ຂ່າວຫຼ້າສຸດ

ນາຍົກລັດຖະມົນຕີ ລົງກວດກາການປ່ອຍນ້ຳເຂື່ອນໄຟຟ້ານ້ຳງື່ມ 1 ແລະ 2

266 10 ກ.ຍ. 2018 ຂ່າວໜ້າ​ໜຶ່ງ

    ໃນ​ຕອນ​ບ່າຍ​ຂອງ​ວັນ​ທີ 6 ກັນ­ຍາ 2018 ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ ພ້ອມ​ດ້ວຍ​ຄະ­ນະ ໄດ້​ລົງ​ຕິດ­ຕາມ​ກວດ­ກາ ແລະ ຢ້ຽມ­ຢາມ​ສະ­ພາບ​ນ້ຳ​ຖ້ວມ​ຢູ່​ເມືອງ​ທຸ­ລະ­ຄົມ ແຂວງ​ວຽງ​ຈັນ ໃນ​ໂອ­ກາດ​ດຽວ​ກັນ ທ່ານ​ນາ­ຍົກ­ລັດ­ຖະ­ມົນ­ຕີ ຍັງ​ໄດ້​ລົງ​ກວດ­ກາ​ສະ­ພາບ​ການ​ປ່ອຍ​ນ້ຳ​ອອກ​ຈາກ​ເຂື່ອນ​ໄຟ­ຟ້າ​ນ້ຳ​ງື່ມ 1 ໂດຍ​ທ່ານ​ໄດ້​ເນັ້ນ​ບັນ­ດາ​ວິ­ຊາ​ການ ຊ່ຽວ­ຊານ ແລະ ຜູ້​ທີ່​ຮັບ­ຜິດ­ຊອບ​ເຂື່ອນ​ດັ່ງ­ກ່າວ ຈົ່ງ​ພ້ອມ​ກັນ​ເອົາ­ໃຈ­ໃສ່​ກວດ­ກາ ແລະ ຕິດ­ຕາມ​ສະ­ພາບ​ການ​ຂຶ້ນ​ລົງ​ຂອງ​ນ້ຳ ແລະ ໃຫ້​ປະ­ສານ​ສົມ­ທົບ​ກັບ​ເຂື່ອນ​ໄຟ­ຟ້າ​ນ້ຳ​ງື່ມ 2 ໃນ​ການ​ບໍ­ລິ­ຫານ​ຈັດ­ການ​ນ້ຳ​ໃນ​ເຂື່ອນ ເປັນ­ຕົ້ນ ການ​ປ່ອຍ​ນ້ຳ​ອອກ​ຈາກ​ເຂື່ອນ​ດັ່ງ­ກ່າວ ເຮັດ​ແນວ­ໃດ ເພື່ອ​ບໍ່​ໃຫ້​ມັນ​ສົ່ງ​ຜົນ​ກະ­ທົບ​ຕໍ່​ຊັບ​ສິນ ແລະ ຊີ­ວິດ​ຂອງ​ປະ­ຊາ­ຊົນ ທ່ານ​ຍັງ​ເນັ້ນ​ຕື່ມ ໃຫ້​ບັນ­ດາ​ວິ­ຊາ​ການ ແລະ ຊ່ຽວ­ຊານ ຕ້ອງ​ເຂັ້ມ​ງວດ​ໃນ​ການ​ກວດ­ກາ ແລະ ມີ​ຄວາມ​ຮັບ­ຜິດ­ຊອບ ເພື່ອ​ກຽມ​ຊ່ວຍ­ເຫຼືອ​ປະ­ຊາ­ຊົນ​ໃນ​ເວ­ລາ​ເກີດ​ເຫດ­ການ​ວິ​ກິດ.

