ຂ່າວຫຼ້າສຸດ

ລາວ ກຽມສົ່ງ 9 ປະເພດ ເຂົ້າຮ່ວມກີລາມໍອາຊຽນ ຢູ່ມຽນມາ

392 17 ກ.ຍ. 2018 ວົງຈອນກີລາ
ລາວ ກຽມສົ່ງ 9 ປະເພດ ເຂົ້າຮ່ວມກີລາມໍອາຊຽນ ຢູ່ມຽນມາ

    ຂໍ້​ມູນ​ຈາກ​ເຟດ​ບຸກ​ຂອງ​ຄະ­ນະ​ວິ­ທະ­ຍາ­ສາດ​ການ​ກີ­ລາ-ກາ​ຍະ​ກຳ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ແຈ້ງ​ໃຫ້​ຮູ້­ເມື່ອ​ບໍ່​ດົນ​ມາ​ນີ້​ວ່າ: ເພື່ອ​ເປັນ​ການ​ກະ­ກຽມ​ຄວາມ​ພ້ອມ​ຂອງ​ນັກ­ກີ­ລາ​ລາວ ເຂົ້າ​ຮ່ວມ​ແຂ່ງ­ຂັນ​ງານ​ມະ​ຫະ​ກຳ​ກີ­ລາ​ມະ­ຫາ­ວິ­ທະ­ຍາ­ໄລ​ອາ​ຊຽນ (ມໍ​ອາ​ຊຽນ) ຄັ້ງ​ທີ 19 ຢູ່​ເນ​ປີ​ດໍ ປະ­ເທດ​ມຽນ​ມາ ໃນ​ເດືອນ​ທັນ­ວາ 2018 ເມື່ອ​ບໍ່​ດົນ​ມາ​ນີ້ ໄດ້​ມີ​ກອງ​ປະ­ຊຸມ​ສາ​ຫາ­ລື ແລະ ຮັບ​ຟັງ​ການ​ລາຍ​ງານ​ຄວາມ​ຄືບ​ໜ້າ ກະ​ກຽມ­ພ້ອມ​ໃຫ້​ທັບ​ນັກ­ກີ­ລາ​ມະ­ຫາ­ວິ­ທະ­ຍາ­ໄລ​ລາວ ໂດຍ​ເປັນ​ປະ­ທານ​ຂອງ​ທ່ານ ອາ​ນຸ​ລົມ ວິ­ໄລ​ພອນ ວ່າ­ການ​ຄະ­ນະ­ບໍ­ດີ​ຄະ­ນະ​ວິ­ທະ­ຍາ­ສາດ​ການ​ກີ­ລາ-ກາ​ຍະ​ກຳ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ລາວ ເລ­ຂາ­ທິ­ການ​ສະ­ຫະ­ພັນ​ກີ­ລາ​ມະ­ຫາ­ວິ­ທະ­ຍາ­ໄລ​ລາວ ມີ​ພາກ­ສ່ວນ​ກ່ຽວ​ຂອງ​ເຂົ້າ​ຮ່ວມ.

    ກອງ​ປະ­ຊຸມ​ດັ່ງ­ກ່າວ ຄະ­ນະ​ຮັບ­ຜິດ­ຊອບ​ສະ­ຫະ­ພັນ​ກີ­ລາ​ຕ່າງໆ​ຂອງ​ສະ­ຫະ­ພັນ​ກີ­ລາ​ມະ­ຫາ­ວິ­ທະ­ຍາ­ໄລ​ລາວ ໄດ້​ລາຍ​ງານ​ຄວາມ​ຄືບ​ໜ້າ​ໃນ​ການ​ກຽມ​ຄວາມ​ພ້ອມ​ກີ­ລາ​ຂອງ​ຕົນ ທີ່​ຈະ​ເຂົ້າ​ຮ່ວມ​ແຂ່ງ­ຂັນ​ງານ​ດັ່ງ­ກ່າວ ພ້ອມ​ທັງ​ໄດ້​ມີ​ການ​ປຶກ­ສາ​ຫາ­ລື​ກັນ​ໃນ​ບັນ­ຫາ​ຕ່າງໆ ທີ່​ຕິດ​ພັນ​ກັບ​ການ​ເຝິກ­ຊ້ອມ​ນັກ­ກີ­ລາ ໂດຍ​ສະ­ເພາະ ການ​ເດີນ­ທາງ​ເຂົ້າ​ຮ່ວມ​ແຂ່ງ­ຂັນ ຄະ­ນະ​ຮັບ­ຜິດ­ຊອບ​ຂອງ​ສະ­ຫະ­ພັນ​ກິ­ລາ​ມະ­ຫາ­ວິ­ທະ­ຍາ­ໄລ​ລາວ ໄດ້​ຕົກ­ລົງ​ກຳ­ນົດ​ຈະ​ສົ່ງ​ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ 9 ປະ­ເພດ ຄື: ແລ່ນ-ລານ ເຕະ­ບານ ກ໊ອຟ ເປ​ຕັງ ໂວ​ວີ​ນາມ ວູ​ຊູ ດອກ​ປີກ​ໄກ່ ກະ­ຕໍ້ (ລວມ​ທັງ​ກະ­ຕໍ້​ຊິນ​ຫຼົງ) ແລະ ຍິງ​ທະ­ນູ ພ້ອມ​ຕັ້ງ​ຄວາມ​ຫວັງ​ຈະ​ສູ້​ຊົນ​ໃຫ້​ໄດ້ 5 ຫຼຽນ​ຄຳ.

ຂ່າວທີ່ກ່ຽວຂ້ອງ