ຊາວ​ເອ​ຢິບ​ເສຍ​ຊີວິດ​ຫຼາຍ​ສິບ​ຄົນ ລະຫວ່າງ​ການ​ໄປ​ສະແຫວງ​ບຸນ​ທີ່ ເມກ​ກະ

122 06 ກ.ຍ. 2018 ຂ່າວຕ່າງປະເທດ
ຊາວ​ເອ​ຢິບ​ເສຍ​ຊີວິດ​ຫຼາຍ​ສິບ​ຄົນ ລະຫວ່າງ​ການ​ໄປ​ສະແຫວງ​ບຸນ​ທີ່ ເມກ​ກະ

     ກະຊວງ​ສາທາລະນະ​ສຸກ​ຂອງ​ເອ​ຢິບ ແຈ້ງ​ໃຫ້​ຮູ້ເມື່ອ​ວັນ​ທີ 3 ກັນຍາ​ນີ້​ວ່າ ມີ​ຊາວ​ເອ​ຢິບ ເສຍ​ຊີວິດ​ຢ່າງ​ໜ້ອຍ 68 ຄົນ ໃນ​ຂະນະ​ທີ່​ເດີນທາງ​ໄປ​ສະແຫວງ​ບຸນ ຢູ່​ທີ່​ສະຖານທີ່​ສັກສິດ ເມກ​ກະ (Mecca) ໃນ​ອາ​ຣາ​ບີ ຊາ​ອຸ​ດິດ ໃນ​ປີ​ນີ້.

    ໃນ​ເວລາ​ນີ້ ກອງ​ກຳລັງ​ທີ່​ກ່ຽວຂ້ອງ​ຂອງ​ເອ​ຢິບ ພວມ​ປະສານ​ງານ​ກັບ​ທາງ​ການ ອາ​ຣາ​ບີ ຊາ​ອຸ​ດິດ ເພື່ອ​ອອກ​ໃບ​ແຈ້ງ​ການ​ເສຍ​ຊີວິດ ໃຫ້​ແກ່​ບັນດາ​ຜູ້​ສະແຫວງ​ບຸນ ທີ່​ເສຍ​ຊີວິດ​ໄປ​ນັ້ນ.

    ສະຖິຕິ​ໃຫ້​ຮູ້​ວ່າ ໃນ​ຈຳນວນ​ຊາວ​ມຸ​ສລິມ​ທົ່ວ​ໂລກ 2,4 ລ້ານ​ຄົນ ທີ່​ໄປ​ສະແຫຼງ​ບຸນ ຢູ່​ໃນ​ສະຖານທີ່​ສັກສິດ​ເມກ​ກະ ໃນ​ປີ​ນີ້ ມີ​ຜູ້​ທີ່​ມາ​ຈາກ​ເອ​ຢິບ​ເຖິງ 84.000 ຄົນ. ເມື່ອ​ປີ​ກາຍ ກໍ​ມີ​ຊາວ​​​ເອ​ຢິບ​ເສຍ​ຊີວິດ​ປະມານ 80 ຄົນ ໃນ​ລະຫວ່າງ​ການ​ໄປ​ສະແຫວງ​ບຸນ ຢູ່​ໃນ​ສະຖານທີ່​ສັກສິດ​ດັ່ງກ່າວ.

 

ຂ່າວທີ່ກ່ຽວຂ້ອງ