ຍີ່ປຸ່ນ ຍິງ​ສົ່ງ​ຍານ​ອາ​ວະ​ກາດ Kounotori 7 ບັນທຸກ​ສິນຄ້າ​ຂຶ້ນ​ເມືອ​ຍັງ ISS

110 25 ກ.ຍ. 2018 ຂ່າວຕ່າງປະເທດ
ຍີ່ປຸ່ນ ຍິງ​ສົ່ງ​ຍານ​ອາ​ວະ​ກາດ Kounotori 7 ບັນທຸກ​ສິນຄ້າ​ຂຶ້ນ​ເມືອ​ຍັງ ISS

    ຕອນ​ເຊົ້າ​ວັນ​ທີ 23 ກັນຍາ​ນີ້ ຍີ່ປຸ່ນ​ໄດ້​ສຳເລັດ​ການ​ຍິງ​ສົ່ງ​ຍານ​ອາ​ວະ​ກາດ Kounotori 7 ບັນທຸກ​ສິນຄ້າ​ຂຶ້ນ​ເມືອ​ໃຫ້​ບັນດາ​ນັກ​ບິນ​ອາ​ວະ​ກາດ ທີ່​ພວມ​ດຳລົງ​ຊີວິດ ແລະ​ ເຮັດ​ວຽກ​ຢູ່​ເທິງ ສະຖານີ​ອາ​ວະ​ກາດ​ສາກົນ (ISS).

    ຂ່າວ​ແຈ້ງວ່າ ລູກ​ສອນ​ໄຟ H-2B ແບບ​ຍູ້ ໄດ້​ນຳ​ເອົາ​ຍານ​ອາ​ວະ​ກາດ Kounotori ແບບ​ບໍ່​ມີ​ຄົນ​ຂັບ ທະຍານ​ຂຶ້ນ​ຈາກ​ສູນ​ອາ​ວະ​ກາດ ຕັນ​ກາ​ຊີ​ມາ (Tanegashima) ຢູ່​ໃນ​ແຂວງ ກາໂກ​ຊີ​ມາ (ພາກ​ຕາເວັນຕົກ​ສ່ຽງ​ໃຕ້​ຍີ່ປຸ່ນ). ໃນ​ການ​ເດີນທາງ​ເທື່ອ​ນີ້ ຍານ Kounotori ໄດ້​ນຳ​ເອົາ ແຜງ​ແບດ​ເຕີ​ຣີ ອາຫານ ອຸປະກອນ​ຮັບ​ໃຊ້​ວິທະຍາສາດ ແລະ​ ຍານ​ອາ​ວະ​ກາດ​ຂະໜາດ​ນ້ອຍ ຂຶ້ນ​ໄປ​ຍັງ ISS.

    ຍານ​ອາ​ວະ​ກາດ​ຂະໜາດ​ນ້ອຍ​ດັ່ງກ່າວ ຈະ​ກັບ​ຄືນ​ສູ່​ໂລກ ດ້ວຍ​ໜ້າທີ່​ທຳ​ອິດ​ກໍ​ແມ່ນ​ນຳ​ເອົາ ຕົວຢ່າງ​ການ​ທົດ​ລອງ​ຢູ່​ໃນ ISS ມາ​ພ້ອມ.

    ໂດຍ​ໄດ້​ຮັບ​ການ​ພັດທະນາ ແລະ ​ຜະລິດ​ຢູ່​ໃນ​ຍີ່ປຸ່ນ​ນັ້ນ ຍານ​ອາ​ວະ​ກາດ Kounotori ຖືກ​ເອີ້ນ​ກັນ​ວ່າ​ເປັນ​ອຸປະກອນ​ຂົນສົ່ງ H-II (HTV) ຊຶ່ງ​ໄດ້​ນຳ​ໃຊ້​ເພື່ອ​ລຳລຽງ​ສິ່ງ​ຂອງ​ຂຶ້ນ​ເມືອ​ຍັງ ISS. ພາລະກິດ​ທຳ​ອິດ​ຂອງ HTV (Kounotori 1) ມີ​ຂຶ້ນ​ເມື່ອ​ປີ 2009.

 

ຂ່າວທີ່ກ່ຽວຂ້ອງ