ນັກປະດິດຊາວອັງກິດ ສ້າງເຄື່ອງຜະລິດໄຟຟ້າຈາກຂີ້ເຫຍື້ອຄົວເຮືອນ

114 25 ກ.ຍ. 2018 ຫົວຂໍ້ຂ່າວອື່ນໆ

    ນັກ​ປະ­ດິດ​ຊາວ​ອັງ­ກິດ ນິກ ສະ​ເປນ​ເຊີ (Nik Spencer) ພັດ­ທະ­ນາ​ເຄື່ອງ​ແປງ​ຂີ້​ເຫຍື້ອ​ພາກ​ຄົວ​ເຮືອນ ໃຫ້​ເປັນ​ພະ­ລັງ­ງານ​ໄຟ­ຟ້າ ໂດຍ​ຕັ້ງ​ຊື່​ນະ​ວັດ­ຕະ​ກຳ​ດັ່ງ­ກ່າວ​ວ່າ HERU.

    ອຸ­ປະ­ກອນ​ດັ່ງ­ກ່າວ ປ່ຽນ​ຂີ້​ເຫຍື້ອ​ໃຫ້​ເປັນ​ພະ­ລັງ­ງານ ດ້ວຍ​ການ​ເຮັດ​ວຽກ 3 ຂັ້ນ​ຕອນ ຄື: ເຮັດ​ໃຫ້​ຂີ້​ເຫຍື້ອ​ແຫ້ງ ໃຫ້​ຄວາມ​ຮ້ອນ ແລະ ສ້າງ​ພະ­ລັງ­ງານ.

    ເຂົາ​ກ່າວ​ວ່າ ເຄື່ອງ​ຜະ­ລິດ​ພະ­ລັງ­ງານ​ສາ­ມາດ​ແປ​ຮູບ​ຂີ້​ເຫຍື້ອ​ໄດ້​ຫຼາຍ​ຊະ­ນິດ​ໃຫ້​ເປັນ​ໄຟ­ຟ້າ ລວມ​ເຖິງ​ປາ​ລາ​ສະ​ຕິກ ເຊັ່ນ: ຈອກ​ກາ­ເຟ ແຕ່​ບໍ່​ສາ­ມາດ​ຈັດ­ການ​ກັບ​ຂີ້​ເຫຍື້ອ​ໂລ­ຫະ​ໄດ້.

    ຢ່າງ­ໃດ​ກໍ່​ຕາມ ນິກ ສະ​ເປນ​ເຊີ ກ່າວ​ວ່າ ໂລ­ຫະ​ເປັນ​ຂີ້​ເຫຍື້ອ​ທີ່​ຜູ້​ໃຊ້​ສາ­ມາດ​ແຍກ​ອອກ​ມາ​ໄດ້​ງ່າຍ ເພື່ອ​ນຳ​ກັບ​ມາ​ໃຊ້​ໃໝ່.

    ເຂົາ​ກ່າວ​ວ່າ ແຕ່​ລະ​ຄົວ​ເຮຶອນ​ມີ​ຂີ້​ເຫຍື້ອ​ຕໍ່​ວັນ​ສະ­ເລ່ຍ​ຢູ່​ທີ່ 2,5 ກິ​ໂລ​ກຼາມ ຊຶ່ງ​ສາ­ມາດ​ແປງ​ເປັນ​ພະ­ລັງ­ງານ​ທີ່​ພຽງ­ພໍ​ຕໍ່​ການ​ຜະ­ລິດ 44% ຂອງ​ນ້ຳ​ອຸ່ນ​ທີ່​ແຕ່​ລະ​ເຮືອນ​ໃຊ້.

ຂ່າວທີ່ກ່ຽວຂ້ອງ