ຫວຽດນາມ - ຣັດ​ເຊຍ ລົງ​ນາມ​ເອກະສານ​ການ​ຮ່ວມ​ມື​ຫຼາຍ​ສະບັບ

236 10 ກ.ຍ. 2018 ຂ່າວຕ່າງປະເທດ
ຫວຽດນາມ - ຣັດ​ເຊຍ ລົງ​ນາມ​ເອກະສານ​ການ​ຮ່ວມ​ມື​ຫຼາຍ​ສະບັບ

      ຂ່າວສານ​ຫວຽດນາມ ລາຍ​ງານ​ວ່າ ໃນ​ຂອບ​ການ​ຢ້ຽມຢາມ​ຣັດ​ເຊຍ ຢ່າງ​ເປັນ​ທາງ​ການ​ນັ້ນ ທ່ານ​ເລຂາທິການ​ໃຫຍ່​ພັກ​ກອມ​ມູ​ນິດ​ຫວຽດນາມ ຫງວ​​ຽນ​ຟູ້​ຈ້ອງ ແລະ ​ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ໄດ້​ເຂົ້າ​ຮ່ວມ​ເປັນ​ສັກຂີ​ພິຍານ ໃນ​ພິທີ​ລົງ​ນາມ​ເອກະສານ​ການ​ຮ່ວມ​ມື​ຫຼາຍ​ສະບັບ ລະຫວ່າງ​ສອງ​ປະເທດ ຊຶ່ງ​ມີ​ຂຶ້ນ​ໃນ​ວັນ​ທີ 6 ກັນຍາ​ນີ້ ຢູ່​ທີ່​ນະຄອນ ໂຊ​ຈີ ໃນ​ເຂດ​ແຄມ​ຝັ່ງ ທະເລ​ດຳ​ຂອງ​ຣັດ​ເຊຍ.

    ບັນດາ​ເອກະສານ​ການ​ຮ່ວມ​ມື​ດັ່ງກ່າວ ປະກອບ​ມີ ສັນຍາ​ລະຫວ່າງ​ລັດຖະບານ​ຫວຽດນາມ ກັບ​ລັດຖະບານ​ຣັດ​ເຊຍ ກ່ຽວ​ກັບ​ການ​ຮ່ວມ​ມື​ໃນ​ຂົງເຂດ​ຮັບປະກັນ​ຄວາມ​ສະຫງົບ ດ້ານ​ຂໍ້​ມູນ​ຂ່າວສານ ສາກົນ; ອະນຸ​ສັນຍາ​ສະບັບ​ດັດແກ້ ເພີ່​​ມ​ເຕີມ ກ່ຽວ​ກັບ​ສູນ​ເຂດ​ຮ້ອນ ຫວຽດນາມ - ຣັດ​ເຊຍ; ຂໍ້​ຕົກລົງ​ຮ່ວມ​ມື ລະຫວ່າງ​ກະຊວງ​ສາທາລະນະ​ສຸກ​ຫວຽດນາມ ກັບ​ອົງການ​ກ່ຽວ​ກັບ​ການ​ຕິດຕາມ ກວດກາ ປົກ​ປ້ອງ​ສິດທິ​ຂອງ​ຜູ້​ບໍລິໂພກ​ຂອງ​ຣັດ​ເຊຍ (Rospotrenadzor) ແລະ ​ການ​ຮັບປະກັນ ຄວາມ​ປອດ​ໄພ​ດ້ານ​ອະນາໄມ; ບົດ​ບັນທຶກ​ຊ່ວຍ​ຈຳ​ກ່ຽວ​ກັບ​ການ​ຮ່ວມ​ມື ລະຫວ່າງ​ທະນາຄານ​ແຫ່ງ​ລັດ ຫວຽດນາມ ກັບ​ທະນາຄານ​ກາງ​ຣັດ​ເຊຍ ກ່ຽວ​ກັບ​ການ​ແລກປ່ຽນ​ຂໍ້​ມູນ​ຂ່າວສານ ແລະ​ການ​ຮ່ວມ​ມື ໃນ​ຂົງເຂດ​ການ​ຕິດຕາມ​ກວດກາ​ລະບົບ​ການ​ຊຳລະ​ສະ​ສາງ ບົດ​ບັນທຶກ​ຊ່ວຍ​ຈຳ ລະຫວ່າງ​ກະຊວງ ສຶກ​ສາ ແລະ ​ບຳລຸງ​ສ້າງ​ຂອງ​ຫວຽດນາມ ກັບ​ກຸ່ມ​ບໍລິສັດ Rosatom ຂອງ​ຣັດ​ເຊຍ ກ່ຽວ​ກັບ​ການ ບຳລຸງ​ສ້າງ​ຊັບພະຍາກອນ​ມະນຸດ ໃນ​ຂົງເຂດ​ພະລັງງານ​ປາ​ລາມາ​ນູ ເພື່ອ​ເປົ້າ​ໝາຍ​ສັນຕິພາບ ຕະຫຼອດ​ຮອດ​ເອກະສານ​ການ​ຮ່ວມ​ມື​ອື່ນໆ​ອີກ​ຫຼາຍ​ສະບັບ.

 

ຂ່າວທີ່ກ່ຽວຂ້ອງ