ນັກກີລາຄົນພິການລາວ ເຂົ້າຮ່ວມ ເອຊຽນ ພາຣາເກມ

344 04 ຕ.ລ. 2018 ວົງຈອນກີລາ
ນັກກີລາຄົນພິການລາວ ເຂົ້າຮ່ວມ ເອຊຽນ ພາຣາເກມ

    ນັກ­ກີ­ລາ​ຄົນ​ພິ­ການ​ລາວ ເດີນ­ທາງ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ເອ​ຊຽນ ພາ​ຣາ​ເກມ 2018 ຄັ້ງ​ທີ XII ນະ­ຄອນ­ຫຼວງ​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ໃນ​ວັນ​ທີ 1 ກັນ­ຍາ 2018 ທີ່​ສະ­ໜາມ​ບິນ​ສາ­ກົນ​ວັດ​ໄຕ ນຳ­ພາ​ໂດຍ​ທ່ານ ສີ­ທາດ ຈັນ­ທະ​ບູ​ຣີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ຮອງ​ປະ­ທານ ແລະ ເລ­ຂາ­ທິ­ການ​ຄະ­ນະ​ກຳ­ມະ­ການ​ກີ­ລາ​ພາ​ຣາ​ແລມ​ປິກ​ແຫ່ງ​ຊາດ​ລາວ ພ້ອມ​ດ້ວຍ​ຄະ­ນະ​ຄູ​ເຝິກ ແລະ ນັກ­ກີ­ລາ 21 ຄົນ.

    ສຳ­ລັບ​ການ​ຮ່ວມ​ງານ​ມະ​ຫະ​ກຳ​ກີ­ລາ​ເອ​ຊຽນ​ພາ​ຣາ​ເກມ 2018 ຄັ້ງ​ນີ້ ລາວ​ເຮົາ​ເຂົ້າ​ຮ່ວມ​ທັງ​ໝົດ 4 ປະ­ເພດ​ກີ­ລາ​ປະ­ກອບ​ມີ: ກີ­ລາ​ແລ່ນ-ລານ ກີ­ລາ​ລອຍ­ນ້ຳ ກີ­ລາ​ໂກນ​ບານ ແລະ ກີ­ລາ​ຍົກ​ນ້ຳ­ໜັກ ເຊິ່ງ 4 ປະ­ເພດ​ທີ່​ຈະ​ສົ່ງ​ແຂ່ງ­ຂັນ​ມີ​ທັງ​ໝົດ 8 ລາຍ­ການ ປະ­ກອບ​ມີ​ແລ່ນ-ລານ (ຍິງ-ຊາຍ) ມີ​ລາຍ­ການ​ແລ່ນ 100 ແມັດ 200 ແມັດ ແລະ 400 ແມັດ ລອຍ­ນ້ຳ (ຍິງ-ຊາຍ) ມີ​ລາຍ­ການ​ທ່າ​ທຳ​ມະ​ດາ 50 ແມັດ ລາຍ­ການ​ທ່າ​ທຳ​ມະ​ດາ 100 ແມັດ ແລະ ລາຍ­ການ​ທ່າ​ກົບ 100 ແມັດ ຍົກ​ນ້ຳ­ໜັກ​ຊາຍ ລາຍ­ການ​ຮຸ່ນ 49 ກິ​ໂລ ແລະ ໂກນ​ບານ ລາຍ­ການ​ທີມ​ຍິງ ສ່ວນ​ຂະ​ບວນ​ທີ 2 ຂອງ​ທັບ​ນັກ­ກີ­ລາ​ຄົນ​ພິ­ການ​ລາວ​ເຮົາ ອອກ​ເດີນ­ທາງ​ຕາມ​ມາ​ໃນ​ວັນ​ທີ 2 ຕຸ­ລາ 2018 ຈຳ­ນວນ 21 ຄົນ.

ຂ່າວທີ່ກ່ຽວຂ້ອງ