ລາວ ແລະ ການ​ກະ­ກຽມ​ອາ­ຫານ​ໃນ​ເວ­ລາ​ແຂ່ງ­ຂັນ.

    ການ​ແຂ່ງ­ຂັນ​ກີ­ລາ​ຄົນ​ພິ­ການ​ລະ­ດັບ​ອາ­ຊີ ຫຼື ເອ​ຊຽນ​ພາ​ຣາ​ເກມ ຄັ້ງ​ທີ XII ມີ​ທັງ​ໝົດ 18 ປະ­ເພດ​ກີ­ລາ ແລະ ມີ​ທັງ​ໝົດ 43 ປະ­ເທດ​ເຂົ້າ​ຮ່ວມ ຂະ­ນະ​ທີ່​ລາວ​ເຮົາ​ສົ່ງ 4 ປະ­ເພດ​ລົງ​ແຂ່ງ­ຂັນ​ຊີງ​ຫຼຽນ​ຄຳ​ທັງ​ໝົດ 8 ລາຍ­ການ​ປະ­ກອບ​ມີ: ປະ­ເພດ​ແລ່ນ-ລານ​ຍິງ-ຊາຍ ແລ່ນ 100 ແມັດ 200 ແມັດ​ແລະ 400 ແມັດ ລອຍ­ນ້ຳ​ຍິງ-ຊາຍ​ທ່າ​ທຳ​ມະ​ດາ 50 ແມັດ 100 ແມັດ ແລະ ທ່າ​ກົບ 100 ແມັດ ຍົກ​ນ້ຳ­ໜັກ​ຊາຍ​ລາຍ­ການ​ຮຸ່ນ 49 ກິ​ໂລ ແລະ ໂກນ​ບານ​ລາຍ­ການ​ທີມ​ຍິງ.

ຂ່າວທີ່ກ່ຽວຂ້ອງ