ຢູ-16 ທີມຊາດຍິງລາວ ກຽມຮ່ວມບານເຕະຊີງແຊັມອາຊີ ຮອບຄັດເລືອກ

96 14 ກ.ຍ. 2018 ວົງຈອນກີລາ
ຢູ-16 ທີມຊາດຍິງລາວ ກຽມຮ່ວມບານເຕະຊີງແຊັມອາຊີ ຮອບຄັດເລືອກ

    ທີມ​ຊາດ​ຍິງ​ລາວ ຮຸ່ນ​ອາ­ຍຸ ບໍ່​ເກີນ 16 ປີ (ຢູ-16) ກຽມ​ເຂົ້າ​ຮ່ວມ​ແຂ່ງ­ຂັນ​ບານ­ເຕະ​ຍິງ​ຊີງ​ແຊັມ​ອາ­ຊີ ຮຸ່ນ​ອາ­ຍຸ​ບໍ່​ເກີນ 16 ປີ ຮອບ​ຄັດ​ເລືອກ 2019 (AFC U-16 WOMEN’S CHAMPIONSHIP 2019) ຢູ່​ປະ­ເທດ​ມົງ​ໂກ​ລີ ວັນ​ທີ 15-23 ກັນ­ຍາ 2018.

    ໃນ​ການ​ແຂ່ງ­ຂັນ​ດັ່ງ­ກ່າວ ທີມ​ຊາດ​ລາວ​ຈັດ​ຢູ່​ຮ່ວມ​ກຸ່ມ B ປະ­ກອບ​ມີ: ສປປ ລາວ ມົງ​ໂກ​ລີ ອິນ​ເດຍ ຮົງ​ກົງ ແລະ ປາ​ກິດ​ສະ­ຖານ ໂດຍ​ທີມ​ຊາດ​ຍິງ​ລາວ​ຊຸດ​ນີ້ ມີ​ຄະ­ນະ​ນຳ 8 ທ່ານ ພ້ອມ​ດ້ວຍ​ນັກ­ກີ­ລາ 23 ຄົນ ຈະ​ອອກ​ເດີນ­ທາງ​ໄປ​ປະ­ເທດ​ມົງ​ໂກ​ລີ ວັນ​ທີ 13 ກັນ­ຍາ 2018 ດ້ວຍ​ເຮືອ­ບິນ.

    ສ່ວນ​ຕາ­ຕະ­ລາງ​ການ​ແຂ່ງ­ຂັນ ວັນ​ທີ 17 ກັນ­ຍາ 2018 ເວ­ລາ 13:00 ໂມງ ປາ​ກິດ​ສະ­ຖານ ພົບ ລາວ ວັນ​ທີ 19 ກັນ­ຍາ 2018 ເວ­ລາ 17:00 ໂມງ ລາວ ພົບ ມົງ​ໂກ​ລີ ວັນ​ທີ 21 ກັນ­ຍາ 2018 ເວ­ລາ 13:00 ໂມງ ຮົງ​ກົງ ພົບ ລາວ ແລະ ວັນ​ທີ 23 ກັນ­ຍາ 2018 ເວ­ລາ 17:00 ໂມງ ລາວ ພົບ ອິນ​ເດຍ ເຊິ່ງ​ທັງ 4 ນັດ ຈະ​ແຂ່ງ­ຂັນ​ຢູ່​ທີ່​ສະ­ໜາມ MFF Stadium Ulaanbaatar.

ຂ່າວທີ່ກ່ຽວຂ້ອງ