ຂ່າວຫຼ້າສຸດ

ລັດ ຄາ​ລີ​ຟໍ​ເນຍ ປະກາດ​ໃຊ້​ກົດໝາຍ​ວ່າ​ດ້ວຍ​ການ​ຫ້າມ​ເຈາະ​ສຳ​ຫຼວດ​ນ້ຳມັນ-ແກ​​ັສ​ແຫ່ງ​ໃໝ່

163 11 ກ.ຍ. 2018 ຂ່າວຕ່າງປະເທດ
ລັດ ຄາ​ລີ​ຟໍ​ເນຍ ປະກາດ​ໃຊ້​ກົດໝາຍ​ວ່າ​ດ້ວຍ​ການ​ຫ້າມ​ເຈາະ​ສຳ​ຫຼວດ​ນ້ຳມັນ-ແກ​​ັສ​ແຫ່ງ​ໃໝ່

     ເມື່ອ​ວັນ​ທີ 8 ກັນຍາ​ນີ້ ທ່ານ ເຈຣີ ບຣອນ ຜູ້​ວ່າການ​ລັດ​ຄາ​ລີ​ຟໍ​ເນຍ (ສ ອາ​ເມ​ຣິ​ກາ) ໄດ້​ລົງ​ນາມ​ປະກາດ​ໃຊ້​ກົດໝາຍ ເພື່ອ​ເກືອດ​ຫ້າມ​ການເຄື່ອນໄຫວ​ຂຸດ​ເຈາະ​ສຳ​ຫຼວດ ນ້ຳມັນ-ແກ​​ັສ ແຫ່ງ​ໃໝ່ ຢູ່​ໃນ​ເຂດ​ທະເລ​ນອກ​ຝັ່ງ​ທີ່​ຂຶ້ນ​ກັບ​ລັດ​ຄາ​ລີ​ຟໍ​ເນຍ.

    ຖະແຫຼງການ​ຈາກ​ຫ້ອງ​ວ່າການ​ຂອງ​ຜູ້​ວ່າການ​ລັດ​ດັ່ງກ່າວ ໃຫ້​ຮູ້​ວ່າ​ທ່ານ ເຈຣີ ບຣອນ ກໍ​ໄດ້​ຢືນຢັນ​ເຖິງ​ຫຼັກ​ໝັ້ນ​ຂອງ​ລັດ​ຄາ​ລີ​ຟໍ​ເນຍ ທີ່​ຄັດຄ້ານ​ຕໍ່​ແຜນການ​ຂອງ​ລັດຖະບານ​ກາງ ທີ່​ແນໃສ່ ເປີດ​ກວ້າງ​ການເຄື່ອນໄຫວ​ສຳ​ຫຼວດ ຂຸດ​ຄົ້ນ​ນ້ຳມັນ-ແກ​​ັສ ຢູ່​ໃນ​ເຂດ​ດິນ​ສາທາລະນະ ທີ່​ຂຶ້ນ​ກັບ ລັດ​ຄາ​ລີ​ຟໍ​ເນຍ ນັ້ນ​ນຳ​ອີກ.

    ກົດໝາຍ​ດັ່ງກ່າວ ເປັນ​ການ​ຫ້າມ​ຕໍ່​ສັນຍາ​ຕ່າງໆ ໃນ​ການ​ໃຫ້​ເຊົ່າ​ໃໝ່ ສຳລັບ​ບັນດາ​ໂຄງການ ກໍ່ສ້າງ​ພື້ນຖານ​ໂຄງ​ລ່າງ​ໃໝ່ ຊຶ່ງ​ພົວພັນ​ເຖິງ​ນ້ຳມັນ ແລະ​ອາຍ​ແກ​​ັສ ເຊັ່ນ​ທໍ່​ສົ່ງ ຫຼື​ຢູ່​ໃນ​ຂອບ​ເຂດ ເຂດ​ທະເລ​ຂອງ​ລັດ​ຄາ​ລີ​ຟໍ​ເນຍ ຖ້າ​ຫາ​ກວ່າ​ລັດຖະບານ​ກາງ ໃຫ້​ອະນຸຍາດ​ໃນ​ໂຄງການ​ໃຫ້​ເຊົ່າ​ໃໝ່ ທີ່​ຮັບ​ໃຊ້​ໃຫ້​ແກ່​ການ​ເຈາະ​ສຳ​ຫຼວດ.

    ເມື່ອ​ຕົ້ນ​ປີ​ນີ້ ອຳນາດ​ການ​ປົກຄອງ​ຂອງ​ປະທານາທິບໍດີ ໂດ​ນາ​​ລ ທຣຳ ໄດ້​ປະກາດ​ແຜນການ ສະບັບ​ໜຶ່ງ ໃນ​ການ​ນຳ​ສະເໜີ​ໃຫ້​ເຈາະ​ສຳ​ຫຼວດ​ນ້ຳມັນ-ແກ​​ັສ ຢູ່​ໃນ​ເຂດ​ທະເລ​ຂອງ ສ ອາ​ເມ​ຣິ​ກາ ເກືອບ​ທັງ​ໝົດ. ຕາມ​ນັ້ນແລ້ວ​ກໍ​ແມ່ນ ລັດຖະບານ​ສະເໜີ​ຈ່າວ​ປະມູນ​ການ​ສຳ​ຫຼວດ​ຂຸດ​ຄົ້ນ​ນ້ຳມັນ-ແກ​​ັສ ຢູ່​ນອກ​ຝັ່ງ​ທະເລ​ຈຳນວນ 47 ຈຸດ ໃນ​ກຳນົດ​ເວລາ 5 ປີ ພ້ອມ​ກັນ​ນັ້ນ​ກໍ​ຂຸດ​ຄົ້ນ 98% ຂອງ​ປະລິມານ ນ້ຳມັນ ແລະ ອາຍ​ແກ​​ັສ ທີ່​ສະ​ສົມ​ຢູ່​ໃນ​ທະເລ​ຕ່າງໆ ທີ່​ຂຶ້ນ​ກັບ​ການ​ຄຸ້ມ​ຄອງ​ຂອງ​ອຳນາດ​ການ​ປົກຄອງ ສ່ວນ​ກາງ.

 

ຂ່າວທີ່ກ່ຽວຂ້ອງ