ປະທານາທິບໍດີ​ເວ​ເນ​ຊູ​ເອ​ລາ ຢ້ຽມຢາມ​ຈີນ ຢ່າງ​ເປັນ​ທາງ​ການ

93 14 ກ.ຍ. 2018 ຂ່າວຕ່າງປະເທດ
ປະທານາທິບໍດີ​ເວ​ເນ​ຊູ​ເອ​ລາ ຢ້ຽມຢາມ​ຈີນ ຢ່າງ​ເປັນ​ທາງ​ການ

     ປະທານາທິບໍດີ​ເວ​ເນ​ຊູ​ເອ​ລາ ນີ​ໂກ​ລາ​​ສ ມາ​ດູ​ໂຣ ເດີນທາງ​ອອກ​ຈາກ​ນະຄອນຫຼວງ​ກາ​ຣາ​ກາ​​ສ ເມື່ອ​ວັນ​ທີ 12 ກັນຍາ​ນີ້ ໃນ​ການ​ເດີນທາງ​ໄປ​ຢ້ຽມຢາມ​ຈີນ​ຢ່າງ​ເປັນ​ທາງ​ການ ເພື່ອ​ຊຸກຍູ້​ການ​ພົວພັນ ຮ່ວມ​ມື​ແບບ​ສອງ​ຝ່າຍ ພ້ອມ​ທັງ​ຊອກ​ຫາ​ຄວາມ​ສະໜັບສະໜູນ ຕໍ່​ແຜນການ​ຟື້ນ​ຟູ​ພື້ນຖານ​ເສດຖະກິດ ຊຶ່ງ​ລັດຖະບານ​ເວ​ເນ​ຊູ​ເອ​ລາ ພວມ​ດຳເນີນ​ການ​ຜັນ​ຂະຫຍາຍ​ເທື່ອ​ລະ​ກ້າວ​ຢູ່​ນັ້ນ.

    ປະທານາທິບໍດີ ມາ​ດູ​ໂຣ ກ່າວ​ຕໍ່​ຜູ້​ສື່​ຂ່າວ​ຢູ່​ໃນ​ສະໜາມ​ບິນ ມາຍ​ເກ​ເຕຍ ໃນ​ນະຄອນຫຼວງ ກາ​ຣາ​ກາ​​ສ ວ່າ​ນີ້​ເປັນ​ການ​ຢ້ຽມຢາມ​ທີ່ “ມີ​ຄວາມ​ຈຳເປັນ ຖືກ​ກັບ​ເວລາ ເປັນ​ຢ່າງ​ຍິ່ງ ແລະ​ມີ​ຄວາມ ຫວັງ​ອັນ​ໃຫຍ່​ຫຼວງ” ໂດຍ​ສອງ​ຝ່າຍ​ຈະ​ໄດ້​ຊຸກຍູ້​ຂໍ້​ຕົກລົງ​ໃໝ່ ຢູ່​ໃນ​ຂົງເຂດ​ເສດຖະກິດ ການ​ຄ້າ ພະລັງງານ ແລະ ການ​ເງິນ.

    ປະລິມານ​ສິນ​ເຊື່ອ​ຂອງ​ຈີນ ໃຫ້​ແກ່​ເວ​ເນ​ຊູ​ເອ​ລາ ເຮັດ​ໃຫ້​ເກີດ​ບ້ວງ​ໜີ້​ສິນ​ເຖິງ 60 ຕື້​ໂດ​ລາ ສະຫະລັດ ໂດຍ​ທີ່​ເວ​ເນ​ຊູ​ເອ​ລາ ສົ່ງ​ຄືນ​ດ້ວຍ​ນ້ຳມັນ ຊຶ່ງ​ເວລາ​ສູງ​ສຸດ​ມີ​ເຖິງ 500.000 ບາ​ເຣນ/ວັນ.

 

ຂ່າວທີ່ກ່ຽວຂ້ອງ