ຂ່າວຫຼ້າສຸດ

ຫຼາຍເສັ້ນທາງຢູ່ 3 ເມືອງ ຖືກນໍ້າຖ້ວມຄວນຫຼີກລ່ຽງໄປນຳໃຊ້ເສັ້ນທາງອື່ນແທນ

288 10 ກ.ຍ. 2018 ຂ່າວໜ້າ​ໜຶ່ງ
ຫຼາຍເສັ້ນທາງຢູ່ 3 ເມືອງ ຖືກນໍ້າຖ້ວມຄວນຫຼີກລ່ຽງໄປນຳໃຊ້ເສັ້ນທາງອື່ນແທນ

    ອີງ​ຕາມ​ແຈ້ງ​ການ​ຂອງ​ພະ​ແນກ​ໂຍ­ທາ​ທິ​ການ ແລະ ຂົນ­ສົ່ງ ນະ­ຄອນ­ຫຼວງ​ວຽງ​ຈັນ ລົງ​ວັນ​ທີ 5 ກັນ­ຍາ 2018 ເຖິງ​ພະ­ນັກ­ງານ ທະ­ຫານ ຕຳ­ຫຼວດ ປະ­ຊາ­ຊົນ ກໍ່​ຄື ຜູ້­ນຳ​ໃຊ້​ເສັ້ນ­ທາງ​ໄດ້​ຊາບ​ວ່າ​ປັດ­ຈຸ­ບັນ ນ້ຳ​ງື່ມ​ໄດ້​ໜູນ​ຂຶ້ນ​ສູງ​ຖ້ວມ​ເສັ້ນ­ທາງ ແລະ ຂົວ​ຫຼາຍ​ຈຸດ​ໃນ​ເມືອງ​ໄຊ​ທາ­ນີ ນາ​ຊາຍ​ທອງ ແລະ ເມືອງ​ປາກ​ງື່ມ ເປັນ­ຕົ້ນ ເສັ້ນ­ທາງ​ເລກ​ທີ 10 ແຕ່​ທ່າ​ງ່ອນ​ຫາ​ເຂດ​ບ້ານ​ຫາດ​ກ້ຽງ ເສັ້ນ­ທາງ​ແຕ່​ບ້ານ​ທ່າ​ສະ­ຫວ່າງ-ບ້ານ​ເວີນ​ຄຳ ເສັ້ນ­ທາງ​ແຕ່​ບ້ານ​ອຸ­ດົມ​ຜົນ-ບ້ານ​ໂນນ​ແຕ້ ເສັ້ນ­ທາງ​ແຕ່​ນາ​ນົກ​ຂຸ້ມ-ບ້ານ​ນາ​ໄຊ ເມືອງ​ປາກ​ງື່ມ ເສັ້ນ­ທາງ​ແຕ່​ບ້ານ​ໂນນ​ແສງ​ຈັນ-ບ້ານ​ດົງ​ຊຽງ​ດີ ເສັ້ນ­ທາງ​ແຕ່​ບ້ານ​ໂນນ​ແສງ​ຈັນ-ບ້ານ​ຫ້ວຍ​ເຕີຍ-ເສັ້ນ­ທາງ​ເລກ 10 ບ້ານ​ໂນນ​ສະ­ອາດ ສ່ວນ​ຂົວ​ນ້ຳ​ໂຄນ (ທາງ​ເວີນ​ຄຳ) ເມືອງ​ໄຊ​ທາ­ນີ ຫ້າມ​ລົດ​ບັນ­ທຸກ​ໜັກ​ຜ່ານ ສະ­ນັ້ນ ຈຶ່ງ​ແຈ້ງ​ມາ​ຍັງ​ຜູ້​ໃຊ້​ຖະ­ໜົນ​ໃຫ້​ຮັບ​ຊາບ​ຖ້າ​ບໍ່​ຈຳ­ເປັນ ຄວນ​ຫຼີກ​ລ່ຽງ​ໄປ​ນຳ​ໃຊ້​ເສັ້ນ­ທາງ​ອື່ນ​ທີ່​ຮັບ­ປະ­ກັນ​ເພື່ອ​ຄວາມ​ປອດ​ໄພ.

