ຂ່າວຫຼ້າສຸດ

ຟີ​ລິບ​ປິນ - ອິດ​ສະ​ຣາ​ແອນ ເຫັນ​ດີ​ສ້າງ​ໂຮງງານ​ຜະລິດ​ອາວຸດ​ຢູ່​ໃນ​ຟີ​ລິບ​ປິນ

261 10 ກ.ຍ. 2018 ຂ່າວຕ່າງປະເທດ
ຟີ​ລິບ​ປິນ - ອິດ​ສະ​ຣາ​ແອນ ເຫັນ​ດີ​ສ້າງ​ໂຮງງານ​ຜະລິດ​ອາວຸດ​ຢູ່​ໃນ​ຟີ​ລິບ​ປິນ

     ຂ່າວສານ​ຊິນ​ຮວາ ລາຍ​ງານ​ວ່າ ທ່ານ ຣາ​ມອນ ໂລ​ເປ​​ສ ລັດຖະມົນຕີ​ການ​ຄ້າ​ຂອງ​ຟີ​ລິບ​ປິນ ແຈ້ງ​ໃຫ້​ຮູ້ເມື່ອ​ວັນ​ທີ 5 ກັນຍາ​ນີ້​ວ່າ ບໍລິສັດ​ຜະລິດ​ປືນ  EMTAN Karmiel Ltd ຂອງ ອິດ​ສະ​ຣາ​ແອນ ໄດ້​ລົງ​ນາມ​ຂໍ້​ຕົກລົງ​ດ້ານ​ເຕັກນິກ​ສະບັບ​ໜຶ່ງ​ກັບ​ກຸ່ມ​ບໍລິສັດ Armscor Global Defense ຂອງ​ຟີ​ລິບ​ປິນ ເພື່ອ​ສ້າງຕັ້ງ​ໂຮງງານ​ແຫ່ງ​ໜຶ່ງ ຢູ່​ໃນ​ຟີ​ລິບ​ປິນ.

    ທ່ານ ໂລ​ເປ​​ສ ຊີ້​ແຈງ​ວ່າ ສອງ​ບໍລິສັດ​ດັ່ງກ່າວ ໄດ້​ລົງ​ນາມ​ຂໍ້​ຕົກລົງ​ທາງ​ດ້ານ ເຕັກນິກ​ສະບັບ​ໜຶ່ງ ເພື່ອ​ສ້າງຕັ້ງ​ພື້ນຖານ​ການ​ຜະລິດ​ອາວຸດ ຢູ່​ໃນ​ທ້ອງຖິ່ນ​ຕາມ​ໃບ​ອະນຸຍາດ​ຂອງ EMTAN Karmiel Ltd.

    ບົດ​ບັນທຶກ​ຊ່ວຍ​ຈຳ​ດັ່ງກ່າວ ເປັນ​ໜຶ່ງ​ໃນ​ບັນດາ​ຂໍ້​ຕົກລົງ​ທີ່​ໄດ້​ຮັບ​ການ​ລົງ​ນາມ ໂດຍ​ໄດ້​ຮັບ ການ​ຮັບປະກັນ​ຢູ່​ໃນ​ຂອບ​ການ​ຢ້ຽມຢາມ​ອິດ​ສະ​ຣາ​ແອນ ຢ່າງ​ເປັນ​ທາງ​ການ ຂອງ​ປະທານາທິບໍດີ ຟີ​ລິບ​ປິນ ໂຣດ​ຣີ​ໂກ ດູ​ເຕີ​ເຕ ແຕ່​ວັນ​ທີ 2-5 ກັນຍາ​ທີ່​ຜ່ານ​ມາ. ທ່ານ ໂລ​ເປ​​ສ ໃຫ້​ຮູ້​ຕື່ມ​ວ່າ ໃນ​ການ​ຢ້ຽມຢາມ​ດັ່ງກ່າວ ໄດ້​ນຳ​ມາ​ຊຶ່ງ​ການ​ລົງທຶນ​ຂອງ​ອິດ​ສະ​ຣາ​ແອນ ຢູ່​ໃນ​ຟີ​ລິບ​ປິນ ເປັນ​ຍອດ ມູນ​ຄ່າ 82,9 ລ້ານ​ໂດ​ລາ​ສະຫະລັດ.

 

ຂ່າວທີ່ກ່ຽວຂ້ອງ