ຂ່າວຫຼ້າສຸດ

ນະຄອນຫຼວງວຽງຈັນ ມີ 124 ບ້ານ ໄດ້ຮັບຜົນກະທົບຈາກໄພນ້ຳຖ້ວມ

405 11 ກ.ຍ. 2018 ຂ່າວໜ້າ​ໜຶ່ງ
ນະຄອນຫຼວງວຽງຈັນ ມີ 124 ບ້ານ ໄດ້ຮັບຜົນກະທົບຈາກໄພນ້ຳຖ້ວມ

    ອີງ​ຕາມ​ບົດ​ສະ­ຫຼຸບ​ສັງ​ລວມ​ຜົນ​ເສຍ​ຫາຍ​ເບື້ອງ​ຕົ້ນ ຈາກ​ໄພ­ພິ­ບັດ​ນ້ຳ​ຖ້ວມ​ທົ່ວ​ນະ­ຄອນ­ຫຼວງ​ວຽງ​ຈັນ (ນວ) ວັນ​ທີ 19/8-10/9/2018 ຂອງ​ພະ​ແນກ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ນວ ໃຫ້​ຮູ້­ເມື່ອ​ບໍ່​ດົນ​ມາ​ນີ້​ວ່າ: ທົ່ວ ນວ ມີ​ປະ­ຊາ­ຊົນ​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ 5 ເມືອງ ມີ 124 ບ້ານ 6.000 ກວ່າ​ຄົນ ໃນ​ນີ້ ເມືອງ​ສີ​ໂຄດ​ຕະ­ບອງ 4 ບ້ານ 512 ຄອບ­ຄົວ 2.518 ຄົນ ປະ­ຊາ­ຊົນ​ຖືກ​ຍົກ­ຍ້າຍ 356 ຄອບ­ຄົວ 1.772 ຄົນ ໃນ​ນີ້ ຍົກ­ຍ້າຍ​ໄປ​ຢູ່​ໂຮງ­ຮຽນ 419 ຄົນ ຢູ່​ນຳ​ພີ່­ນ້ອງ 220 ຄອບ­ຄົວ 1.353 ຄົນ ນ້ຳ​ບາ​ດານ​ເສຍ​ຫາຍ 2 ບໍ່ ນ້ຳ­ສ້າງ 57 ບໍ່ ວິດ­ຖ່າຍ 375 ແຫ່ງ ໜອງ​ປາ 25,2 ເຮັກ­ຕາ ນາ​ເຂົ້າ 84,9 ເຮັກ­ຕາ ພືດ​ຜັກ 150,2 ເຮັກ­ຕາ ລວມ​ເນື້ອ­ທີ່​ເສຍ​ຫາຍ 260,3 ເຮັກ­ຕາ.

    ເມືອງ​ປາກ​ງື່ມ 16 ບ້ານ ໃນ​ນີ້ ບ້ານ​ທີ່​ຖືກ​ຕັດ­ຂາດ 4 ບ້ານ 364 ຄອບ­ຄົວ 3.954 ຄົນ ປະ­ຊາ­ຊົນ​ຖືກ​ຍົກ­ຍ້າຍ 139 ຄອບ­ຄົວ 468 ຄົນ ຍົກ­ຍ້າຍ​ໄປ​ຢູ່​ໂຮງ­ຮຽນ 468 ຄົນ ເສັ້ນ­ທາງ​ເປ່​ເພ 5 ເສັ້ນ ລວມ​ເນື້ອ­ທີ່​ເສຍ​ຫາຍ 7.602 ເຮັກ­ຕາ ເມືອງ​ນາ​ຊາຍ​ທອງ 13 ບ້ານ ໃນ​ນີ້ ບ້ານ​ທີ່​ຖືກ​ຕັດ­ຂາດ 1 ບ້ານ 478 ຄອບ­ຄົວ 2.049 ຄົນ ປະ­ຊາ­ຊົນ​ຖືກ​ຍົກ­ຍ້າຍ 167 ຄອບ­ຄົວ 716 ຄົນ ໃນ​ນີ້ ຍົກ­ຍ້າຍ​ໄປ​ຢູ່​ໂຮງ­ຮຽນ 15 ຄອບ­ຄົວ 111 ຄົນ ຢູ່​ນຳ​ພີ່­ນ້ອງ 152 ຄອບ­ຄົວ 605 ຄົນ ລວມ​ເນື້ອ­ທີ່​ເສຍ​ຫາຍ 2.592,5 ເຮັກ­ຕາ.

    ເມືອງ​ໄຊ​ທາ­ນີ 60 ບ້ານ ໃນ​ນີ້ ບ້ານ​ທີ່​ຖືກ​ຕັດ­ຂາດ 15 ບ້ານ 3.857 ຄອບ­ຄົວ 18.225 ຄົນ ປະ­ຊາ­ຊົນ​ຖືກ​ຍົກ­ຍ້າຍ 1.298 ຄອບ­ຄົວ 6.501 ຄົນ ໃນ​ນີ້ ຍົກ­ຍ້າຍ​ໄປ​ຢູ່​ໂຮງ­ຮຽນ 865 ຄອບ­ຄົວ 3.781 ຄົນ ຢູ່​ນຳ​ພີ່­ນ້ອງ 433 ຄອບ­ຄົວ 2.720 ຄົນ ເສັ້ນ­ທາງ​ເປ່​ເພ 17 ເສັ້ນ ລວມ​ເນື້ອ­ທີ່​ເສຍ​ຫາຍ 4.159 ເຮັກ­ຕາ ເມືອງ​ຫາດ​ຊາຍ​ຟອງ 19 ບ້ານ 374 ຄອບ­ຄົວ 1.231 ຄົນ ຍິງ 625 ຄົນ ໂຮງ­ຮຽນ​ທີ່​ຖືກ​ນ້ຳ​ຖ້ວມ 8 ແຫ່ງ ເສັ້ນ­ທາງ​ເປ່​ເພ 4 ເສັ້ນ ລວມ​ເນື້ອ­ທີ່​ເສຍ​ຫາຍ 1.480,5 ເຮັກ­ຕາ ເມືອງ​ສັງ​ທອງ 12 ບ້ານ 20 ຄອບ­ຄົວ 80 ຄົນ ຖືກ​ຍົກ­ຍ້າຍ​ໄປ​ຢູ່​ນຳ​ພີ່­ນ້ອງ 20 ຄອບ­ຄົວ 80 ຄົນ ລວມ​ທັງ​ໝົດ 193,6 ເຮັກ­ຕາ.

ຂ່າວທີ່ກ່ຽວຂ້ອງ