ຂ່າວຫຼ້າສຸດ

ນາຍົກລັດຖະມົນຕີ​ອົດ​ສະ​ຕຣາ​ລີ ຍົກເລີກ​ແຜນການ​ເພີ່ມ​ອາຍຸ​ຮັບ​ເບ້ຍ​ບຳນານ

177 07 ກ.ຍ. 2018 ຂ່າວຕ່າງປະເທດ
ນາຍົກລັດຖະມົນຕີ​ອົດ​ສະ​ຕຣາ​ລີ ຍົກເລີກ​ແຜນການ​ເພີ່ມ​ອາຍຸ​ຮັບ​ເບ້ຍ​ບຳນານ

      ທ່ານ ສະ​ກອດ ມໍ​ຣີ​ສັນ ນາຍົກລັດຖະມົນຕີ​ອົດ​ສະ​ຕຣາ​ລີ ກ່າວ​ຜ່ານ​ໂທລະພາບ​ຊ່ອງ  Channel Nine ໃນ​ວັນ​ທີ 5 ກັນຍາ​ນີ້ ໂດຍ​ໄດ້​ແຈ້ງ​ໃຫ້​ຮູ້​ເຖິງ​ການ​ຍົກເລີກ​ແຜນການ​ເພີ່ມ​ອາຍຸ ຮັບ​ເບ້ຍ​ບຳນານ​ຢູ່​ໃນ​ປະເທດ​ນີ້​ຈາກ 67 ປີ ຂຶ້ນ​ເປັນ 70 ປີ.

   ນັບ​ແຕ່​ປີ 2015 ເປັນຕົ້ນ​ມາ ອາຍຸ​ຜູ້​ຮັບ​ເບ້ຍ​ບຳນານ​ຢູ່​ໃນ​ອົດ​ສະ​ຕຣາ​ລີ ແມ່ນ​ໄດ້​ກຳນົດ​ໄວ້​ທີ່ 65 ປີ ແລະ ຫຼັງ​ຈາກ​ສອງ​ປີ​ໃດ ຈະ​ເພີ່ມ​ຂຶ້ນ​ອີກ 6 ເດືອນ (ໝາຍ​ຄວາມ​ວ່າ​ເພີ່ມ​ຂຶ້ນ 1 ປີ ຫຼັງ​ຈາກ 4 ປີ). ນາຍົກລັດຖະມົນຕີ ມໍ​ຣີ​ສັນ ເຫັນ​ວ່າ​ແຜນການ​ເພີ່ມ​ອາຍຸ​ຂອງ​ຜູ້​ຮັບ​ເບ້ຍ​ບຳນານ​ຂຶ້ນ​ເຖິງ 70 ປີ ນັ້ນ​ບໍ່​ມີ​ຄວາມ​ຈຳເປັນ​ໃນ​ປັດຈຸບັນ ແລະ ເມື່ອ​ອາຍຸ​ຮັບ​ເບ້ຍ​ບຳນານ​ຂຶ້ນ​ສູ່​ແດນ 67 ປີ ພາຍ​ໃນ​ປີ 2023 ກໍ​ຈະ​ໃຫ້​ຢຸດ​ຢູ່​ຈຸດ​ນັ້ນ.

    ທ່ານ ໂຈ ຮອກ​ເກ ລັດຖະມົນຕີ​ຄັງ​ເງິນ ຂອງ​ອົດ​ສະ​ຕຣາ​ລີ ໄດ້​ປະກາດ​ແຜນການ​ເພີ່ມ​ອາຍຸ ຜູ້​ຮັບ​ເບ້ຍ​ບຳນານ ແຕ່ 67 ປີ ຂຶ້ນ​ເປັນ 70 ປີ ນັ້ນ​ເມື່ອ​ປີ 2014 ເພື່ອ​ເປັນ​ການ​ຫຼຸດຜ່ອນ ຄວາມ​ກົດ​ດັນ ທີ່​ມີ​ຕໍ່​ກອງ​ທຶນ​ບຳນານ ທ່າມກາງ​ທີ່​ປະຊາກອນ​ຫັນ​ສູ່​ໄວ​ອາຍຸ​ສູງ.

 

ຂ່າວທີ່ກ່ຽວຂ້ອງ