ອິນເດຍ - ອາເມຣິກາ ໃຫ້ສັນຍາຮ່ວມມືຕ້ານການກໍ່ການຮ້າຍ

116 10 ກ.ຍ. 2018 ຂ່າວຕ່າງປະເທດ
ອິນເດຍ - ອາເມຣິກາ ໃຫ້ສັນຍາຮ່ວມມືຕ້ານການກໍ່ການຮ້າຍ

    ການເຈລະຈາ "2+2" ເທື່ອທຳອິດລະຫວ່າງອິນເດຍ ກັບ ສ ອາເມຣິກາ ໄດ້ສິ້ນສຸດລົງ ເມື່ອວັນທີ 6 ກັນຍານີ້ ໂດຍໄດ້ອອກຖະແຫຼງການຮ່ວມ ຊຶ່ງໃນນັ້ນ ສອງຝ່າຍໄດ້ເຫັນດີ ເປັນເອກະສັນກັນ ໃນການເພີ່ມທະວີຄວາມພະຍາຍາມ ວ່າດ້ວຍການແບ່ງປັນຂໍ້ມູນຂ່າວສານ ກ່ຽວກັບຜູ້ກໍ່ການຮ້າຍ ການສົ່ງມອບບັນດາມືປືນກໍ່ການຮ້າຍຕ່າງປະເທດ ພ້ອມທັງໃຫ້ສັນຍາເພີ່ມທະວີ ການຮ່ວມມື ຢູ່ໃນບັນດາເວທີປາໄສແບບຫຼາຍຝ່າຍ ເຊັ່ນອົງການສະຫະປະຊາຊາດ ໃຫ້ການສະໜັບ ສະໜູນສົນທິສັນຍາຮອບດ້ານຂອງສະຫະປະຊາຊາດ ກ່ຽວກັບການຕ້ານການກໍ່ການຮ້າຍສາກົນ ດັ່ງນີ້ເປັນຕົ້ນ.

    ໃນຖະແຫຼງການຮ່ວມດັ່ງກ່າວ ລັດຖະມົນຕີການຕ່າງປະເທດ ແລະລັດຖະມົນຕີປ້ອງກັນ ປະເທດຂອງອິນເດຍ ແລະ ສ ອາເມຣິກາ ("2+2") ໄດ້ໃຫ້ສັນຍາເຖິງການຮ່ວມມື ໃນບັນດາ ບັນຫາຂອງພາກພື້ນ ແລະທົ່ວໂລກ ພາຍໃຕ້ຮູບການແບບສອງຝ່າຍ ຫຼາຍຝ່າຍ ແລະ ສີ່ຝ່າຍ. ສອງຝ່າຍກໍໄດ້ຕົກລົງສ້າງສາຍທາງຕິດຕໍ່ທີ່ປອດໄພ ລະຫວ່າງສອງກະຊວງຕ່າງປະເທດ ແລະ ປ້ອງ ກັນປະເທດຂອງສອງປະເທດ ເພື່ອຊ່ວຍຮັກສາການຕິດຕໍ່ລະດັບສູງຢ່າງເປັນປະຈໍາ ກ່ຽວກັບການ ຜັນແປສຸກເສີນ.

    ຖະແຫຼງການຮ່ວມ ກໍໄດ້ໃຫ້ສັນຍາເປີດກວ້າງການຮ່ວມມື ແລະ ດຳເນີນການແລກປ່ຽນ ລະຫວ່າງກອງບັນຊາການສູນກອງກຳລັງກອງທັບເຮືອຂອງ ສ ອາເມຣິກາ (NAVCENT) ກັບກອງທັບເຮືອອິນເດຍ ກໍຄືເພີ່ມທະວີການຮ່ວມມືຢູ່ໃນທະເລ ໃນເຂດຕາເວັນຕົກ ຂອງມະຫາສະໝຸດ ອິນເດຍ.

 

ຂ່າວທີ່ກ່ຽວຂ້ອງ