ຂ່າວຫຼ້າສຸດ

ສ ເກົາຫຼີ ມອບລົດດັບເພີງ ແລະ ລົດໂຮງໝໍ ໃຫ້ ສປປ ລາວ

284 11 ກ.ຍ. 2018 ຂ່າວໜ້າ​ໜຶ່ງ
ສ ເກົາຫຼີ ມອບລົດດັບເພີງ ແລະ ລົດໂຮງໝໍ ໃຫ້ ສປປ ລາວ

    ໃນ​ໂອ­ກາດ​ທີ່​ຄະ­ນະ​ຜູ້​ແທນ​ຄະ­ນະ​ມິດ­ຕະ­ພາບ​ລັດ​ຖະ​ສະ­ພາ ສ ເກົາ­ຫຼີ-ລາວ ນຳ​ໂດຍ​ທ່ານ​ນາງ ປາກ ຊຸນ ຈາ ກຳ­ມະ­ການ​ຄະ­ນະ​ປະ­ຈຳ ປະ­ທານ​ກຳ­ມາ​ທິ​ການ​ໂຍ­ທາ​ທິ​ການ ແລະ ຂົນ­ສົ່ງ ປະ­ທານ​ຄະ­ນະ​ມິດ­ຕະ­ພາບ​ລັດ​ຖະ​ສະ­ພາ ສ ເກົາ­ຫຼີ-ລາວ ໄດ້​ເດີນ­ທາງ​ເຄື່ອນ​ໄຫວ​ເຮັດ​ວຽກ​ຢູ່ ສປປ ລາວ ແຕ່​ວັນ​ທີ 8-11 ກັນ­ຍາ 2018 ໃນ​ວັນ​ທີ 10 ກັນ­ຍາ 2018 ຢູ່​ສະ­ພາ​ແຫ່ງ​ຊາດ ທ່ານ​ນາງ ປາກ ຊຸນ ຈາ ພ້ອມ​ດ້ວຍ​ຄະ­ນະ ໄດ້​ມອບ​ລົດ​ດັບ​ເພີງ ແລະ ລົດ​ຮັບ​ສົ່ງ​ຄົນ​ເຈັບ ໃຫ້​ທ່ານ ສົມ​ພູ ດວງ​ສະ­ຫວັນ ປະ­ທານ​ຄະ­ນະ​ມິດ­ຕະ­ພາບ​ລັດ​ຖະ​ສະ­ພາ ລາວ-ສ ເກົາ­ຫຼີ ພ້ອມ​ນີ້ ທ່ານ ສົມ​ພູ ດວງ​ສະ­ຫວັນ ກໍ່​ໄດ້​ຕາງ­ໜ້າ​ໃຫ້​ລັດ­ຖະ­ບານ​ລາວ ປະ­ດັບ​ຫຼຽນ​ພັດ­ທະ­ນາ ແລະ ມອບ​ໃບ​ຍ້ອງ­ຍໍ​ໃຫ້​ທ່ານ​ນາງ ປາກ ຊຸນ ຈາ ເພື່ອ​ສະ­ແດງ​ຄວາມ​ຍ້ອງ­ຍໍ​ສັນ​ລະ​ເສີມ​ຕໍ່​ຜູ້​ທີ່​ມີ​ຜົນ­ງານ​ດີ­ເດັ່ນ ກໍ່​ຄື ຜູ້​ທີ່​ໄດ້​ປະ­ກອບ­ສ່ວນ​ພັດ­ທະ­ນາ​ຊ່ວຍ­ເຫຼືອ​ສັງ­ຄົມ.

    ລວມ​ມູນ​ຄ່າ​ເຄື່ອງ​ຊ່ວຍ­ເຫຼືອ​ທີ່​ນຳ​ມາ​ມອບ​ໃນ​ຄັ້ງ​ນີ້ ມີ​ລົດ​ດັບ​ເພີງ 2 ຄັນ ແລະ ລົດ​ໂຮງ­ໝໍ 1 ຄັນ ພ້ອມ​ອຸ­ປະ­ກອນ ລວມ​ມູນ​ຄ່າ 177.000 ໂດ​ລາ​ສະ­ຫະ­ລັດ ຫຼື ປະ­ມານ 1,5 ຕື້​ກີບ ເຊິ່ງ​ຈະ​ນຳ­ໄປ​ມອບ​ຕໍ່­ໃຫ້​ແຂວງ​ວຽງ​ຈັນ ເພື່ອ​ນຳ­ໄປ​ຮັບ​ໃຊ້​ປະ­ຊາ­ຊົນ ກໍ່​ຄື ຮັບ​ໃຊ້​ສັງ­ຄົມ​ໃຫ້​ໄດ້​ຮັບ​ຜົນ​ປະ­ໂຫຍດ​ສູງ​ສຸດ.

ຂ່າວທີ່ກ່ຽວຂ້ອງ