ຂ່າວຫຼ້າສຸດ

ຍົກນ້ຳໜັກລາວ ເດີນທາງໄປແຂ່ງຂັນເຝິກຊ້ອມຢູ່ ຍີ່ປຸ່ນ

85 13 ກ.ຍ. 2018 ວົງຈອນກີລາ
ຍົກນ້ຳໜັກລາວ ເດີນທາງໄປແຂ່ງຂັນເຝິກຊ້ອມຢູ່ ຍີ່ປຸ່ນ

    ທັບ​ນັກ­ກີ­ລາ​ຍົກ​ນ້ຳ­ໜັກ​ຄົນ​ພິ­ການ​ທີມ​ຊາດ​ລາວ ເດີນ­ທາງ​ໄປ​ເຝິກ­ອົບ­ຮົມ ແລະ ຮ່ວມ​ການ​ແຂ່ງ­ຂັນ​ກີ­ລາ​ຍົກ​ນ້ຳ­ໜັກ​ຄົນ​ພິ­ການ ລາຍ­ການ​ອາ­ຊີ-ໂອ​ຊີ​ເນຍ ໂອ​ເພັນ ແຊັມ​ປ້ຽນ​ຊິບ 2018 ຢູ່​ເມືອງ​ຄິ​ຕະ​ກີວ​ຊູ ແຂວງ​ຟຸ​ກຸ​ໂອະ​ກະ ປະ­ເທດ​ຍີ່­ປຸ່ນ ວັນ​ທີ 31 ສິງ­ຫາ-11 ກັນ­ຍາ 2018 ເຊິ່ງ​ນຳ­ພາ​ໂດຍ​ທ່ານ ສຸກ​ທະ­ວີ​ສອນ ຄູນ​ສີ​ປະ­ເສີດ ຄະ­ນະ​ກຳ­ມະ­ການ​ພາ​ຣາ​ແລມ​ປິກ​ແຫ່ງ​ຊາດ​ລາວ ຄູ​ເຝິກ​ກີ­ລາ​ຍົກ​ນ້ຳ­ໜັກ​ຄົນ​ພິ­ການ​ລາວ.

    ການ​ເດີນ­ທາງ​ໄປ​ປະ­ເທດ​ຍີ່­ປຸ່ນ​ຄັ້ງ​ນີ້ ເພື່ອ​ເຂົ້າ​ຮ່ວມ​ສ້າງ​ກິດ­ຈະ­ກຳ​ຮ່ວມ​ກັບ​ອົງ­ການ​ຄົນ​ພິ­ການ​ອາ­ຊີ ເພື່ອ​ການ​ພັດ­ທະ­ນາ (ADDP) ທັງ​ເປັນ​ການ​ໄປ​ເກັບ​ຕົວ​ເຝິກ­ຊ້ອມ​ຂອງ​ທ້າວ ເປຍ ເຫຼົາ​ພັກ­ດີ ນັກ­ກີ­ລາ​ຍົກ​ນ້ຳ­ໜັກ​ທີມ​ຊາດ​ລາວ ຮຸ່ນ​ນ້ຳ­ໜັກ 49 ກິ​ໂລ ທີ່​ກະ­ກຽມ​ເຂົ້າ​ຮ່ວມ​ແຂ່ງ­ຂັນ​ຍົກ​ນ້ຳ­ໜັກ ຄົນ​ພິ­ການ​ອາ­ຊີ-ໂອ​ຊີ​ເນຍ ໂອ​ເພັນ ແຊັມ​ປ້ຽນ​ຊິບ 2018 ຢູ່​ເມືອງ​ຄິ​ຕະ​ກີວ​ຊູ ກ່ອນ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ເອ​ຊຽນ ພາ​ຣາ​ເກມ ຄັ້ງ​ທີ 12 ຢູ່​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ວັນ​ທີ 6-13 ຕຸ­ລາ 2018.

    ສຳ­ລັບ ສປປ ລາວ ໄດ້​ສົ່ງ​ນັກ­ກີ­ລາ​ຄົນ​ພິ­ການ​ເຂົ້າ​ຮ່ວມ 4 ປະ­ເພດ​ກີ­ລາ​ຄື: ລອຍ­ນ້ຳ ແລ່ນ-ລານ ຍົກ​ນ້ຳ­ໜັກ ແລະ ໂກນ​ບານ​ຍິງ.

ຂ່າວທີ່ກ່ຽວຂ້ອງ