ຂ່າວຫຼ້າສຸດ

ເຫດການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະຖານ

208 07 ກ.ຍ. 2018 ຂ່າວຕ່າງປະເທດ
ເຫດການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະຖານ

    ເຈົ້າ​ໜ້າທີ່​ອາ​ຟະ​ກາ​ນິດ​ສະຖານ ແຈ້ງ​ໃຫ້​ຮູ້ເມື່ອ​ວັນ​ທີ 5 ກັນຍາ​ນີ້​ວ່າ ໄດ້​ເກີດ​ເຫດການ ລະເບີດ​ຂຶ້ນ​ເປັນ​ເທື່ອ​ທີ​ສອງ ຢູ່​ໃນ​ສະໂມສອນ​ກິລາ​ແຫ່ງ​ໜຶ່ງ ໃນ​ເຂດ​ທິດຕາເວັນຕົກ​ນະຄອນຫຼວງ ກາ​ບູນ ຊຶ່ງ​ເກີດ​ຂຶ້ນ​ບໍ່​ພໍ​ເທົ່າໃດ​ນາທີ ຫຼັງ​ເກີດ​ເຫດການ​ໂຈມ​ຕີ​ສະລະ​ຊີບ​ຢູ່​ທີ່​ນັ້ນ. ຂ່າວ​ແຈ້ງວ່າ ມີ​ຜູ້​ເສຍ​ຊີວິດ ແລະ ບາດເຈັບ​ຫຼາຍ​ຄົນ​ຈາກ​ເຫດການ​ໂຈມ​ຕີ​ດັ່ງກ່າວ.

    ຫຼ້າ​ສຸດ ມີ​ລາຍ​ງານ​ຂ່າວ​ອອກ​ມາ​ເມື່ອ​ວັນ​ທີ 6 ກັນຍາ​ນີ້​ວ່າ ຈຳນວນ​ຜູ້​ເສຍ​ຊີວິດ ຢູ່​ໃນ​ເຫດການ​ຮຸນ​ແຮງ​ທັງ​ສອງ​ລາຍ​ນັ້ນ ເບື້ອງ​ຕົ້ນ​ມີ​ຢ່າງ​ໜ້ອຍ 20 ຄົນ ແລະ​ບາດເຈັບ​ອີກ 70 ຄົນ.

    ໃນ​ອີກ​ເຫດການ​ໜຶ່ງ ມີ​ຕຳຫຼວດ​ເສຍ​ຊີວິດ 1 ຄົນ ຈາກ​ເຫດການ​ວາງ​ລະເບີດ ທີ່​ດຳເນີນ​ການ ໂດຍ​ກຸ່ມ​ມື​ປືນ​ຕາ​ລີ​ບັນ ຊຶ່ງ​ເກີດ​ຂຶ້ນ​ເມື່ອ​ວັນ​ທີ 5 ກັນຍາ​ນີ້ ທີ່​ແຂວງ​ບັດ​ກິ​​ສ (ພາກ​ຕາເວັນຕົກ​ຂອງ​ອາ​ຟະ​ກາ​ນິດ​ສະຖານ).

    ໃນ​ວັນ​ດຽວ​ກັນ ເຈົ້າ​ໜ້າທີ່​ຕຳຫຼວດ​ໃນ​ແຂວງ​ບັດ​ກິ​​ສ ແຈ້ງ​ໃຫ້​ຮູ້​ວ່າ ສະມາຊິກ​ຂອງ​ກຸ່ມ​ຕາ​ລີ​ບັນ ເສຍ​ຊີວິດ 7 ຄົນ ຈາກ​ເຫດການ​ລະເບີດ​ທີ່​ເກີດ​ຂຶ້ນ​ຢູ່​ເຂດ​ຊານເມືອງ ກາ​ລາ​ເອ​ນໍ ທີ່​ເປັນ​ເມືອງ​ເອກ ຂອງ​ແຂວງ​ດັ່ງກ່າວ.

 

ຂ່າວທີ່ກ່ຽວຂ້ອງ