ຂ່າວຫຼ້າສຸດ

ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ຍີ່ປຸ່ນ ແລະ ຊີ​ເລ

203 07 ກ.ຍ. 2018 ຂ່າວຕ່າງປະເທດ
ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ຍີ່ປຸ່ນ ແລະ ຊີ​ເລ

    ອົງການ​ອຸຕຸນິຍົມ​ຂອງ​ຍີ່ປຸ່ນ ແຈ້ງ​ໃຫ້​ຮູ້​ວ່າ ໄດ້​ເກີດ​ເຫດການ​ແຜ່ນດິນ​ໄຫວ ໃນ​ຕອນ​ເຊົ້າ​ວັນ​ທີ 6 ກັນຍາ​ນີ້ ເບື້ອງ​ຕົ້ນ​ແທກ​ຄວາມ​ແຮງ​ສັ່ນ​ສະເທືອນ​ໄດ້ 6,7 ອົງສາ​ຣິກ​ເຕີ ເຮັດ​ໃຫ້​ເກີດ​ສັ່ນ​ສະ ເທືອນ​ຢູ່​ໃນ​ແຂວງ​ຮອກ​ໄກ​ໂດ (ພາກ​ເໜືອ​ຍີ່ປຸ່ນ). ຈຸດ​ສູນ​ກາງຂອງ​ດິນ​ໄຫວ​ເທື່ອ​ນີ້ ຢູ່​ໃນ​ລະດັບ​ເລິກ 40​ກມ.

    ຂ່າວ​ແຈ້ງວ່າ ຫຼັງ​ເກີດ​ເຫດການ​ແຜ່ນດິນ​ໄຫວ​ດັ່ງກ່າວ ກໍ​ໄດ້​ເກີດ​ເຫດການ​ດິນ​ເຈື່ອນ​ຕາມ​ມາ ຢ່າງ​ໜ້ອຍ 4 ລາຍ ເປັນ​ເຫດ​ໃຫ້​ເຮືອນ​ພັງ​ຖະ​ຫຼົ່ມ 6 ຫຼັງ ແລະ ​ເບື້ອງ​ຕົ້ນ​ມີ​ລາຍ​ງານ​ຜູ້​ເສຍ​ຊີວິດ 1 ຄົນ. ທາງ​ດ້ານ​ອົງການ​ໄຟຟ້າ​ຂອງ​ຮອກ​ໄກ​ໂດ ແຈ້ງ​ໃຫ້​ຮູ້​ວ່າ ມີ​ຫຼາຍ​ແສນ​ຄອບຄົວ​ບໍ່​ມີ​ໄຟຟ້າ​ໃຊ້ ຫຼັງ​ຈາກ​ເກີດ​ເຫດການ​ແຜ່ນດິນ​ໄຫວ.

    ໃນ​ຕອນ​ເຊົ້າ​ຂອງ​ວັນ​ທີ 6 ກັນຍາ​ນີ້​ເຊັ່ນ​ກັນ ກໍ​ໄດ້​ເກີດ​ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັ່ນ​ສະເທືອນ​ໄດ້ 5,1 ອົງສາ​ຣິກ​ເຕີ ເຮັດ​ໃຫ້​ເກີດ​ແຮງ​ສັ່ນ​ສະເທືອນ ຢູ່​ໃນ​ນະຄອນຫຼວງ ຊັງ​ຕີ​ອາ​ໂກ ແລະ ​ໃນ​ເຂດ​ພາກ​ກາງ​ປະເທດ ຊີ​ເລ. ຈຸດ​ສູນ​ກາງຂອງ​ແຜ່ນດິນ​ໄຫວ ເທື່ອ​ນີ້ ຢູ່​ໃນ​ລະດັບ​ເລິກ 125,6​ກມ ແລະ​ ຢູ່​ຫ່າງ​ຈາກ​ນະຄອນຫຼວງ ຊັງ​ຕີ​ອາ​ໂກ 100​ ກມ ໄປ​ທາງ​ທິດໃຕ້.

 

ຂ່າວທີ່ກ່ຽວຂ້ອງ