ລາວຍາດໄດ້ຫຼຽນກາດີເລີດ ລະດັບສີມືແຮງງານອາຊຽນ

295 06 ກ.ຍ. 2018 ຂ່າວໜ້າ​ໜຶ່ງ
ລາວຍາດໄດ້ຫຼຽນກາດີເລີດ ລະດັບສີມືແຮງງານອາຊຽນ

    ງານ​ມະ​ຫະ​ກຳ​ແຂ່ງ­ຂັນ​ສີ­ມື​ແຮງ​ງານ​ອາ​ຊຽນ ຄັ້ງ​ທີ 12 ເມື່ອ​ບໍ່​ດົນ​ມາ​ນີ້ ທີ່​ເມືອງ​ທອງ​ທາ­ນີ ນະ­ຄອນ­ຫຼວງ​ບາງ­ກອກ ປະ­ເທດ​ໄທ ໄດ້​ປິດ​ລົງ​ດ້ວຍ​ຜົນ­ສຳ­ເລັດ ເຊິ່ງ​ລາວ​ເຮົາ​ໄດ້​ສົ່ງ​ນັກ​ແຂ່ງ­ຂັນ​ສີ­ມື​ແຮງ​ງານ 13 ຄົນ​ເຂົ້າ​ຮ່ວມ​ແຂ່ງ­ຂັນ​ທີ່​ມີ​ອາ­ຍຸ​ບໍ່​ເກີນ 22 ປີ ຈຳ­ນວນ 7 ສາ­ຂາ​ວິ­ຊາ​ຊ່າງ​ໃນ​ຈຳ­ນວນ​ທັງ​ໝົດ 26 ສາ­ຂາ​ວິ­ຊາ​ຊ່າງ ແລະ ສາ­ມາດ​ຍາດ​ໄດ້​ຫຼຽນ​ກາ​ດີ­ເລີດ​ລະ­ດັບ​ສີ­ມື​ແຮງ​ງານ​ອາ​ຊຽນ 5 ຄົນ​ໃນ 5 ສາ­ຂາ​ວິ­ຊາ​ຊ່າງ​ຄື: ຊ່າງ​ປຸງ​ແຕ່ງ­ອາ­ຫານ (707 ຄະ­ແນນ) ຊ່າງ​ເຕັກ​ໂນ​ໂລ​ຊີ​ອອກ​ແບບ​ກຣາ​ຟິກ (703 ຄະ­ແນນ) ຊ່າງ​ກໍ່ (701 ຄະ­ແນນ) ຊ່າງ​ແຟ​ຊັນ​ເຕັກ​ໂນ​ໂລ​ຊີ (700 ຄະ­ແນນ) ແລະ ຊ່າງ​ຈອດ​ໂລ­ຫະ (700 ຄະ­ແນນ).

    ສຳ­ລັບ​ລະ­ບຽບ​ຂອງ​ການ​ແຂ່ງ­ຂັນ​ໄດ້​ລະ­ບຸ​ໄວ້​ວ່າ ນັກ​ແຂ່ງ­ຂັນ​ຄົນ​ໃດ​ທີ່​ສາ­ມາດ​ເຮັດ​ຄະ­ແນນ​ໄດ້ 700 ຄະ­ແນນ​ຂຶ້ນ​ໄປ ເຊິ່ງ​ແມ່ນ​ເກນ​ຄະ­ແນນ​ຂອງ​ລະ­ດັບ​ສີ­ມື​ແຮງ​ງານ​ໂລກ ທີ່​ອາ​ຊຽນ​ນຳ​ເອົາ​ມາ​ເປັນ​ມາດ­ຕະ­ຖານ​ໃນ​ການ​ໃຫ້​ຄະ­ແນນ​ການ​ແຂ່ງ­ຂັນ​ຄັ້ງ​ນີ້ ຈະ​ໄດ້​ຮັບ​ລາ­ງວັນ​ຄື: ຫຼຽນ​ຄຳ ຫຼຽນ​ເງິນ ຫຼຽນ​ທອງ ແລະ ຫຼຽນ​ກາ​ດີ­ເລີດ​ຕາມ​ລຳ­ດັບ.

ຂ່າວທີ່ກ່ຽວຂ້ອງ