ຂ່າວຫຼ້າສຸດ

ເວ​ເນ​ຊູ​ເອ​ລາ ນຳ​ໃຊ້​ການ​ແລກປ່ຽນ​ເງິນ​ຢ່າງ​ເສລີ​ໃນ​ທົ່ວ​ປະເທດ

234 11 ກ.ຍ. 2018 ຂ່າວຕ່າງປະເທດ
ເວ​ເນ​ຊູ​ເອ​ລາ ນຳ​ໃຊ້​ການ​ແລກປ່ຽນ​ເງິນ​ຢ່າງ​ເສລີ​ໃນ​ທົ່ວ​ປະເທດ

   ເມື່ອ​ບໍ່​ດົນ​ມາ​ນີ້ ລັດຖະບານ​ເວ​ເນ​ຊູ​ເອ​ລາ ໄດ້​ໃຊ້​ມາດ​ຕະການ​ໂຍະຍານ​ລະບົບ​ການ ຄຸ້ມ​ຄອງ​ເງິນຕາ ຊຶ່ງ​ໄດ້​ປະຕິບັດ​ຢ່າງ​ເຂັ້ມ​ງວດ​ມາ​ເປັນ​ເວລາ 15 ປີ​ທີ່​ຜ່ານ​ມາ ທັງ​ນີ້​ກໍ​ເພື່ອ​ເປັນ​ການ ຊຸກຍູ້​ການເຄື່ອນໄຫວ​ໃນ​ການ​ຜະລິດ ໂດຍ​ທ່ານ ຊີ​ມອນ ເຊ​ປາ ລັດຖະມົນຕີ​ເສດຖະກິດ ແລະ ການ​ເງິນ​ເວ​ເນ​ຊູ​ເອ​ລາ ເວົ້າ​ວ່າ ລະບົບ​ການ​ແລກປ່ຽນ​ເງິນຕາ ຈະ​ໄດ້​ຖືກ​ນຳ​ໃຊ້​ຢູ່​ໃນ​ທົ່ວ​ປະເທດ.

   ທ່ານ ຊີ​ມອນ ເຊ​ປາ ເວົ້າ​ວ່າ ຈາກ​ການ​ດັດແກ້​ດັ່ງກ່າວ ບັນດາ​ບຸກຄົນ ແລະ ວິ​ສາ​ຫະ​ກິດ ສາມາດ​ຊື້​ເອົາ​ເງິນຕາ​ຕ່າງປະເທດ ຜ່ານ​ທະນາຄານ​ຂອງ​ພາກ​ເອກະ​ຊົນ ແລະ ຈຸດ​ແລກປ່ຽນ​ເງິນ​ແຫ່ງ ຕ່າງໆ ແທນ​ທີ່​ຈະ​ຂຶ້ນ​ກັບ​ທະນາຄານ​ກາງ​ເວ​ເນ​ຊູ​ເອ​ລາ (BCV) ພຽງ​ແຫ່ງ​ດຽວ.

    ກ່ອນ​ໜ້າ​ນັ້ນ BCV ປະກາດ​ອັດຕາ​ແລກປ່ຽນ​ຢ່າງ​ເປັນ​ທາງ​ການ ຊຶ່ງ​ໄດ້​ລວມ​ຕົວ​ເປັນ​ໜຶ່ງ​ດຽວ ຂອງ​ເງິນ​ໂບ​ລີ​ວາ ອະທິປະ​ໄຕ ກັບ​ເງິນ​ໂດ​ລາ​ສະຫະລັດ ແລະ ເງິນ​ເອີ​ໂຣ ຊຶ່ງ​ຕາມ​ນັ້ນແລ້ວ ຄ່າ​ຂອງ​ເງິນ​ໂດ​ລາ​ສະຫະລັດ ຢູ່​ໃນ​ລະບົບ​ການ​ແລກປ່ຽນ​ເງິນຕາ​ຕ່າງປະເທດ (Dicom) ຈະ​ຢູ່​ທີ່ 60 ໂບ​ລີ​ວາ ອະທິປະ​ໄຕ/1 ໂດ​ລາ​ສະຫະລັດ ແລະ 68,65 ໂບ​ລີ​ວາ ອະທິປະ​ໄຕ/1 ເອີ​ໂຣ.

 

ຂ່າວທີ່ກ່ຽວຂ້ອງ