    ທ່ານ ບົວ​ວັນ ຈັນ​ສະ​ຫວັດ ຜູ້­ອຳ­ນວຍ­ການ ບໍ­ລິ­ສັດ​ນ້ຳ​ງື່ມ 1 ໄດ້​ກ່າວ​ວ່າ: ເຂື່ອນ​ໄຟ­ຟ້າ​ນ້ຳ​ງື່ມ 1 ໄດ້​ປ່ອຍ​ນ້ຳ​ອອກ​ຈາກ​ເຂື່ອນ​ເປັນ​ຄັ້ງ​ທີ 3 ເຊິ່ງ​ນັບ​ແຕ່​ການ​ເປີດ​ນຳ​ໃຊ້​ໃນ​ປີ 1968 ບໍ່​ເຄີຍ​ມີ​ເຫດ­ການ​ນ້ຳ​ຖ້ວມ ຈົນ​ມາ​ຮອດ​ປີ 1995 ແລະ 2010 ໄດ້​ເກີດ​ມີ​ພາ­ຍຸ​ເຂົ້າ​ມາ​ແບບ​ຮຸນ​ແຮງ ແລະ ຝົນ­ຕົກ​ຕິດ­ຕໍ່​ກັນ​ຫຼາຍ​ວັນ ເຮັດ​ໃຫ້​ນ້ຳ​ໃນ​ເຂື່ອນ​ເພີ່ມ​ຂຶ້ນ​ກວ່າ​ປົກ­ກະ­ຕິ ຈຶ່ງ​ໄດ້​ມີ​ການ​ປ່ອຍ​ນ້ຳ​ອອກ​ຈາກ​ເຂື່ອນ ແລະ ປີ​ນີ້ ກໍ່​ເປັນ​ປີ​ໜຶ່ງ​ທີ່​ເກີດ​ເຫດ­ການ​ນ້ຳ​ຖ້ວມ​ຢ່າງ​ຮຸນ​ແຮງ​ເຊັ່ນ​ກັບ​ຄັ້ງ​ກ່ອນໆ.

