ອິນ​ເດຍ - ຝຣັ່ງ ຈະ​ຮ່ວມ​ມື​ໃນ​ພາລະກິດ​ນຳ​ເອົາ​ມະນຸດ​ຂຶ້ນ​ສູ່​ອາ​ວະ​ກາດ

145 10 ກ.ຍ. 2018 ຂ່າວຕ່າງປະເທດ
ອິນ​ເດຍ - ຝຣັ່ງ ຈະ​ຮ່ວມ​ມື​ໃນ​ພາລະກິດ​ນຳ​ເອົາ​ມະນຸດ​ຂຶ້ນ​ສູ່​ອາ​ວະ​ກາດ

    ສຳນັກ​ຂ່າວສານ PTI ຂອງ​ອິນ​ເດຍ ລາຍ​ງານ​ວ່າ ເມື່ອ​ວັນ​ທີ 6 ກັນຍາ​ນີ້ ອິນ​ເດຍ ແລະ​ຝຣັ່ງ ໄດ້​ເປີດ​ໂຕ​ກຸ່ມ​ປະຕິບັດ​ງານ​ເພື່ອ​ພາລະກິດ Gaganyaan ຊຶ່ງ​ເປັນ​ພາລະກິດ ນຳ​ເອົາ​ມະນຸດ​ຂຶ້ນ​ສູ່​ອາ​ວະ​ກາດ​ລາຍ​ທຳ​ອິດ ຂອງ​ອົງການ​ຄົ້ນຄວ້າ​ອາ​ວະ​ກາດ​ອິນ​ເດຍ (ISRO) ໂດຍ​ແມ່ນ​ນາຍົກລັດຖະມົນຕີ​ອິນ​ເດຍ ນາ​ເຣນ​ດຣາ ໂມ​ດີ ປະກາດ​ອອກ​ມາ​ໃນ​ໂອກາດ​ວັນ​ເອກະລາດ ຂອງ​ອິນ​ເດຍ ເມື່ອ​ເດືອນ​ທີ່​ຜ່ານ​ມາ.

    ທ່ານ ເຈນ ອີ​ເວ​​ສ ເລີ ກາ​​ລ ປະທານ​ອົງການ​ອາ​ວະ​ກາດ​ຝຣັ່ງ (CNES) ໄດ້​ຖະແຫຼງ ຄື​ດັ່ງກ່າວ ຢູ່​ໃນ​ງານ​ຕະຫຼາດນັດ ວາງສະແດງ​ດ້ານ​ອາ​ວະ​ກາດ ເບນ​ກາ​ລູ​ຣູ (Bengaluru) ຄັ້ງ​ທີ 6.

    ອິນ​ເດຍ​ມີ​ແຜນການ​ວ່າ ກ່ອນ​ປີ 2022 ຈະ​ນຳ​ເອົາ​ນັກ​ບິນ​ອາ​ວະ​ກາດ 3 ຄົນ ຂຶ້ນ​ເມືອ ຍັງ​ອາ​ວະ​ກາດ. ພາລະກິດ​ຂອງ ISRO ມີ​ຄວາມ​ໝາຍ​ສຳຄັນ ເພາະວ່າ​ມັນ​ຈະ​ຊ່ວຍ​ໃຫ້​ອິນ​ເດຍ ກາຍເປັນ​ໜຶ່ງ​ໃນ​ສີ່​ປະເທດ​ໃນ​ໂລກ ຖັດ​ຈາກ​ຣັດ​ເຊຍ ສ ອາ​ເມ​ຣິ​ກາ ແລະ ຈີນ ທີ່​ສາມາດ​ດຳເນີນ ຖ້ຽວ​ບິນ​ທີ່​ມີ​ມະນຸດ​ຂັບ​ຂີ່ ເຂົ້າ​ສູ່​ຮ່ວງ​ອາ​ວະ​ກາດ.

    ທ່ານ ກາ​​ລ ເວົ້າ​ວ່າ ISRO ແລະ CNES ຈະ​ປະສານ​ສົມ​ທົມ​ດ້ານ​ປະສົບ​ການ​ຂອງ​ຕົນ ໃນ​ຂົງເຂດ​ແພດສາດ​ຢູ່​ໃນ​ຮ່ວງ​ອາກາດ ການ​ຕິດຕາມ​ສຸຂະພາບ​ຂອງ​ນັກ​ບິນ ການ​ໃຫ້ການ​ຄາດ​ຄະເນ ກ່ຽວ​ກັບ​ກຳ​ມັນ​ຕະ​ພາບ​ລັງສີ ການ​ປ້ອງ​ກັນ​ໄວ້​ກ່ອນ​ກັບ​ສິ້ນ​ສ່ວນ​ທີ່​ແຕກ​ຢູ່​ໃນ​ອາ​ວະ​ກາດ ການ​ຊ່ວຍເຫຼືອ​ການ​ດຳລົງ​ຊີວິດ ແລະ ລະບົບ​ອະນາໄມ​ສ່ວນ​ບຸກຄົນ. ການ​ຮ່ວມ​ມື​ກ່ຽວ​ກັບ​ຮ່ວງ​ອາກາດ ລະຫວ່າງ​ຝຣັ່ງ ກັບ​ອິນ​ເດຍ ຍັງ​ລວມ​ໄປ​ເຖິງ​ຂົງເຂດ​ການ​ຕິດຕາມ​ສະພາບ​ດິນ​ຟ້າ​ອາກາດ ແລະ ສອງ​ຝ່າຍ​ຍັງ​ມີ​ແຜນການ​ຊອກ​ຮູ້​ກ່ຽວ​ກັບ​ດວງ​ດາວ​ຕ່າງໆ​ອີກ​ດ້ວຍ.

 

ຂ່າວທີ່ກ່ຽວຂ້ອງ