ຂ່າວຫຼ້າສຸດ

ລາວມອບເງິນຊ່ວຍເຫຼືອປະຊາຊົນຍີ່ປຸ່ນ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ

189 26 ກ.ຍ. 2018 ຂ່າວໜ້າ​ໜຶ່ງ
ລາວມອບເງິນຊ່ວຍເຫຼືອປະຊາຊົນຍີ່ປຸ່ນ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ

    ວັນ​ທີ 25 ກັນ­ຍາ 2018 ຢູ່​ກະ­ຊວງ​ການ​ຕ່າງ­ປະ­ເທດ ທ່ານ​ນາງ ຄຳ​ເພົາ ເອີນ​ທະ​ວັນ ຮອງ​ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ໄດ້​ຕາງ­ໜ້າ​ໃຫ້​ລັດ­ຖະ­ບານ ແລະ ປະ­ຊາ­ຊົນ ສປປ ລາວ ມອບ​ເງິນ 100.000 ໂດ​ລາ​ສະ­ຫະ­ລັດ ຫຼື ປະ­ມານ 800 ລ້ານ​ກີບ ຊ່ວຍ­ເຫຼືອ​ປະ­ຊາ­ຊົນ​ຍີ່­ປຸ່ນ​ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ­ພິ­ບັດ​ທາງ​ທຳ​ມະ​ຊາດ (ນ້ຳ​ຖ້ວມ ແລະ ດິນ​ເຈື່ອນ) ຢູ່​ທາງ​ພາກ​ຕາ­ເວັນ­ຕົກ​ຂອງ​ປະ­ເທດ​ຍີ່­ປຸ່ນ ໃນ​ເດືອນ​ກໍ­ລະ­ກົດ​ຜ່ານ​ມາ ເຊິ່ງ​ຮັບ​ໂດຍ​ທ່ານ ທາ​ເກ​ຊິ ຮີ​ກິ​ຮາ​ຣະ ເອກ​ອັກ​ຄະ­ລາ​ຊະ​ຖະ​ທູດ​ຍີ່­ປຸ່ນ​ປະ­ຈຳ​ລາວ ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ​ຮອງ​ລັດ­ຖະ­ມົນ­ຕີ ໄດ້​ສະ­ແດງ​ຄວາມ​ເສົ້າ​ສະ­ຫຼົດ​ໃຈ​ຢ່າງ​ສຸດ​ຊຶ້ງ​ຕໍ່​ຄອບ­ຄົວ​ຜູ້​ເສຍ​ຊີ­ວິດ ແລະ ຜູ້​ໄດ້​ຮັບ​ຜົນ​ກະ­ທົບ​ຈາກ​ເຫດ­ການ​ດັ່ງ­ກ່າວ ແລະ ຫວັງ​ວ່າ​ຈຳ­ນວນ​ເງິນ​ທີ່​ລັດ­ຖະ­ບານ ສປປ ລາວ ໄດ້​ຊ່ວຍ­ເຫຼືອ​ຄັ້ງ​ນີ້ ຈະ​ເປັນ​ສ່ວນ​ໜຶ່ງ​ໃນ​ການ​ປະ­ກອບ­ສ່ວນ​ຊ່ວຍ­ເຫຼືອ​ເພື່ອ​ແບ່ງ​ເບົາ​ຄວາມ­ທຸກ​ໂສກ​ຂອງ​ຜູ້​ປະ­ສົບ​ໄພ ທັງ​ເປັນ​ການ­ສະ­ແດງ​ໃຫ້​ເຫັນ​ນ້ຳ­ໃຈ​ມິດ­ຕະ­ພາບ ແລະ ຄວາມ​ສາ­ມັກ­ຄີ​ຮັກ­ແພງ​ຂອງ​ປະ­ຊາ­ຊົນ​ລາວ​ຕໍ່​ປະ­ຊາ­ຊົນ​ຍີ່­ປຸ່ນ ນອກ​ນີ້ ທ່ານ​ຮອງ​ລັດ­ຖະ­ມົນ­ຕີ​ຍັງ​ມີ​ຄວາມ​ເຊື່ອ​ໝັ້ນ​ວ່າ ພາຍ​ໃຕ້​ການ​ຊີ້​ນຳ-ນຳ­ພາ​ຂອງ​ລັດ­ຖະ­ບານ​ຍີ່­ປຸ່ນ ບວກ​ກັບ​ຄວາມ​ສາ­ມັກ­ຄີ​ເປັນ​ຈິດ​ໜຶ່ງ​ໃຈ​ດຽວ​ຂອງ​ປະ­ຊາ­ຊົນ​ຍີ່­ປຸ່ນ ຜູ້​ປະ­ສົບ​ໄພ​ຈະ​ຜ່ານ​ວິ​ກິດ​ການ​ຄັ້ງ​ນີ້​ໄປ​ດ້ວຍ​ດີ ມີ​ຄວາມ​ເຂັ້ມ­ແຂງ ແລະ ມີ​ກຳ­ລັງ​ໃຈ​ໃນ​ການ​ຕໍ່­ສູ້​ເພື່ອ​ໃຫ້​ກັບ​ຄືນ​ສູ່​ສະ­ພາບ​ປົກ­ກະ­ຕິ​ໂດຍ​ໄວ.

ຂ່າວທີ່ກ່ຽວຂ້ອງ