ສະມາຄົມແຊຣິງ ມອບເຄື່ອງຊ່ວຍເຫຼືອ 32 ຕື້ກີບ ຕອບໂຕ້ໄພພິບັດ

242 26 ກ.ຍ. 2018 ຂ່າວໜ້າ​ໜຶ່ງ
ສະມາຄົມແຊຣິງ ມອບເຄື່ອງຊ່ວຍເຫຼືອ 32 ຕື້ກີບ ຕອບໂຕ້ໄພພິບັດ

    ສະ­ມາ­ຄົມ​ສິ­ລະ​ປະ​ວັດ­ທະ­ນະ­ທຳ​ແຊ​ຣິງ ສ ເກົາ­ຫຼີ ນຳ​ລົດ​ໂຮງ­ໝໍ 2 ຄັນ ລົດ​ດັບ​ເພີງ 2 ຄັນ ເຄື່ອງ­ນຸ່ງ​ຫົ່ມ ເກີບ ໂຕະ ຕັ່ງ​ນັກ­ຮຽນ ແລະ ອື່ນໆ ມູນ​ຄ່າ 3.818.000 ໂດ​ລາ​ສະ­ຫະ­ລັດ ຫຼື ປະ­ມານ 32 ຕື້​ກີບ ມາ​ມອບ​ໃຫ້​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ (ຮສສ) ວັນ​ທີ 24 ກັນ­ຍາ 2018 ຢູ່​ເຮືອນ​ຮັບ­ແຂກ​ກະ­ຊວງ ຮສສ ເຊິ່ງ​ມອບ​ໂດຍ​ທ່ານ​ນາງ ຢູ ຮຽນ​ສຸກ ປະ­ທານ​ສະ­ມາ­ຄົມ​ສິ­ລະ​ປະ​ວັດ­ທະ­ນະ­ທຳ​ແຊ​ຣິງ ສ ເກົາ­ຫຼີ ແລະ ຮັບ​ໂດຍ​ທ່ານ ຄຳ​ແພງ ໄຊ​ສົມ​ແພງ ລັດ­ຖະ­ມົນ­ຕີ​ກະ­ຊວງ ຮສສ ມີ​ທ່ານ ຊິນ​ຊອງ​ຊຸນ ເອກ​ອັກ​ຄະ​ລັດ​ຖະ​ທູດ ສ ເກົາ­ຫຼີ ປະ­ຈຳ​ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ຈຸດ­ປະ­ສົງ​ຂອງ​ການ​ມອບ​ເຄື່ອງ​ຊ່ວຍ­ເຫຼືອ​ຄັ້ງ​ນີ້ ເພື່ອ​ປະ­ກອບ­ສ່ວນ​ເຂົ້າ​ໃນ​ວຽກ​ງານ​ຕອບ​ໂຕ້​ໄພ­ພິ­ບັດ ໂດຍ​ສະ­ເພາະ​ໃນ​ຂະ­ແໜງ​ສາ­ທາ­ລະ­ນະ​ສຸກ ແລະ ຕ້ານ​ອັກ­ຄີ​ໄພ ສຳ­ລັບ​ລົດ​ໂຮງ­ໝໍ 2 ຄັນ​ແມ່ນ​ໄດ້​ມອບ​ຕໍ່­ໃຫ້​ແຂວງ​ໄຊ​ສົມ­ບູນ ລົດ​ດັບ​ເພີງ 2 ຄັນ ມອບ​ໃຫ້​ແຂວງ​ຊຽງ​ຂວາງ ສ່ວນ​ເຄື່ອງ­ນຸ່ງ​ຫົ່ມ ເກີບ ແລະ ໂຕະ ຕັ່ງ​ນັກ­ຮຽນ ແລະ ອື່ນໆ ຈະ​ສົ່ງ​ມອບ​ໃຫ້​ແຂວງ​ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ.

ຂ່າວທີ່ກ່ຽວຂ້ອງ