ຂ່າວຫຼ້າສຸດ

ສະພາ​ແຫ່ງ​ຊາດ​ກຳປູເຈຍ​ຊຸດ​ທີ VI ປະຊຸມ​ວາລະ​ທຳ​ອິດ

147 07 ກ.ຍ. 2018 ຂ່າວຕ່າງປະເທດ
ສະພາ​ແຫ່ງ​ຊາດ​ກຳປູເຈຍ​ຊຸດ​ທີ VI ປະຊຸມ​ວາລະ​ທຳ​ອິດ

    ສະພາ​ແຫ່ງ​ຊາດ​ກຳປູເຈຍ ຊຸດ​ທີ VI ໄດ້​ປະຊຸມ​ວາລະ​ທຳ​ອິດ​ໃນ​ວັນ​ທີ 5 ກັນຍາ​ນີ້ ພາຍ​ໃຕ້​ການ​ເປັນ​ປະທານ​ຂອງ​ກະສັດ ໂນ​ໂຣ​ດົມ ສີ​ຫາ​ໂມ​ນີ. ການ​ປະຊຸມ​ດັ່ງກ່າວ​ຈັດ​ຂຶ້ນ​ໄວ​ກວ່າ ເມື່ອ​ທຽບໃສ່​ຂໍ້​ກຳນົດ​ໃນ​ລັດ​ຖະ​ທຳ​ມະນູນ ທີ່​ໄດ້​ລະບຸ​ໄວ້​ວ່າ ຫຼັງ​ຈາກ 60 ວັນ ນັບ​ແຕ່​ມື້​ປ່ອນ​ບັດ ເລືອກ​ຕັ້ງ ສະພາ​ແຫ່ງ​ຊາດ​ຊຸ​ໃໝ່ ຕ້ອງ​ໄດ້​ປະຊຸມ​ເທື່ອ​ທຳ​ອິດ.

    ລາຍການ​ດຳເນີນ​ກອງ​ປະຊຸມ​ດັ່ງກ່າວ ປະກອບ​ມີ​ການ​ຮັບຮອງ​ບັນຊີ​ລາຍ​ຊື່​ສະມາຊິກ ລັດ​ຖະ​ສະພາ​ຊຸດ​ໃໝ່ ແລະ​ຂໍ້​ກຳນົດ​ການເຄື່ອນໄຫວ​ຂອງ​ສະພາ​ແຫ່ງ​ຊາດ​ຊຸດ​ໃໝ່. ໃນ​ການ​ປະຊຸມ ເທື່ອ​ທຳ​ອິດ​ນີ້ ສະພາ​ແຫ່ງ​ຊາດ​ກຳປູເຈຍ​ຊຸດ​ທີ VI ຈະ​ໄດ້​ປ່ອນ​ບັດ​ໄວ້​ວາງໃຈ​ຕໍ່​ສະມາຊິກ ຄະນະ​ລັດຖະບານ​ສະໄໝ​ທີ VI. ກ່ອນ​ໜ້າ​ນັ້ນ ເມື່ອ​ວັນ​ທີ 17 ສິງຫາ​ທີ່​ຜ່ານ​ມາ ກະສັດ​ໂນ​ໂຣ​ດົມ ສີ​ຫາ​ໂມ​ນີ ໄດ້​ລົງ​ນາມ​ລັດ​ຖະ​ດຳລັດ​ວ່າ​ດ້ວຍ​ການ​ແຕ່ງຕັ້ງ ສົມເດັດ ຮຸນ​ແຊນ ນາຍົກລັດຖະມົນຕີ​ສະໄໝ​ທີ V ທັງ​ເປັນ​ປະທານ​ພັກ​ປະຊາຊົນ​ກຳປູເຈຍ (ພັກ​ກຳ​ອຳນາດ) ໃຫ້​ສືບຕໍ່​ເປັນ​ນາຍົກລັດຖະມົນຕີ​ສະໄໝ​ທີ VI ໂດຍ​ມີ​ກຳນົດ 5 ປີ ຄື​ແຕ່​ປີ 2018-2023.

    ຫຼ້າ​ສຸດ ຂ່າວສານ​ຊິນ​ຮວາ ລາຍ​ງານ​ວ່າ ວັນ​ທີ 6 ກັນຍາ​ນີ້ ສະພາ​ແຫ່ງ​ຊາດ​ກຳປູເຈຍ ໄດ້​ຢັ້ງຢືນ​ວ່າ ສົມເດັດ ຮຸນ​ແຊນ (ອາຍຸ 67 ປີ) ເປັນ​ນາຍົກລັດຖະມົນຕີ​ໃນ​ອາຍຸ​ການ 5 ປີ ຕໍ່​ຈາກ​ນີ້ ຫຼັງ​ຈາກ​ທີ່​ພັກ​ປະຊາຊົນ​ກຳປູເຈຍ  ຍາດ​ໄດ້​ທີ່​ນັ່ງ​ທັງ​ໝົດ 125 ທີ່​ນັ່ງ ໃນ​ການ​ເລືອກ​ຕັ້ງ​ສະພາແຫ່ງ​ຊາດ ເມື່ອ​ເດືອນ​ກໍລະກົດ​ທີ່​ຜ່ານ​ມາ.

 

ຂ່າວທີ່ກ່ຽວຂ້ອງ