ຂ່າວຫຼ້າສຸດ

ນາຍົກລັດຖະມົນຕີ ຕ້ອນຮັບຄະນະຜູ້ແທນ ສ ເກົາຫຼີ

236 11 ກ.ຍ. 2018 ຂ່າວໜ້າ​ໜຶ່ງ
ນາຍົກລັດຖະມົນຕີ ຕ້ອນຮັບຄະນະຜູ້ແທນ ສ ເກົາຫຼີ

    ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ຕ້ອນ­ຮັບ​ການ​ເຂົ້າ​ຢ້ຽມ​ຄຳ­ນັບ​ຂອງ​ທ່ານ​ນາງ ປາກ ຊຸນ ຈາ ກຳ­ມະ­ການ​ຄະ­ນະ​ປະ­ຈຳ ປະ­ທານ​ກຳ­ມາ​ທິ​ການ​ໂຍ­ທາ​ທິ​ການ-ຂົນ­ສົ່ງ ປະ­ທານ​ຄະ­ນະ​ມິດ­ຕະ­ພາບ ລັດ​ຖະ​ສະ­ພາ ສ ເກົາ­ຫຼີ-ລາວ ພ້ອມ​ດ້ວຍ​ຄະ­ນະ ໃນ​ວັນ​ທີ 10 ກັນ­ຍາ 2018 ຢູ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ເນື່ອງ​ໃນ​ໂອ­ກາດ​ທີ່​ທ່ານ​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ວັນ​ທີ 8-11 ກັນ­ຍາ 2018.

    ໂອ­ກາດ​ນີ້ ທ່ານ ທອງ​ລຸນ ສີ​ສຸ​ລິດ ກໍ່​ໄດ້​ສະ­ແດງ​ຄວາມ​ຍິນ​ດີ​ຕ້ອນ­ຮັບ​ຊົມ­ເຊີຍ ແລະ ຕີ​ລາ​ສູງ​ຕໍ່​ທ່ານ​ນາງ ປາກ ຊຸນ ຈາ ທີ່​ໄດ້​ນຳ­ພາ​ຄະ­ນະ​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ໃນ​ຄັ້ງ​ນີ້ ເຊິ່ງ​ເປັນ​ການ​ປະ­ກອບ­ສ່ວນ​ສຳ­ຄັນ ໃນ​ການ​ຮັດ​ແໜ້ນ​ສາຍ​ພົວ­ພັນ​ຮ່ວມ​ມື​ຮອບ­ດ້ານ ໂດຍ​ສະ­ເພາະ ໃນ​ການ​ພົບ​ປະ​ແລກ­ປ່ຽນ​ບົດ­ຮຽນ ຊ່ວຍ­ເຫຼືອ​ເຊິ່ງ​ກັນ ແລະ ກັນ ໃນ​ວຽກ​ງານ​ຕ່າງໆ ລະ­ຫວ່າງ​ສອງ​ຄະ­ນະ​ມິດ­ຕະ­ພາບ ລັດ​ຖະ​ສະ­ພາ ລາວ-ສ ເກົາ­ຫຼີ ໃຫ້​ແຕກ​ດອກ​ອອກ​ຜົນ.

    ທ່ານ​ນາງ ປາກ ຊຸນ ຈາ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ທ່ານ ທອງ​ລຸນ ສີ​ສຸ​ລິດ ທີ່​ໄດ້​ໃຫ້​ກຽດ​ສະ­ຫຼະ​ເວ­ລາ​ຕ້ອນ­ຮັບ​ຢ່າງ​ອົບ​ອຸ່ນ​ໃນ​ຄັ້ງ​ນີ້ ພ້ອມ​ທັງ​ແຈ້ງ​ຈຸດ­ປະ­ສົງ​ໃນ​ການ​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ໃຫ້​ທ່ານ​ນາ­ຍົກ­ລັດ­ຖະ­ມົນ­ຕີ​ຊາບ ພ້ອມ​ນີ້ ຍັງ​ຢືນ­ຢັນ​ຈະ​ສືບ­ຕໍ່​ເສີມ​ຂະ­ຫຍາຍ​ສາຍ​ພົວ­ພັນ ແລະ ການ​ຮ່ວມ​ມື​ໃຫ້​ແໜ້ນ​ແຟ້ນ​ຍິ່ງ​ຂຶ້ນ.

   ວັນ​ດຽວ​ກັນ​ນີ້ ທີ່​ສະ­ພາ​ແຫ່ງ​ຊາດ ຄະ­ນະ​ຜູ້​ແທນ ສ ເກົາ­ຫຼີ ຍັງ​ໄດ້​ເຂົ້າ​ຢ້ຽມ​ຄຳ­ນັບ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ຕື່ມ​ອີກ.

ຂ່າວທີ່ກ່ຽວຂ້ອງ