ຂ່າວຫຼ້າສຸດ

ການ​ນຳ​ຂອງ EU ພາກັນ​ປະຕິເສດ​ຂໍ້​ສະເໜີ​ຂອງ​ອັງກິດ​ກ່ຽວ​ກັບ Brexit

178 24 ກ.ຍ. 2018 ຂ່າວຕ່າງປະເທດ
ການ​ນຳ​ຂອງ EU ພາກັນ​ປະຕິເສດ​ຂໍ້​ສະເໜີ​ຂອງ​ອັງກິດ​ກ່ຽວ​ກັບ Brexit

    ຫຼັງ​ການ​ແລກປ່ຽນ​ຄວາມ​ຄິດ​ຄວາມ​ເຫັນ ກັບ​ນາຍົກລັດຖະມົນຕີ​ອັງກິດ ເຕ​ເຣ​ຊາ ເມ ເມື່ອ​ວັນ​ທີ 20 ກັນຍາ​ນັ້ນແລ້ວ ທ່ານ ໂດ​ນາ​​ລ ​ທັສກ໌ ປະທານ​ສະພາ​ເອີ​ຣົບ (EC) ໄດ້​ແຈ້ງ​ເຕືອນ ຕໍ່​​ການ​ນຳ​ສະເໜີ​ຂອງ​ອັງກິດ ກ່ຽວ​ກັບ​ການ​ພົວພັນ​ທາງ​ດ້ານ​ການ​ຄ້າ​ກັບ​ສະຫະພາບ​ເອີ​ຣົບ (EU) ຫຼັງ ຈາກ​ອັງກິດ​ຖອນ​ອອກ​ໄປ​ຈາກ EU ຫຼື​ທີ່​ເອີ້ນ​ວ່າ Brexit ນັ້ນ​ວ່າ​ຈະ​ບໍ່​ສາມາດ​ກາຍ​ເປັນຄວາມ​ຈິງ​ໄດ້.

    ທ່ານ ​ທັສກ໌ ກ່າວ​ຕໍ່​ຜູ້​ສື່​ຂ່າວ ຫຼັງ​ການ​ປະຊຸມ​ເປັນ​ເວລາ 2 ວັນ ຢູ່​ທີ່​ນະຄອນ ຊາ​​ລສ​ເບີກ (ປະເທດ​ໂອ​ຕຣິດ) ວ່າ​ບັນດາ​ຜູ້ນຳ​ຂອງ EU ເຊື່ອ​ວ່າ​ແຜນການ Chequers ຂອງ​ນາຍົກລັດຖະມົນຕີ ເມ ຈະ​ສ້າງ​ຄວາມ​ເສຍ​ຫາຍ​ຕໍ່​ຕະຫຼາດ​ຮ່ວມ​ພຽງ​ແຫ່ງ​ດຽວ​ຂອງ​ກຸ່ມ​ນີ້. ທ່ານ ​ທັສກ໌ ໃຫ້​ຮູ້​ຕື່ມ​ວ່າ  ບັນຍາກາດ​ການ​ແລກປ່ຽນ​ຄວາມ​ເຫັນ​ລະຫວ່າງ​ນາຍົກລັດຖະມົນຕີ ເມ ກັບ​ການ​ນຳ​ຂອງ 27 ປະເທດ​ສະມາຊິກ EU ໄດ້​ຮັບ​ການ​ແກ້​ໄຂ​ດີ​ຂຶ້ນ​ກວ່າ​ເກົ່າ ແຕ່​ວ່າຄວາມ​ແຕກ​ຕ່າງ​ບາງ​ຢ່າງ ໃນ​ບັນຫາ​ການ​ຄ້າ ແລະ​ບັນຫາ​ຊາຍ​ແດນ​ຂອງ​ອຽກ​ລັງ ຍັງ​ບໍ່​ທັນ​ມີ​ຄວາມ​ເຫັນ​ຄື​ກັນ.

    ໃນ​ຂະນະ​ດຽວ​ກັນ ນາຍົກລັດຖະມົນຕີ ເມ ເວົ້າ​ວ່າ ນາງ​ຈະ​ປະກາດ​ແນວ​ຄວາມ​ຄິດ​ໃໝ່ໆ ໃນ​ບໍ່​ຊ້າ​ນີ້ ກ່ຽວ​ກັບ​ການ​ແກ້​ໄຂ​ບັນຫາ​ການ​ຄ້າ ຢູ່​ໃນ​ເຂດ​ຊາຍ​ແດນ​ອຽກ​ລັງ​ເໜືອ ຫຼັງ​ຈາກ​ທີ່​ບັນດາ ການ​ນຳ​ຂອງ EU ປະຕິເສດ​ຕໍ່​ແຜນການ Chequers. ນອກຈາກ​ນັ້ນແລ້ວ ນາຍົກລັດຖະມົນຕີ ເມ ກໍ​ໃຫ້​ຮູ້​ວ່າ ອັງກິດ​ຈະ​ຊຸກຍູ້​ການ​ສ້າງ​ຍຸດ​ທະ​ສາດ Brexit ທີ່​ຄົບ​ຖ້ວນ​ຂຶ້ນ​ມາ​ໃຫ້​ໄວ​ຂຶ້ນ ເພື່ອ​ໃຫ້​ທັນ​ສະເໜີ​ຕໍ່​ກອງ​ປະຊຸມ ໃນ​ວັນ​ທີ 18 ຕຸລາ​ໜ້າ​ນີ້.

 

ຂ່າວທີ່ກ່ຽວຂ້ອງ