ຢູ-16 ລາວ ສະເໝີ ອິນເດຍ 1-1 ເຕະບານຊີງແຊັມອາຊີ

120 26 ກ.ຍ. 2018 ວົງຈອນກີລາ
ຢູ-16 ລາວ ສະເໝີ ອິນເດຍ 1-1 ເຕະບານຊີງແຊັມອາຊີ

    ທັບ​ນັກ­ກີ­ລາ​ຍິງ ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 16 ປີ (ຢູ-16) ລົງ​ແຂ່ງ­ຂັນ​ບານ­ເຕະ​ຊີງ​ແຊັມ​ອາ­ຊີ ຮອບ​ຄັດ​ເລືອກ 2019 ນັດ​ທີ 4 ຮອບ​ແບ່ງ​ກຸ່ມ B ວັນ​ທີ 23 ກັນ­ຍາ 2018 ຢູ່​ສະ­ໜາມ MFF Stadium Ulaanbaatar ປະ­ເທດ​ມົງ​ໂກ​ລີ ສາ­ມາດ​ໄລ່​ຕີ​ສະ­ເໝີ ຢູ-16 ທີມ​ຊາດ​ອິນ​ເດຍ 1-1 ປະ­ຕູ​ສົ່ງ​ຜົນ​ໃຫ້ ຢູ-16 ທີມ​ຊາດ​ລາວ​ສາ­ມາດ​ຜ່ານ​ເຂົ້າ​ໄປ​ຫຼິ້ນ​ໃນ​ຮອບ​ຕໍ່​ໄປ​ໄດ້​ສຳ­ເລັດ.

    ສຳ­ລັບ​ຜົນ­ງານ​ຂອງ ຢູ-16 ຍິງ ທີມ​ຊາດ​ລາວ ລົງ​ສະ­ໜາມ 4 ນັດ ຊະ­ນະ 3 ແລະ ສະ­ເໝີ 1 ມີ 10 ຄະ­ແນນ ໂດຍ​ນັດ​ທຳ​ອິດ ຊະ­ນະ ປາ​ກີດ​ສະ­ຖານ 3-0 ປະ­ຕູ ນັດ​ທີ 2 ຊະ­ນະ ມົງ​ໂກ​ລີ 4-0 ປະ­ຕູ ນັດ​ທີ 3 ຊະ­ນະ ຮົງ​ກົງ 3-1 ແລະ ນັດ​ສຸດ​ທ້າຍ ສະ­ເໝີ ອິນ​ເດຍ 1-1 ປະ­ຕູ ເຮັດ​ໃຫ້​ຜ່ານ​ເຂົ້າ​ສູ່​ຮອບ​ຄັດ​ເລືອກ​ຮອບ​ທີ 2 ຮອບ​ຄັດ​ເລືອກ 2019 ໂດຍ​ຮອບ​ຄັດ​ເລືອກ​ຮອບ​ທີ 2 ມີ 8 ທີມ ຈະ​ແຂ່ງ­ຂັນ​ວັນ​ທີ 23 ກຸມ­ພາ-3 ມີ­ນາ 2019.

ຂ່າວທີ່ກ່ຽວຂ້ອງ