ຂ່າວຫຼ້າສຸດ

ກາແດງລາວ ມອບເຄື່ອງຊ່ວຍເຫຼືອປະຊາຊົນບ້ານຫາດສວນ

288 14 ກ.ຍ. 2018 ຂ່າວໜ້າ​ໜຶ່ງ
ກາແດງລາວ ມອບເຄື່ອງຊ່ວຍເຫຼືອປະຊາຊົນບ້ານຫາດສວນ

    ໃນ​ວັນ​ທີ 9 ກັນ­ຍາ 2018 ອົງ­ການ​ກາ­ແດງ​ລາວ ນຳ​ໂດຍ​ທ່ານ ຄຳ​ຮຸ່ງ ເຮືອງ​ວົງ​ສີ ປະ­ທານ​ອົງ­ການ​ກາ­ແດງ​ລາວ ແລະ ທ່ານ ຊົມ​ພູ ດວງ​ສະ­ຫວັນ ປະ­ທານ​ກຳ­ມາ​ທິ​ການ​ວັດ­ທະ­ນະ­ທຳ-ສັງ­ຄົມ ສະ­ພາ​ແຫ່ງ​ຊາດ ແລະ ຄະ­ນະ​ນຳ​ແຂວງ​ເມືອງ​ທຸ­ລະ­ຄົມ ແຂວງ​ວຽງ​ຈັນ ໄດ້​ລົງ​ຢ້ຽມ­ຢາມ​ໃຫ້​ກຳ­ລັງ​ໃຈ ແລະ ມອບ​ເຄື່ອງ​ຊ່ວຍ­ເຫຼືອ​ບັນ­ເທົາ​ທຸກ​ໃຫ້​ພໍ່​ແມ່​ປະ­ຊາ­ຊົນ​ບ້ານ​ຫາດ​ສວນ ເມືອງ​ທຸ­ລະ­ຄົມ ແຂວງ​ວຽງ​ຈັນ ທີ່​ຖືກ​ຜົນ​ກະ­ທົບ​ຈາກ​ນ້ຳ​ຖ້ວມ.

    ບ້ານ​ຫາດ​ສວນ ເປັນ​ບ້ານ​ໜຶ່ງ​ທີ່​ໄດ້​ຮັບ​ຜົນ​ກະ­ທົບ ມີ​ຈຳ­ນວນ 241 ຄອບ­ຄົວ ພົນ­ລະ­ເມືອງ 1.118 ຄົນ ຍິງ 449 ຄົນ ເຄື່ອງ​ນຳ​ມາ​ຊ່ວຍ­ເຫຼືອ​ຄັ້ງ​ນີ້ ປະ­ກອບ​ມີ​ເຂົ້າ­ສານ 2 ໂຕນ ອາ­ຫານ​ແຫ້ງ ແລະ ນ້ຳ​ດື່ມ ລວມ​ມູນ​ຄ່າ 45 ລ້ານ​ກວ່າ​ກີບ.

    ກ່າວ​ມອບ​ແມ່ນ​ທ່ານ ຄຳ​ຮຸ່ງ ເຮືອງ​ວົງ​ສີ ແລະ ທ່ານ ຊົມ​ພູ ດວງ​ສະ­ຫວັນ ຮັບ​ໂດຍ​ປະ­ຊາ­ຊົນ​ບ້ານ​ຫາດ​ສວນ ໂດຍ​ການ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ​ຈາກ​ການ​ນຳ​ແຂວງ ແລະ ເມືອງ ແລະ ກາ­ແດງ​ແຂວງ ອຳ­ນາດ​ການ​ປົກ­ຄອງ​ບ້ານ​ຫາດ​ສວນ.

ຂ່າວທີ່ກ່ຽວຂ້ອງ