ຂ່າວຫຼ້າສຸດ

EU ຕໍ່​ກຳນົດ​ການ​ປິດ​ລ້ອມ​ຣັດ​ເຊຍ ໄປ​ຕື່ມ​ອີກ 6 ເດືອນ

144 07 ກ.ຍ. 2018 ຂ່າວຕ່າງປະເທດ
EU ຕໍ່​ກຳນົດ​ການ​ປິດ​ລ້ອມ​ຣັດ​ເຊຍ ໄປ​ຕື່ມ​ອີກ 6 ເດືອນ

    ຂ່າວສານ ຣອຍ​ເຕີ ລາຍ​ງານ​ວ່າ ບັນດາ​ເຈົ້າ​ໜ້າທີ່​ການ​ທູດ ໃຫ້​ຮູ້​ວ່າ ບັນດາ​ຜູ້​ແທນ ຂອງ​ສະຫະພາບ​ເອີ​ຣົບ (EU) ໄດ້​ເຫັນ​ດີ​ເປັນ​ເອກະສັນ​ກັນ​ເມື່ອ​ວັນ​ທີ 5 ກັນຍາ​ນີ້ ກ່ຽວ​ກັບ​ການ​ຕໍ່​ກຳນົດ​ການ​ປິດ​ລ້ອມ​ຣັດ​ເຊຍ ໄປ​ຕື່ມ​ອີກ 6 ເດືອນ ໃນ​ເລື່ອງ​ທີ່​ກ່ຽວ​ກັບ​ກັບ​ການ ກ່າວ​ຫາ​ຣັດ​ເຊຍ ວ່າ​ເຮັດ​ໃຫ້​ສະພາບ​ການ​ຢູ່​ໃນ​ອູ​ແກຣນ​ຂາດ​ຄວາມ​ໝັ້ນຄົງ.

    ເຈົ້າ​ໜ້າທີ່​ການ​ທູດ​ຊີ້​ແຈງ​ວ່າ ບັນຊີ​ດຳ​ຂອງ EU ປະກອບ​ມີ​ບຸກຄົນ 154 ຄົນ ແລະ 44 ອົງ​ປະກອບ ຈະ​ຖືກ​ປະຕິ​ບລັດ​ຄຳ​ສັ່ງ​ຫ້າມ​ຂອງ EU ໃນ​ການ​ເດີນທາງ​ໄປ​ມາ ແລະ​ຖືກ​ປິດ​ຊັບ​ສິນ. ສ່ວນ​ທ່ານ ອາ​ເລັກ​ຊານ​ເດີ​​ຣ ຊາ​ຄາ​ເຈນ​ໂກ ຫົວໜ້າ​ຝ່າຍ​ແບ່ງ​ແຍກ​ດິນແດນ ຢູ່​ໃນ​ເຂດ​ພາກ​ຕາເວັນ ອອກ​ຂອງ​ອູ​ແກຣນ ຊຶ່ງ​ຖືກ​ສັງຫານ​ຢູ່​ໃນ​ເຫດການ​ລະເບີດ ທີ່​ເກີດ​ຂຶ້ນ​ຢູ່​ໃນ​ຮ້ານ​ກາເຟ​ແຫ່ງ​ໜຶ່ງ ເມື່ອ​​ອາ​ທິດ​ກ່ອນ ແມ່ນ​ໄດ້​ຖືກ​ລຶບ​ອອກ​ຈາກ​ບັນຊີ​ດັ່ງກ່າວ​ໄປ​ແລ້ວ.

    ສ່ວນ​ໃຫຍ່​ຂອງ​ບັນຊີ​ດັ່ງກ່າວ ແມ່ນ​ເປັນ​ພົນລະເມືອງ ແລະ​ບໍລິສັດ​ຂອງ​ຣັດ​ເຊຍ ຕະຫຼອດ​ຮອດ ບັນດາ​ບຸກຄົນ​ຂອງ​ອູ​ແກຣນ ທີ່​ໃຫ້ການ​ສະໜັບສະໜູນ​ຣັດ​ເຊຍ. ເຈົ້າ​ໜ້າທີ່​ການ​ທູດ ກໍ​ໃຫ້​ຮູ້​ວ່າ ການ​ຕົກລົງ​ຕໍ່​ກຳນົດ​ມາດ​ຕະການ​ປິດ​ລ້ອມ​ຕໍ່​ຣັດ​ເຊຍ ທີ່​ຄາດ​ວ່າ​ຈະ​ມີ​ໄປ​ຮອດ​ເດືອນ​ມີນາ​ປີໜ້າ​ນັ້ນ ຈະ​ໄດ້​ນຳ​ອອກ​ມາ​ປະກາດ​ພາຍ​ໃນ​ຫຼາຍ​ວັນ​ຂ້າງ​ໜ້າ​ນີ້.

 

ຂ່າວທີ່ກ່ຽວຂ້ອງ