    ເຂື່ອນ​ໄຟ­ຟ້າ​ນ້ຳ​ງື່ມ 2 ໄດ້​ເລີ່ມ​ເປີດ​ປະ­ຕູ​ນ້ຳ​ລົ້ນ ໃນ​ຕົ້ນ​ເດືອນ​ສິງ­ຫາ ໃນ​ລະ­ດັບ​ຄວາມ​ສູງ​ປະ­ຕູ​ເປີດ 1,20m ມີ​ປະ­ລິ­ມານ​ນ້ຳ​ໄຫຼ​ຜ່ານ 625 ແມັດ​ກ້ອນ​ຕໍ່​ວິ­ນາ­ທີ ແລະ ມາ​ເຖິງ​ທ້າຍ​ເດືອນ​ສິງ­ຫາ ກໍ່​ໄດ້​ເປີດ​ປະ­ຕູ​ນ້ຳ​ລົ້ນ​ຂຶ້ນ​ສູງ​ສຸດ​ໃນ​ລະ­ດັບ​ຄວາມ​ສູງ ປະ­ຕູ​ເປີດ 3,60m ມີ​ປະ­ລິ­ມານ​ນ້ຳ​ໄຫຼ​ຜ່ານ Qs 1.988 Qt 435 ກວ່າ​ແມັດ​ກ້ອນ​ຕໍ່​ວິ­ນາ­ທີ ລວມ​ການ​ລະ­ບາຍ​ນ້ຳ­ຂອງ​ເຂື່ອນ​ນ້ຳ​ງື່ມ 22.423 ກວ່າ​ແມັດ​ກ້ອນ​ຕໍ່​ວິ­ນາ­ທີ ເຊິ່ງ​ປັດ­ຈຸ­ບັນ​ເຂື່ອນ​ໄຟ­ຟ້າ​ນ້ຳ​ງື່ມ 2 ຍັງ​ເປີດ​ປະ­ຕູ​ນ້ຳ​ລົ້ນ 90 ຊັງ​ຕີ​ແມັດ ມີ​ປະ­ລິ­ມານ​ນ້ຳ​ໄຫຼ​ຜ່ານ Qs 510 ແມັດ​ກ້ອນ​ຕໍ່​ວິ­ນາ­ທີ Qt 439 ກວ່າ​ແມັດ​ກ້ອນ​ຕໍ່ 1 ວິ­ນາ­ທີ ລວມ​ການ​ລະ­ບາຍ​ນ້ຳ­ຂອງ​ເຂື່ອນ 949 ກວ່າ​ແມັດ​ກ້ອນ​ຕໍ່ 1 ວິ­ນາ­ທີ ເຊິ່ງ​ເຮັດ​ໃຫ້­ການ​ປ່ອຍ​ນ້ຳ​ອອກ​ຈາກ​ເຂື່ອນ​ລົງ​ສູ່​ເຂື່ອນ​ນ້ຳ​ງື່ມ 1 ຫຼາຍ​ທີ່​ສຸດ​ເກີນ​ປົກ­ກະ­ຕິ ນັບ​ແຕ່​ພາ­ຍຸ​ເຂົ້າ​ເກືອບ 2 ພັນ​ລ້ານ​ແມັດ​ກ້ອນ ນອກ­ຈາກ​ນີ້ ຍັງ​ມີ​ນ້ຳ​ຈາກ​ເຂື່ອນ​ນ້ຳ​ງື່ມ 5 ນ້ຳ​ໄຜ່ ນ້ຳ​ຊອງ ລີກ ແລະ ນ້ຳ​ທຳ​ມະ​ຊາດ​ອື່ນໆ ເຮັດ​ໃຫ້​ນ້ຳ​ໄຫຼ​ເຂົ້າ​ອ່າງ­ເກັບ­ນ້ຳ​ຕ່າງໆ ນັບ​ແຕ່​ເດືອນ​ກໍ­ລະ­ກົດ​ມີ​ນ້ຳ​ໄຫຼ​ເຂົ້າ​ເກືອບ 90% ສຳ­ລັບ​ເຂື່ອນ​ນ້ຳ​ງື່ມ 1 ແມ່ນ​ເລີ່ມ​ເປີດ​ປະ­ຕູ​ນ້ຳ​ລົ້ນ​ແຕ່​ວັນ​ທີ 12 ສິງ­ຫາ 2018 ໃນ​ລະ­ດັບ​ຄວາມ​ສູງ​ປະ­ຕູ​ນ້ຳ 0,40m ມີ​ປະ­ລິ­ມານ​ນ້ຳ​ໄຫຼ​ຜ່ານ 148,5 ແມັດ​ກ້ອນ​ຕໍ່​ວິ­ນາ­ທີ ຕໍ່​ມາ​ໃນ​ວັນ​ທີ 4 ກັນ­ຍາ 2018 ເຂື່ອນ​ດັ່ງ­ກ່າວ ໄດ້​ເປີດ​ປະ­ຕູ​ນ້ຳ​ລົ້ນ​ຂຶ້ນ​ສູງ​ສຸດ ໃນ​ລະ­ດັບ​ຄວາມ​ສູງ​ປະ­ຕູ​ເປີດ 4,50m ລວມ​ການ​ລະ­ບາຍ​ນ້ຳ­ຂອງ​ເຂື່ອນ 2.247,6 ກວ່າ​ແມັດ​ກ້ອນ​ຕໍ່​ວິ­ນາ­ທີ ເຊິ່ງ​ປັດ­ຈຸ­ບັນ ເຂື່ອນ​ດັງ​ກ່າວ​ໄດ້​ລະ­ບາຍ​ນ້ຳ​ອອກ​ຈາກ​ເຂື່ອນ 2.080,3 ແມັດ​ກ້ອນ​ຕໍ່​ວິ­ນາ­ທີ ເຊິ່ງ​ໄດ້​ຫຼຸດ​ການ​ປ່ອຍ​ນ້ຳ​ຈາກ​ເຂື່ອນ​ຈາກ 2.250 ແມັດ​ກ້ອນ​ຕໍ່​ວິ­ນາ­ທີ ມາ​ເປັນ 1.900 ແມັດ​ກ້ອນ​ຕໍ່​ວິ­ນາ­ທີ.

    ພ້ອມ​ກັນ​ນີ້ ທ່ານ ບົວ​ວັນ ຈັນ​ສະ​ຫວັດ ຢືນ­ຢັນ​ວ່າ: ເຂື່ອນ​ດັ່ງ­ກ່າວ ເປັນ​ເຂື່ອນ​ຄອນ​ກຣີດ ໂຄງ​ສ້າງ​ໄດ້​ມາດ­ຕະ­ຖານ ບໍ່​ແມ່ນ​ປະ­ເພດ​ເຂື່ອນ​ດິນ ຈຶ່ງ​ຮັບ­ປະ­ກັນ​ວ່າ ເຂື່ອນ​ຈະ​ບໍ່​ມີ​ຮອຍ​ແຫງ ຫຼື ແຕກ​ຫັກ​ງ່າຍ​ຢ່າງ​ແນ່­ນອນ.

ຂ່າວທີ່ກ່ຽວຂ້ອງ