ຂ່າວຫຼ້າສຸດ

ຍື້ບໍ່ເຖິງ

463 24 ກ.ຍ. 2018 ຫົວຂໍ້ຂ່າວອື່ນໆ

    ໃນ​ຄືນ​ສຸດ​ທ້າຍ​ຂອງ​ບຸນ­ທາດ­ຫຼວງ​ປີ­ຜ່ານ­ມາ ເຈົ້າ​ໜ້າ­ທີ່​ຮັກ­ສາ​ຄວາມ​ປອດ​ໄພ​ໄດ້​ນຳ​ເດັກ​ຍິງ​ອາ­ຍຸ​ບໍ່​ຮອດ​ສາມ​ປີ ທີ່​ຫຼົງ​ພໍ່ ແມ່ ມາ​ຮັກ­ສາ​ໄວ້​ຢູ່​ສອນ​ແລ້ວ​ປະ­ກາດ​ຫາ​ຜູ້​ເປັນ​ພໍ່ ແມ່ ໃຫ້​ມາ​ຮັບ​ເອົາ ໃນ​ຂະ­ນະ​ລໍ­ຖ້າ​ຢູ່​ນັ້ນ ສາວ​ນ້ອຍ​ໄດ້​ແຕ່​ຮ້ອງ­ໄຫ້​ຈົນ​ເຈົ້າ​ໜ້າ­ທີ່​ສອງ​ສາມ​ຄົນ ຊ່ວຍ​ກັນ​ອອຍ ແລະ ຊື້​ເຂົ້າ­ໜົມ ໃຫ້​ກິນ​ເຈົ້າ​ໜ້າ­ທີ່​ທ່ານ​ໜຶ່ງ​ຖາມ​ເດັກ​ຍິງ​ວ່າ: “ເປັນ​ຫຍັງ​ຫຼານ​ບໍ່​ຈ່ອງ​ສິ້ນ​ແມ່​ໄວ້​ແໜ້ນໆ ເພື່ອ​ບໍ່​ໃຫ້​ຫຼົງ ?” ສາວ​ນ້ອຍ​ເຊັດ​ນ້ຳ​ຕາ​ແລ້ວ​ຕອບ​ວ່າ: “ແມ່​ຫຼານ​ນຸ່ງ​ສະ​ເກິດ ຫຼານ​ຈ່ອງ​ບໍ່​ເຖິງ ມັນ​ສັ້ນ​ໂພດ !”.

    ພະ­ນັກ­ງານ “ໂອ່ຍ ຢະ​ເອີ່ຍ ຈັ່ງ​ແມ່ນ​ຊາດ​ນໍ !”.

ຂ່າວທີ່ກ່ຽວຂ້ອງ