ຂ່າວຫຼ້າສຸດ

ປັບລາຄານ້ຳມັນຂຶ້ນ ແລະ ຫຼຸດຄ່າບໍລິການກວດສອບ

374 06 ກ.ຍ. 2018 ຂ່າວໜ້າ​ໜຶ່ງ
ປັບລາຄານ້ຳມັນຂຶ້ນ ແລະ ຫຼຸດຄ່າບໍລິການກວດສອບ

    ອີງ​ຕາມ​ເອ­ກະ­ສານ​ລາຍ​ງານ​ຂອງ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ສະ­ບັບ​ລົງ​ວັນ​ທີ 30 ສິງ­ຫາ 2018 ແລະ ອີງ​ຕາມ​ການ​ຊີ້​ນຳ​ຂອງ​ກອງ​ປະ­ຊຸມ​ນາ­ຍົກ-ຮອງ​ນາ­ຍົກ­ລັດ­ຖະ­ມົນ­ຕີ ຄັ້ງ​ວັນ​ທີ 3-4 ກັນ­ຍາ 2018 ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ໄດ້​ອອກ​ແຈ້ງ​ການ​ປັບ​ລາ­ຄາ​ນ້ຳ­ມັນ​ເຊື້ອ​ໄຟ​ຂຶ້ນ ໃນ​ຂອບ​ເຂດ​ທົ່ວ​ປະ­ເທດ​ດັ່ງ­ນີ້:

    ໂດຍ​ເຫັນ​ດີ​ໃຫ້​ປັບ​ລາ­ຄາ​ນ້ຳ­ມັນ​ຂຶ້ນ​ຄື: ນ້ຳ­ມັນ​ແອັດ​ຊັງ​ພິ­ເສດ​ປັບ​ຂຶ້ນ 230 ກີບ​ຕໍ່​ລິດ (ຈາກ​ລາ­ຄາ 10.400 ກີບ​ຕໍ່​ລິດ ຂຶ້ນ​ເປັນ 10.630 ກີບ​ຕໍ່​ລິດ) ນ້ຳ­ມັນ​ແອັດ​ຊັງ​ທຳ​ມະ​ດາ​ປັບ​ຂຶ້ນ 190 ກີບ​ຕໍ່​ລິດ (ຈາກ​ລາ­ຄາ 9.270 ກີບ​ຕໍ່​ລິດ ຂຶ້ນ​ເປັນ 9.460 ກີບ​ຕໍ່​ລິດ) ແລະ ນ້ຳ­ມັນ​ກາ​ຊວນ​ປັບ​ຂຶ້ນ 190 ກີບ​ຕໍ່​ລິດ (ຈາກ​ລາ­ຄາ 8.300 ກີບ​ຕໍ່​ລິດ ຂຶ້ນ​ເປັນ 8.490 ກີບ​ຕໍ່​ລິດ) ພ້ອມ​ກັນ​ນັ້ນ ກໍ່​ເຫັນ​ດີ​ໃຫ້​ຫຼຸດ​ຄ່າ​ບໍ­ລິ­ການ​ກວດ​ສອບ​ຄຸ­ນະ­ພາບ​ນ້ຳ­ມັນ​ລົງ​ຈາກ 32 ກີບ​ຕໍ່​ລິດ ເຫຼືອ 16 ກີບ​ຕໍ່​ລິດ ຫຼຸດ​ຄ່າ​ອິ​ມິດ​ເຕີ​ຈາກ 12 ກີບ​ຕໍ່​ລິດ ລົງ​ເຫຼືອ 6 ກີບ​ຕໍ່​ລິດ ແລະ ຫຼຸດ​ກຳ­ໄລ​ຂາຍ­ຍົກ​ຈາກ 100 ກີບ​ຕໍ່​ລິດ ລົງ​ເຫຼືອ 80 ກີບ​ຕໍ່​ລິດ.

    ສຳ­ລັບ​ລາ­ຄາ​ນ້ຳ­ມັນ​ປັບ​ຂຶ້ນ​ໃໝ່​ນີ້ ແມ່ນ​ໃຫ້​ເລີ່ມ​ຈັດ​ຕັ້ງ​ປະ­ຕິ­ບັດ​ນັບ​ແຕ່​ເວ­ລາ 6:00 ໂມງ​ຂອງ​ວັນ​ທີ 6 ກັນ­ຍາ 2018 ເປັນ­ຕົ້ນ​ໄປ.

ຂ່າວທີ່ກ່ຽວຂ້ອງ