ນັກແມ່ນປືນລາວ ເຂົ້າຮ່ວມແຂ່ງຂັນ ໄອພີເອັດຊີ ເລໂວ 4

123 21 ກ.ຍ. 2018 ວົງຈອນກີລາ
ນັກແມ່ນປືນລາວ ເຂົ້າຮ່ວມແຂ່ງຂັນ ໄອພີເອັດຊີ ເລໂວ 4

    ອີງ​ຕາມ​ຂໍ້​ມູນ​ຈາກ​ລາຍ­ການ​ເຊຍ​ລາວ ໂທລະ­ພາບ​ລາວ​ສະ​ຕຣາ ແຈ້ງ​ໃຫ້​ຊາບ​ວ່າ: ສະ­ໂມ­ສອນ​ຍິງ​ປືນ ໄອ​ພີ​ເອັດ​ຊີ​ລາວ ຫຼື “IPSC LAO” ສະ­ຫະ­ພັນ​ກີ­ລາ​ຍິງ​ປືນ​ແຫ່ງ​ຊາດ​ລາວ ໄດ້​ສົ່ງ​ນັກ­ກີ­ລາ​ແມ່ນ​ປືນ IPSC ທີມ​ຊາດ​ລາວ 10 ຄົນ ຍິງ 1 ຄົນ ເຂົ້າ​ຮ່ວມ​ການ​ແຂ່ງ­ຂັນ​ກີ­ລາ​ຍິງ​ປືນ IPSC ຊີ​ແຊັມ​ອາ­ຊີ ເລ​ໂວ 4 ທີ່​ເມືອງ​ພັດ​ທະ​ຍາ ປະ­ເທດ​ໄທ ຮັບ​ກຽດ​ເປັນ​ເຈົ້າ­ພາບ​ວັນ​ທີ 17-23 ກັນ­ຍາ 2018 ເຊິ່ງ​ລາຍ­ການ​ນີ້ ມີ​ການ​ແຂ່ງ­ຂັນ​ທັງ​ໝົດ 6 ລາຍ­ການ ແລະ ມີ​ນັກ­ກີ­ລາ​ເຂົ້າ​ຮ່ວມ​ເກືອບ 200 ຄົນ.

    ສ່ວນ​ລາວ​ເຮົາ​ສົ່ງ​ຄະ­ນະ​ນຳ 1 ທ່ານ ແລະ ນັກ­ກີ­ລາ 10 ຄົນ ເຂົ້າ​ຮ່ວມ​ຊີງ​ໄຊ ນຳ​ໂດຍ​ທ່ານ ພຸດ​ທະ​ສັກ ສຸກ​ອາ​ລຸນ ປະ­ທານ​ສະ­ໂມ­ສອນ​ຍິງ​ປືນ IPSC LAO ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ຍິງ​ປືນ​ແຫ່ງ​ຊາດ​ລາວ ທັງ​ເປັນ​ຜູ້­ອຳ­ນວຍ­ການ​ສະ­ໜາມ​ກີ­ລາ​ຍິງ​ປືນ 5 ເມ­ສາ ສ່ວນ​ນັກ­ກີ­ລາ ປະ­ກອບ​ມີ: ສຸ​ນັນ ວັດ­ທະ­ນະ​ບູນ ອາ​ນຸ​ໄຊ ແສງ​ດາ­ລາ ອາ​ໂນ​ໄທ ເມືອງ​ມະ­ນີ ສິງ​ຄຳ ສີ​ປະ­ເສີດ ພູ­ທອນ ກໍ​ລະ​ສັກ ພາ​ນາ​ສີ ແສງ​ປະ­ເສີດ ວັດ­ທະ­ນາ ແກ້ວ​ດວງ​ເດດ ທະ­ນູ​ໄຊ ທຳ​ມະ​ວົງ ຕຸ້ຍ ພາ­ນຸ​ວົງ ແລະ ນາງ ກົງ​ຄຳ​ບົວ ແສງ​ພະ­ຈັນ.

    ສຳ­ລັບ​ນັກ­ກີ­ລາ​ທີມ​ຊາດ​ລາວ ຈະ​ລົງ​ແຂ່ງ­ຂັນ​ທັງ​ໝົດ 3 ລາຍ­ການ ປະ­ກອບ​ມີ: ປືນ​ໂປຣ​ດັກ​ຊັນ (production) ລົງ​ແຂ່ງ­ຂັນ 3 ຄົນ ປືນ​ໂອ​ເພັນ (Open) ລົງ​ແຂ່ງ­ຂັນ 2 ຄົນ ແລະ ປືນ​ຣີ ໂວນ​ເວີ (Revolver) ລົງ​ແຂ່ງ­ຂັນ 4 ຄົນ.

ຂ່າວທີ່ກ່ຽວຂ້ອງ