ເສີມຂະຫຍາຍການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ

352 27 ກ.ຍ. 2018 ຂ່າວໜ້າ​ໜຶ່ງ
ເສີມຂະຫຍາຍການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ

    ທ່ານ ບຸນ​ທອງ ຈິດ​ມະ­ນີ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ຮອງ​ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ ປະ­ທານ​ຄະ­ນະ​ກວດ­ກາ​ສູນ​ກາງ​ພັກ ພ້ອມ​ຄະ­ນະ ພົບ​ປະ​ເຮັດ​ວຽກ​ກັບ​ຄະ­ນະ​ຜູ້​ແທນ​ຂັ້ນ​ສູງ​ຂອງ​ພັກ​ກອມ​ມູ​ນິດ​ຈີນ ນຳ​ໂດຍ​ທ່ານ ຈ້າວ ເລີ້​ຈີ ຄະ­ນະ​ປະ­ຈຳ​ກົມ​ການ­ເມືອງ​ສູນ​ກາງ​ພັກ ປະ­ທານ​ຄະ­ນະ​ກວດ­ກາ​ລະ­ບຽບ​ວິ­ໄນ​ສູນ​ກາງ​ພັກ​ກອມ​ມູ​ນິດ​ຈິນ ພ້ອມ​ຄະ­ນະ ວັນ​ທີ 24 ກັນ­ຍາ 2018 ຢູ່​ຫ້ອງ​ວ່າ­ການ​ສູນ​ກາງ​ພັກ ໃນ​ໂອ­ກາດ​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ວັນ​ທີ 23-26 ກັນ­ຍາ ນີ້.

    ການ​ພົບ​ປະ​ເຮັດ​ວຽກ​ຄັ້ງ​ນີ້ ສອງ​ຝ່າຍ​ໄດ້​ແຈ້ງ​ໃຫ້​ກັນ​ຊາບ​ກ່ຽວ​ກັບ​ສະ­ພາບ​ການ​ທີ່​ພົ້ນ​ເດັ່ນ​ຂອງ​ພັກ ລັດ​ສອງ​ປະ­ເທດ ໂດຍ​ສະ­ເພາະ​ຜົນ­ສຳ­ເລັດ ແລະ ບົດ­ຮຽນ​ໃນ​ການ​ກວດ­ກາ​ພັກ-ລັດ ແລະ ໄດ້​ປືກ​ສາ​ຫາ­ລື​ກ່ຽວ​ກັບ​ທິດ​ທາງ​ໃນ​ການ​ຮ່ວມ​ມື​ລະ­ຫວ່າງ​ສອງ​ພັກ ກໍ່​ຄື​ສອງ​ຄະ­ນະ​ກວດ­ກາ​ສູນ​ກາງ​ພັກ-ລັດ ລາວ-ຈີນ ໃນ­ຕໍ່­ໜ້າ ພາຍ­ຫຼັງ​ການ​ພົບ​ປະ​ທ່ານ ບຸນ​ທອງ ຈິດ​ມະ­ນີ ແລະ ທ່ານ ຈ້າວ ເລີ້​ຈີ ຍັງ​ໄດ້​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ ໃນ​ພິ­ທີ​ລົງ​ນາມ​ເອ­ກະ­ສານ​ການ​ຮ່ວມ​ມື​ຈຳ­ນວນ​ໜຶ່ງ.

    ໄລ­ຍະ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ທ່ານ ບຸນ​ທອງ ຈິດ​ມະ­ນີ ແລະ ທ່ານ ຈ້າວ ເລີ້​ຈີ ໄດ້​ເປັນ​ປະ­ທານ​ຮ່ວມ​ໃນ​ກອງ​ປະ­ຊຸມ​ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ ສ້າງ​ຄວາມ​ປອດ​ໃສ​ຂາວ​ສະ­ອາດ ໃຫ້​ແກ່​ການ​ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ ຢູ່​ແຂວງ​ຫຼວງ​ພະ​ບາງ ໂດຍ​ມີ​ການ​ນຳ​ຂອງ​ສອງ​ຝ່າຍ​ຈາກ​ຄະ­ນະ​ກວດ­ກາ​ສູນ​ກາງ​ພັກ ອົງ­ການ​ກວດ­ກາ​ລັດ­ຖະ­ບານ ຄະ­ນະ​ຮັບ­ຜິດ­ຊອບ​ຄຸ້ມ​ຄອງ​ການ​ກໍ່­ສ້າງ ວິ​ສາ​ຫະ​ກິດ​ທີ່​ດຳ­ເນີນ​ການ​ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ ແລະ ບັນ­ດາ​ການ​ນຳ​ຂອງ​ບັນ­ດາ​ແຂວງ​ຂອງ​ລາວ​ທີ່​ມີ​ເສັ້ນ­ທາງ​ໄປ​ຜ່ານ​ໄດ້​ເຂົ້າ​ຮ່ວມ ນອກ​ນີ້​ຍັງ​ໄດ້​ໄປ​ຢ້ຽມ­ຢາມ​ໂຮງ­ຮຽນ​ພອນ​ໄຊ ທີ່​ໄດ້​ຮັບ​ການ​ຊ່ວຍ­ເຫຼືອ​ໂດຍ​ມູນ​ນິ­ທິ​ຈີນ ເພື່ອ​ການ​ສັນ­ຕິ­ພາບ ແລະ ການ​ພັດ­ທະ­ນາ ພ້ອມ​ທັງ​ຢ້ຽມ­ຢາມ​ພື້ນ­ຖານ​ດ້ານ​ປະ­ຫວັດ­ສາດ ແລະ ວັດ­ທະ­ນະ­ທຳ​ຈຳ­ນວນ​ໜຶ່ງ ຢູ່​ແຂວງ​ຫຼວງ​ພະ​ບາງ ແລະ ນະ­ຄອນ­ຫຼວງ​ວຽງ​ຈັນ.

ຂ່າວທີ່ກ່ຽວຂ້ອງ