ຂ່າວຫຼ້າສຸດ

ເພີ່ມ​ຄວາມ​ຮູ້ ກ່ຽວ​ກັບ​ອັກເສບ​ຕັບ B-C ຊຳ​ເຮຶ້ອ ແລະ ຄູ່​ມື​ການ​ປິ່ນປົວ

107 10 ກ.ຍ. 2018 ຫົວຂໍ້ຂ່າວອື່ນໆ
ເພີ່ມ​ຄວາມ​ຮູ້ ກ່ຽວ​ກັບ​ອັກເສບ​ຕັບ B-C ຊຳ​ເຮຶ້ອ ແລະ ຄູ່​ມື​ການ​ປິ່ນປົວ

    ກະຊວງ​ສາທາລະນະ​ສຸກ ຮ່ວມ​ກັບ ສູນ​ວິໄຈ​ພະຍາດ​ຊຶມ​ເຊື້ອ ລາວ-ຄຣິ​ສຕົຟ ເມ​ຣິ​ເອີ ຈັດ​ກອງ​ປະຊຸມ​ສຳ​ມະ​ນາ​ລະດັບ​ຂົງເຂດ​ອາຊີ​ລຸ່ມ​ແມ່ນ້ຳ​ຂອງ ກ່ຽວ​ກັບ​ພະຍາດ​ອັກເສບ​ຕັບ ໃນ​ຫົວຂໍ້: ການ​ກຳຈັດ​ພະຍາດ​ອັກເສບ​ຕັບ​ແມ່ນ​ໃຊ້​ເວລາ​ຍາວ​ນານ ຂຶ້ນ​ວັນ​ທີ 5-6 ກັນຍາ 2018 ທີ່​ໂຮງແຮມ​ຄຣາວ​ພລາ​ຊາ ໃຫ້​ກຽດ​ເປັນ​ປະທານ​ຂອງ​ທ່ານ ເນົາ ບຸດຕາ ຫົວໜ້າ​ຫ້ອງການ ກະຊວງ​ສາທາລະນະ​ສຸກ ມີ​ຕາງໜ້າ​ຈາກ​ນະຄອນຫຼວງ ແລະ ຕ່າງ​ແຂວງ 16 ແຂວງ ທົ່ວ​ປະເທດ ຕາງໜ້າ​ຈາກ​ປະເທດ​ໄທ ມຽນ​ມາ ກຳປູເຈຍ ຫວຽດນາມ ເນ​ປານ ອິນ​ເດຍ ຟີ​ລິບ​ປິນ ສະຫະລັດ​ອາ​ເມ​ຣິ​ກາ  ຝຣັ່ງ ພ້ອມ​ດ້ວຍ​ຊ່ຽວຊານ​ຈາກ​ອົງ ແລະ ພາກ​ພື້ນ​ເຂົ້າ​ຮ່ວມ.

     ກອງ​ປະຊຸມ​ຄັ້ງ​ນີ້ ເພື່ອ​ໃຫ້​ຄວາມ​ຮູ້​ກ່ຽວ​ກັບ​ອັກເສບ​ຕັບ ບີ ແລະ ຊີ ຊຳ​ເຮຶ້ອ ພ້ອມ​ທັງ ຄູ່​ມື​ການ​ປິ່ນປົວ ໃນ​ລະດັບ​ຂົງເຂດ​ອາຊີ ແລະ ສາກົນ ແລະ ເພື່ອ​ປັບ​ໃຫ້​ເຂົ້າ​ກັບ​ສະພາບ​ຄວາມ​ເປັນ​ຈິງ​ຂອງ​ປະເທດ​ທີ່​ນອນ​ໃນ​ຂົງເຂດ​ດຽວ​ກັນ ທັງ​ເປັນ​ການ​ແລກປ່ຽນ​ປະສົບ​ການ ສົນທະນາ​ສິ່ງ​ທ້າ​ທາຍ ລະຫວ່າງ​ຜູ້​ເຂົ້າ​ຮ່ວມ ທີ່​ເປັນ​ທ່ານ ໝໍ​ປິ່ນປົວ ກັບ​ນັກ​ຄົ້ນຄວ້າ ແລະ ຊ່ຽວຊານ​ພະຍາດ​ອັກເສບ​ຕັບ ຈາກ​ຫຼາຍໆ​ສາຂາ ເພື່ອ​ການ​ແກ້​ໄຂ​ບັນຫາ​ຮ່ວມ​ກັນ​ຢ່າງ​ຖືກຕ້ອງ ເພື່ອ​ສົ່ງຕໍ່​ສິ່ງ​ທ້າ​ທາຍ ໃນ​ການ​ເຂົ້າ​ເຖິງ​ການ​ປິ່ນປົວ ທີ່​ເໝາະ​ສົມ​ໃຫ້​ແກ່​ຄົນ​ເຈັບ ທີ່​ມາ​ຈາກປະເທດ​ທີ່​ຍັງ​ມີ​ລາຍ​ຮັບ​ຕ່ຳ ເພື່ອ​ໃຫ້​ໄດ້​ເຂົ້າ​ເຖິງ​ຢາ​ປິ່ນປົວ​ທີ່​ມີ​ລາຄາ​ແພງ.

    ການ​ສຳ​ມະ​ນາ​ຄັ້ງ​ນີ້​ຜູ້​ເຂົ້າ​ຮ່ວມ​ແມ່ນ​ຈະ​ໄດ້​ຮຽນ​ຮູ້ ກ່ຽວ​ກັບ​ພະຍາດ​ອັກເສບ​ຕັບ ບີ ປະກອບ​ມີ 3 sessions: ຈະ​ເລີ່ມ​ຕົ້ນ​ດ້ວຍ​ການ​ອັບ​ເດດ ເລື່ອງ​ການ​ປິ່ນປົວ ຈາກ​ນັ້ນ​ແມ່ນການ​ກຳຈັດ​ພະຍາດ ແລະ ສົນທະນາ ເຊິ່ງ​ຈະ​ລວມ​ເອົາ​ຕົວ​ແທນ​ຂອງ​ແຕ່​ລະ​ປະເທດ ໃນ​ຂົງເຂດ​ເຂົ້າ​ຮ່ວມ ເພື່ອ​ສະເໜີ​ສະພາບ ແລະ ບັນຫາ​ທີ່​ມີ ເພື່ອ​ນຳໄປ​ສູ່​ການ​ແກ້​ໄຂ  ແລະ ການ​ສຶກ​ສາ​ກໍລະນີ​ຄົນ​ເຈັບ​ຕົວ​ຈິງ​ທີ່​ເອົາ cases ທີ່​ປິ່ນປົວ​ຢູ່​ໂຮງໝໍຕື່ມ​ອີກ.

 

ຂ່າວທີ່ກ່ຽວຂ້ອງ