    ສະ­ເພາະ​ເສັ້ນ­ທາງ​ໃນ​ເມືອງ​ໄຊ​ທາ­ນີ ທີ່​ນ້ຳ​ໄດ້​ໄຫຼ​ເຂົ້າ​ຖ້ວມ​ເຮັດ​ໃຫ້​ເກີດ​ຄວາມ​ຫຍຸ້ງ­ຍາກ​ໃນ​ການ​ເດີນ­ທາງ​ນັ້ນ ປະ­ກອບ​ມີ: ເສັ້ນ­ທາງ​ແຕ່​ທາງ​ເລກ 10 ບ້ານ​ໂພນ​ຄໍ້-ບ້ານ​ນາ​ຕານ ມີ​ຄວາມ​ຍາວ 32,5 ກິ­ໂລ­ແມັດ ນ້ຳ​ເລິກ​ປະ­ມານ 2 ແມັດ (ຈຸດ​ຖ້ວມ​ແຕ່​ບ້ານ​ດວງ​ບຸດ​ດີ-ບ້ານ​ນາ​ແຖ-ບ້ານ​ທ່າ​ດິນ​ແດງ​ເໜືອ ແລະ ແຕ່​ເວີນ​ແທ່ນ-ບ້ານ​ນາ​ຕານ) ບ້ານ​ນາ​ກຸງ ມີ​ຄວາມ​ຍາວ 4,7 ກິ­ໂລ­ແມັດ ຖ້ວມ​ຍາວ 1,3 ກິ­ໂລ­ແມັດ ເລິກ​ປະ­ມານ 1 ແມັດ ເສັ້ນ­ທາງ​ເລກ 10 ບ້ານ​ທ່າ​ສະ­ຫວ່າງ-ບ້ານ​ເວີນ​ຄຳ ໂຮງ­ຮຽນ​ຕ່ຳ​ຫຼວດ​ມີ​ຄວາມ​ຍາວ 8,6 ກິ­ໂລ­ແມັດ ຖ້ວມ​ຍາວ 400 ແມັດ ເລິກ​ປະ­ມານ 70 ຊັງ​ຕີ​ແມັດ (ຈຸດ​ທີ່​ຖ້ວມ​ແຕ່​ທາງ​ເລກ 10 ເລີ່ມ​ແຕ່​ຈຸດ​ຂົວ​ຫາ​ຄ້ອຍ​ເວີນ​ຄຳ) ເສັ້ນ­ທາງ​ຕານ​ມີ​ໄຊ-ໂນນ​ສະ­ອາດ ມີ​ຄວາມ​ຍາວ 11 ກິ­ໂລ­ແມັດ ຖ້ວມ​ຍາວ 1,5 ກິ­ໂລ­ແມັດ (ເຂດ​ບ້ານ​ໂນນ​ສະ­ອາດ-ບ້ານ​ຫ້ວຍ​ເຕີຍ) ເລິກ​ປະ­ມານ 0,8 ແມັດ ເສັ້ນ­ທາງ​ບ້ານ​ໄຊ​ຈະ­ເລີນ​ໄຊ ໂພນ​ໄຊ ທາງ​ໄປ​ແສນ​ດິນ ມີ​ຄວາມ​ຍາວ 8,5 ກິ­ໂລ­ແມັດ ຖ້ວມ​ຍາວ 1,5 ກິ­ໂລ­ແມັດ ເລິກ​ປະ­ມານ 1,5 ແມັດ (ຈຸດ​ທີ່​ຖ້ວມ​ເລີ່ມ​ແຕ່​ສົ້ນ​ບ້ານ​ໂພນ​ໄຊ ຫາ​ທາງ​ຕັດ​ໃໝ່​ບ້ານ​ແສນ​ດິນ) ແລະ ທາງ​ເຂົ້າ​ບ້ານ​ໜອງ​ໂນ ມີ​ຄວາມ​ຍາວ 3,7 ກິ­ໂລ­ແມັດ ຖ້ວມ​ຍາວ 2 ກິ­ໂລ­ແມັດ ເລິກ​ປະ­ມານ 2 ແມັດ ທາງ​ເຂົ້າ​ບ້ານ​ດວງ​ບຸດ​ດີ​ມີ​ຄວາມ​ຍາວ 4,2 ກິ­ໂລ­ແມັດ ຖ້ວມ​ທັງ​ໝົດ ເລິກ​ປະ­ມານ 1 ແມັດ ເສັ້ນ­ທາງ​ເຂົ້າ​ບ້ານ​ປາກ​ຊາບ​ເກົ່າ​ມີ​ຄວາມ​ຍາວ 2,1 ກິ­ໂລ­ແມັດ ຖ້ວມ​ຍາວ 500 ແມັດ ເລິກ​ປະ­ມານ 60 ຊັງ​ຕີ​ແມັດ (ຈຸດ​ທີ່​ຖ້ວມ​ແຕ່​ວັດ​ຫາດ​ບ້ານ​ວຽງ​ຄຳ) ເສັ້ນ­ທາງ​ແຕ່​ປາກ​ຊາບ​ໃໝ່-ນາ​ຂາວ​ມີ​ຄວາມ​ຍາວ 15,1 ກິ­ໂລ­ແມັດ ຖ້ວມ​ຍາວ 6,5 ກິ­ໂລ­ແມັດ (ຈຸດ​ທີ່​ຖ້ວມ​ສົ້ນ​ບ້ານ​ປາກ​ຊາບ​ໃໝ່-ບ້ານ​ສົມ​ສະ­ໄໝ ຫ້ວຍ​ແລ້ງ ບ້ານ​ດຸນ​ອ່ຽນ ສົ້ນ​ບ້ານ​ນາ​ຂາວ ຫາ​ຊາຍ​ແດນ​ເມືອງ​ປາກ​ງື່ມ) ເສັ້ນ­ທາງ​ແຕ່​ທາງ​ເລກ 10 ບ້ານ​ພູ​ຄຳ ທ່າ​ສົ້ມ­ມໍ ລາດ​ຄວາຍ ຍາວ 11 ກິ­ໂລ­ແມັດ ຖ້ວມ​ເລິກ (ຖ້ວມ​ແຕ່​ບ້ານ​ທ່າ​ສົ້ມ­ມໍ-ລາດ​ຄວາຍ ສຳ­ລັບ​ທ່າ​ສົ້ມ­ມໍ-ບ້ານ​ອຸ­ດົມ​ຜົນ ຍາວ 4 ກິ­ໂລ­ແມັດ ບໍ່​ສາ­ມາດ​ເດີນ­ທາງ​ຜ່ານ​ໄດ້) ແລະ ແຕ່​ເສັ້ນ­ທາງ​ເລກ 10 ລາດ​ຄວາຍ ໂນນ​ແຕ້ ນາ­ສາ​ລາ ມີ​ຄວາມ​ຍາວ 12,4 ກິ­ໂລ­ແມັດ ຖ້ວມ​ຍາວ 1.300 ແມັດ ເລິກ​ປະ­ມານ 1 ແມັດ (ຈຸດ​ທີ່​ຖ້ວມ​ບ້ານ​ລາດ​ຄວາຍ-ບ້ານ​ໂນນ​ແຕ້) ແລະ ໂຮງ­ຮຽນ​ຕຳ­ຫຼວດ​ເວີນ​ຄຳ-ຫ້ວຍ​ອີ­ເລີດ (ຊາຍ​ແດນ​ນາ​ຊາຍ​ທອງ) ມີ​ຄວາມ​ຍາວ 4 ກິ­ໂລ­ແມັດ ຖ້ວມ​ທັງ​ໝົດ ເລິກ​ປະ­ມານ 1,5 ແມັດ.

    ສຳ­ລັບ​ເສັ້ນ­ທາງ​ທີ່​ກ່າວ​ມາ​ຂ້າງ​ເທິງ​ນີ້ ບາງ​ເສັ້ນ­ທາງ​ລົດ­ຈັກ ລົດ​ຕ່ຳ ບໍ່​ສາ­ມາດ​ເດີນ­ທາງ​ໄປ​ໄດ້​ຕ້ອງ​ໄດ້​ນຳ​ໃຊ້​ລົດ​ໄຖ​ນາ​ເດີນ​ຕາມ ແລະ ເຮືອ​ໃນ​ການ​ຂົນ­ສົ່ງ ສະ­ນັ້ນ ຜູ້­ນຳ​ໃຊ້​ຖະ­ໜົນ​ຖ້າ​ບໍ່​ຈຳ­ເປັນ​ຄວນ​ຫຼີກ​ໄປ​ນຳ​ໃຊ້​ເສັ້ນ­ທາງ​ອື່ນ​ແທນ ເພື່ອ​ຄວາມ​ປອດ​ໄພ.

ຂ່າວທີ່ກ່ຽວຂ້ອງ