ສຽງມາກ່ອນແສງ

275 07 ກ.ຍ. 2018 ຫົວຂໍ້ຂ່າວອື່ນໆ

    ຢູ່​ຫ້ອງ​ຮຽນ​ປະ­ຖົມ​ໃນ​ຊົ່ວ­ໂມງ​ວິ­ຊາ​ວິ­ທະ­ຍາ­ສາດ ກ່ຽວ​ກັບ​ແສງ ແລະ ສຽງ ເຊິ່ງ​ອ້າຍ­ຄູ​ໄດ້​ອະ­ທິ­ບາຍ​ວ່າ: “ແສງ​ນັ້ນ​ມີ​ຄວາມ​ໄວ​ກວ່າ​ສຽງ ຕົວ­ຢ່າງ: ພວກ​ເຮົາ​ຈະ​ເຫັນ​ແສງ­ຟ້າ​ເຫຼື້ອມ​ກ່ອນ ແລ້ວ​ຈຶ່ງ​ໄດ້​ຍິນ​ສຽງ​ຟ້າ­ຮ້ອງ​ຕາມ​ຫຼັງ” ນັກ­ຮຽນ​ທຸກ​ຄົນ​ພາ­ກັນ​ຈົດ​ບໍ່​ປາກ​ບໍ່​ຕີງ ແລ້ວ​ອ້າຍ­ຄູ​ກໍ່​ຖາມ​ຊ້ຳ​ຂຶ້ນ​ວ່າ: “ເຂົ້າ­ໃຈ​ບໍ ? ມີ​ໃຜ​ບໍ່​ເຂົ້າ­ໃຈ​ບໍ ຊີ້​ມື​ຂຶ້ນ” ທ້າວ ເອບ ຜູ້​ນັ່ງ​ຢູ່​ແຈ​ສຸດ​ຂອງ​ຫ້ອງ​ຮຽນ ລຸກ­ຂຶ້ນ​ເອົາ​ແຂນ​ເຊັດ​ຂີ້­ມູກ ແລ້ວ​ເວົ້າ​ຂັດ​ຂຶ້ນ​ວ່າ: “ອ້າຍ­ຄູ​ເວົ້າ​ຫັ້ນ​ບໍ່​ແມ່ນ​ດອກ ຄືນ​ນີ້​ພໍ່​ມາ​ເຮືອນ​ເດິກ ເມົາ​ມາ ແມ່​ຫຼານ​ເປັ່ງ­ສຽງ​ດ່າ​ກ່ອນ​ແລ້ວ​ຈຶ່ງ​ເປີດ​ໄຟ​ເປັນ​ແສງ​ຮຸ່ງ​ຂຶ້ນ​ຕາມ​ຫຼັງ ເພື່ອ​ໄຂ​ປະ­ຕູ​ເອົາ​ພໍ່”.

ຂ່າວທີ່ກ່ຽວຂ້ອງ