ຂ່າວຫຼ້າສຸດ

ຈັດແຂ່ງຂັນດອກປີກໄກ່ ສະຫຼອງວັນຊາດຫວຽດນາມ ຄົບຮອບ 73 ປີ

148 26 ກ.ຍ. 2018 ວົງຈອນກີລາ
ຈັດແຂ່ງຂັນດອກປີກໄກ່ ສະຫຼອງວັນຊາດຫວຽດນາມ ຄົບຮອບ 73 ປີ

    ສະ­ໂມ­ສອນ​ດອກ​ປີກ​ໄກ່ ລາວ-ຫວຽດ­ນາມ ຈັດ​ພິ­ທີ​ປິດ​ການ​ແຂ່ງ­ຂັນ​ດອກ​ປີກ​ໄກ່​ມິດ­ຕະ­ພາບ (ສະ­ເພາະ​ສະ­ມາ­ຊິກ​ພາຍ​ໃນ​ສະ­ໂມ­ສອນ) ຂຶ້ນ​ໃນ​ລະ­ຫວ່າງ​ວັນ​ທີ 17-21 ກັນ­ຍາ 2018 ທີ່​ສະ­ໂມ­ສອນ​ດອກ​ປີກ​ໄກ່​ດັ່ງ­ກ່າວ ບ້ານ​ອາ​ນຸ ເມືອງ​ຈັນ­ທະ​ບູ​ລີ ມີ​ທ່ານ ພູ​ເງິນ ປັນ­ຍາ​ສິ­ລິ ຮອງ​ປະ­ທານ​ຜູ້​ປະ­ຈຳ­ການ​ສະ­ມາ­ຄົມ​ຫວຽດ­ນາມ ປະ­ຈຳ​ນະ­ຄອນ­ຫຼວງ​ວຽງ​ຈັນ ທ່ານ ອາ​ນຸ​ສອນ ຫຼວງ​ປະ­ເສີດ ປະ­ທານ​ສະ­ໂມ­ສອນ​ດອກ​ປີກ​ໄກ່ ລາວ-ຫວຽດ­ນາມ ພ້ອມ​ດ້ວຍ​ຄະ­ນະ​ນຳ ຄູ​ເຝິກ ແລະ ນັກ­ກີ­ລາ​ອ້ອມ​ຂ້າງ​ສະ­ໂມ­ສອນ ເຂົ້າ​ຮ່ວມ.

    ທ່ານ ອາ​ນຸ​ສອນ ຫຼວງ​ປະ­ເສີດ ກ່າວ​ວ່າ: ການ​ຈັດ­ການ​ແຂ່ງ­ຂັນ​ຄັ້ງ​ນີ້ ກໍ່​ເພື່ອ​ເປັນ​ການ​ສ້າງ​ຂະ​ບວນ​ການ​ຊົມ­ເຊີຍ​ວັນ​ສຳ­ຄັນ​ຕ່າງໆ​ຂອງ​ຊາດ ໂດຍ​ສະ­ເພາະ​ເປັນ​ການ​ສະ­ເຫຼີມ­ສະ­ຫຼອງ​ວັນ­ຊາດ​ຂອງ ສສ ຫວຽດ­ນາມ (2 ກັນ­ຍາ) ຄົບ­ຮອບ 73 ປີ ໃຫ້​ມີ​ບັນ­ຍາ­ກາດ​ຟົດ­ຟື້ນ​ມ່ວນ­ຊື່ນ ແລະ ມີ​ຄວາມ​ໝາຍ​ຍິ່ງໆ​ຂຶ້ນ​ໄປ ສະ­ແດງ​ຄວາມ​ຂອບ­ໃຈ​ມາ​ຍັງ​ທຸກ​ພາກ­ສ່ວນ​ທີ່​ເຂົ້າ​ຮ່ວມ​ງານ​ແຂ່ງ­ຂັນ​ເທື່ອ​ນີ້ ພວກ​ເຮົາ​ຈະ​ຕັ້ງ­ໜ້າ​ສ້າງ​ຂະ​ບວນ​ການ ເພື່ອ​ເພີ່ມ​ຄວາມ​ສາ­ມັກ­ຄີ​ຢູ່​ພາຍ​ໃນ​ສະ­ໂມ­ສອນ​ໃຫ້​ມີ​ຄວາມ​ເຂັ້ມ­ແຂງ ມີ​ຄວາມ​ສະ­ຫງົບ​ປອດ​ໄພ ເພື່ອ​ເປັນ​ແບບ­ຢ່າງ​ໃຫ້​ປະ­ຊາ­ຊົນ​ຄົນ​ຮຸ່ນ​ຫຼັງ ສືບ​ທອດ​ມູນ­ເຊື້ອ​ອັນ​ດີ­ງາມ​ຕໍ່​ໄປ ດັ່ງ​ຄຳ​ຂວັນ​ທີ່​ວ່າ ສາ­ມັກ­ຄີ ວ່ອງ­ໄວ ເປັນ​ຜູ້​ໃຫ້​ຈິງ​ໃຈ ໂປ່ງ​ໃສ ມີ​ນ້ຳ­ໃຈ​ນັກ­ກີ­ລາ.

