ສ ເກົາຫຼີ ເປັນ​ປະເທດ​ທຳ​ອິດ​ທີ່​ງົດ​ການ​ນຳ​ເຂົ້າ​ນ້ຳມັນ​ຈາກ​ອີ​ຣານ

108 25 ກ.ຍ. 2018 ຂ່າວຕ່າງປະເທດ
ສ ເກົາຫຼີ ເປັນ​ປະເທດ​ທຳ​ອິດ​ທີ່​ງົດ​ການ​ນຳ​ເຂົ້າ​ນ້ຳມັນ​ຈາກ​ອີ​ຣານ

   ກະຊວງ​ນ້ຳມັນ​ຂອງ​ອີ​ຣານ ໃຫ້ການ​ຢັ້ງຢືນ​ເມື່ອ​ວັນ​ທີ 23 ກັນຍາ​ນີ້​ວ່າ ສ ເກົາຫຼີ ໄດ້​ງົດ​ການ​ນຳ​ເຂົ້າ​ນ້ຳມັນ​ຈາກ​ປະເທດ​ອີ​ຣານ​ແລ້ວ.

    ສຳນັກ​ຂ່າວສານ SHANA ອ້າງ​ຕາມ​ຄຳ​ເວົ້າ​ຂອງ​ທ່ານ ​ກັ​ສຣາ ນູ​ຣີ ຫົວໜ້າ​ພາກສ່ວນ ປະຊາສຳພັນ​ຂອງ​ກະຊວງ​ດັ່ງກ່າວ ໃຫ້​ຮູ້​ວ່າ: “ເປັນ​ເວລາ 3 ເດືອນ​ຕິດຕໍ່​ກັນ​ມາ​ແລ້ວ ທີ່ ສ ເກົາຫຼີ ບໍ່​ໄດ້​ນຳ​ເຂ​​ົ້າ​ນ້ຳມັນ​ຈາກ​ອີ​ຣານ. ສ ເກົາຫຼີ ນັບ​ວ່າ​ເປັນ​ປະເທດ​ທຳ​ອິດ ທີ່​ງົດ​ການ​ນຳ​ເຂົ້າ​ນ້ຳມັນ ຈາກ​ອີ​ຣານ ຫຼັງ​ຈາກ​ມີ​ໄພ​ຄຸກ​ຄາມ​ປິດ​ລ້ອມ​ຂອງ ສ ອາ​ເມ​ຣິ​ກາ ທີ່​ມຸ່ງ​ໃສ່​ປະເທດ​ນີ້.”

    ກ່ອນ​ມີ​ໄພ​ຄຸກ​ຄາມ​ປິດ​ລ້ອມ​ຂອງ ສ ອາ​ເມ​ຣິ​ກາ​ນັ້ນ ສ ເກົາຫຼີ ນຳ​ເຂົ້າ​ນ້ຳມັນ​ຈາກ​ອີ​ຣານ ໃນ​ປະລິມານ 180.000 ບາ​ເຣນ/ວັນ. ການ​ກັບ​ມາ​ປິດ​ລ້ອມ​ຂອງ ສ ອາ​ເມ​ຣິ​ກາ ຕໍ່​ອີ​ຣານ​ນັ້ນ ເລີ່ມ​ຂຶ້ນ​ເມື່ອ​ເດືອນ​ສິງຫາ​ທີ່​ຜ່ານ​ມາ ໂດຍ​ທີ່​ບໍ່​ເອົາ​ຫົວຊາ​ຕໍ່​ສຽງ​ຄັດຄ້ານ​ຈາກ​ທົ່ວ​ໂລກ.

 

ຂ່າວທີ່ກ່ຽວຂ້ອງ