    ສຳ­ລັບ​ການ​ແຂ່ງ­ຂັນ​ຄັ້ງ​ນີ້ ມີ​ນັກ­ກີ­ລາ​ເຂົ້າ​ຮ່ວມ​ທັງ​ໝົດ 41 ຄູ່ ແບ່ງ​ອອກ​ເປັນ 3 ສາຍ ຄື: ສາຍ​ພິ­ເສດ ມີ 10 ຄູ່ ສາຍ ກ ຊາວ​ໜຸ່ມ ມີ 16 ຄູ່ ແລະ ສາຍ ຂ ມີ 15 ຄູ່ ຜ່ານ​ການ​ແຂ່ງ­ຂັນ​ເປັນ​ເວ­ລາ 5 ວັນ ຜົນ​ປາ­ກົດ​ວ່າ: ສາຍ​ພິ­ເສດ ຊະ­ນະ​ເລີດ​ໄດ້­ແກ່ ທີມ​ທ່ານ ບຸນ​ເອື້ອ ວົງ​ໄຊ+ທ່ານ ຫຸມ​ເພັງ ສຸ­ລາ​ໄລ ອັນ​ດັບ 1 ທີມ​ທ່ານ ຮຸ່ງ​ສະ­ຫວ່າງ ໄຕ​ມະ­ນີ+ທ່ານ ບັນ­ດິດ ໂພ­ທິ​ສານ ແລະ ອັນ​ດັບ 3 ທີມ​ທ່ານ ທອງ​ມີ ກອງ​ມະ­ນີ+ທ່ານ ຄຳ​ສະ­ໄຫວ ຈັນ­ທະ​ລັງ­ສີ.

    ສ່ວນ​ສາຍ ກ ຊາວ​ໜຸ່ມ ຊະ­ນະ​ເລີດ ທີມ​ທ່ານ ວັນ​ໄຊ ສີ​ຫາ​ລາດ+ທ່ານ ຄຳ​ປະ­ເສີດ ຄຳ​ສີ ອັນ​ດັບ 2 ທີມ​ທ່ານ ອາ​ນຸ​ສອນ ຫຼວງ​ປະ­ເສີດ+ທ່ານ ສິນ ຄູນ​ປະ­ເສີດ ແລະ ອັນ​ດັບ 3 ທີມ​ທ່ານ ເຮືອງ+ນາງ ແຈັກ ແລະ ສາຍ ຂ ຊະ­ນະ​ເລີດ ທີມ​ທ່ານ ຖາ+ທ່ານ ພັນ ອັນ​ດັບ 2 ທີມ​ທ່ານ ສົມ​ຊາຍ+ທ່ານ ບີ້ ແລະ ອັນ​ດັບ 3 ທ່ານ ສຸ­ດາ​ເພັດ+ທ່ານ ຫຼ້າ​ແລ້ວ.

ຂ່າວທີ່ກ່ຽວຂ້ອງ